Mateo 16:19 - Tachi Ak'õre Pedea

¹⁹ P'uurudepema te ewaparí tearu jĩra mɨa pɨ Tachi Ak'õrepa ichidirã ichi juade ua bɨ t'ãena minachia k'awa bɨ jĩra bɨipɨ. Chi pɨa nãɨ ĩjũane ne itu bɨpiepɨra Tachi Ak'õre pajãne bɨ pida mãɨya ne itu bɨpiiwẽma. Ichiaba chi pɨa nãɨ ĩjũane ne itu bɨpiipɨra Tachi Ak'õre pajãne bɨ pida mãɨya ne itu bɨpiipɨ.

Mateo 16:19 Referans Kwoze

Mateo 18:18

»Mɨa piarã jararuma: Chi mãrapa nãɨ ĩjũane ne itu bɨpidaepɨra Tachi Ak'õre pajãne bɨ pida mãɨya ne itu bɨpiiwẽma. Ichiaba chi mãrapa nãɨ ĩjũane ne itu bɨpidaipɨra Tachi Ak'õre pajãne bɨ pida mãɨya ne itu bɨpiipɨ.

Apocalipsi 1:18

Mɨ chi Chok'ae Bɨma. Mɨ piudamina ak'ɨse chok'ae bɨ, mãɨnepa ewaricha chok'ae baipɨ. Mɨa piudarã chok'ae p'irabaripi bɨma.

Apocalipsi 3:7

»Chi P'iladelp'ia p'uurudepema ũpẽarã ak'ɨparí Tachi Ak'õrepa ɨt'aripa peeda pae k'art'ade nãɨya bɨse: »Ichi chi Tachi Ak'õre Paepuru Bɨ mãɨnepa chi Piarã Pedea Aba Bɨ, chi Daví p'uuru minachia k'awa bɨpɨ. Chi ichia ewaru mi ãpia pida p'ue serraiwẽma. Ichia serraru mi ãpia pida p'ue ewaiwẽma.

Juan 20:23

Ẽpẽrapa nemietá ooda mãrapa Tachi Ak'õre Jaoredepa k'ɨ̃risia atuadaipɨra, mãɨpa jara bɨma Tachi Ak'õrepa mãɨ nemietá k'ɨ̃risia atuasit'a. Mãɨnepa ẽpẽrapa nemietá ooda mãrapa Tachi Ak'õre Jaoredepa k'ɨ̃risia atuadaepɨra mãɨpa jara bɨma Tachi Ak'õrepa mãɨ nemietá k'ɨ̃risia atuawẽa bɨt'a.

Apocalipsi 11:6

Mãɨ chi ẽpẽra ume p'anɨ Tachi Ak'õre pae pedeamaa p'anɨne chi pajã p'ue serradai p'anɨma, k'oe chepidaemaapa. Mãɨnepa pania oa p'ue papidai p'anɨma mãɨnepa ne minachia wawaria p'ue oodai p'anɨma nãɨ ĩjũa k'enanai k'orea ãchia k'ɨ̃ria p'anɨ jĩra.

2 Corintio 2:10

Abaɨpa nemietá ooda mãrapa k'ɨ̃risia atuasidara mɨa pida k'ɨ̃risia atuaipɨ. Nemietá mɨa k'ɨ̃risia atuai bɨ piarã pasira, mãɨ nemietá Cristo k'ĩrari jõma k'ɨ̃risia atuasima mãra pia tuananamẽrá.

Apocalipsi 9:1

Mãɨya nak'ari abaɨ Tachi Ak'õrepa ɨt'aripa peedapa ichi ãnimara k'achu chaasima. Mãɨne mɨa k'ãk'ãi nãɨ ĩjũanea baesit'a unusima. Mãɨne abaɨpa chi k'ãk'ãiya chi uria minachia bɨdepema eda wãpataɨ ewaparit'a teasima.

1 Tesalonicense 4:8

Chi mãɨ mɨa jarateada itu bɨrupa, ẽpẽrapa jarada itu bɨwẽma, mãɨpari Tachi Ak'õrepa jara bɨt'u itu bɨruma. Ara mãɨ Tachi Ak'õrepa ichi Jaore mãrá teasima nemietá newẽa p'ananamẽrá.

Hecho 15:7

Tãaraa pedeautade Pedro p'irabarik'ari jarasima: —Ũpẽarã, mãrapa k'awa p'anɨma mãranepema Tachi Ak'õrepa mɨ naena jɨrɨ atasima judiorãwẽa jarateamẽrá. Mãɨne judiorãwẽpa chi pedea pia Jesú k'orea ũrinak'ari ĩjãasidama.