Mateo 16:16 - Tachi Ak'õre Pedea

¹⁶ Simón Pedropa p'anoosima: —Pɨ Tachi Ak'õrepa Tachi K'aripaparí teai jarada, Tachi Ak'õre chok'ae bɨ Warrapɨ.

Mateo 16:16 Referans Kwoze

Mateo 14:33

Maapae ãarea p'ãp'orrode p'anɨ Jesú k'ĩrari sĩraporode k'op'aneenak'ari ichiá pia pedeasidama: —¡Pɨ piarã Tachi Ak'õre Warrapɨ!

Juan 11:27

Mãɨne Martapa p'anoosima: —Ãjã mɨ Chipari, mɨa ĩjãa bɨma pɨ Tachi Ak'õre Warra, Tachi Ak'õrepa Tachi K'aripaparí teai jarada, chi nãɨ ĩjũane chei bada padat'a.

1 Juan 4:15

Abaɨpa Jesú piarã Tachi Ak'õre Warraade aipɨra, Tachi Ak'õre ichi ome bɨma mãɨnepa ichi Tachi Ak'õre ome bɨma.

Mateo 27:54

Romanepema papaká berã chi mãɨrã chaarea bɨpa, ichi papaká berã pida Jesú ak'ɨ p'anasidama abaɨ pida k'aripapidaemaapa. Maamina iurumiapa mãɨyak'oaru unusidaɨde minachia p'eradak'ari jarasidama: —Piarã nãɨ ẽpẽra Tachi Ak'õre Warra pasima.

1 Timoteo 4:10

Mãɨ k'orea tachia choa nɨp'anɨne, mimia p'anɨma. Nɨ p'anɨma Tachi Ak'õre chok'ae bɨpa k'aripamẽrá. Ichit'a chi jõmãɨrã K'aripaparipɨ. Piarã, chi ichide ĩjãautat'a k'aripaparipɨ.

Hecho 9:20

Mãɨne judiorã ará pedeapataɨ te p'anɨrãmá wãrune ichia jaratea beesima Jesú piarã Tachi Ak'õre Warra k'orea.

1 Tesalonicense 1:9

Ara ãchia jara p'anɨma sãmaasã́ tai mãramá chedak'ari, mãrapa pia pedeasidaɨt'a, mãɨnepa sãdo be itu bɨsidaɨt'a Tachi Ak'õre piarã chok'ae bɨde ĩjãanai k'orea.

Mateo 26:63

Maamina Jesú k'ĩup'ea beesima. Mãɨya bɨde p'aare minachia k'awa bɨpa ichiá jarasima: —Tachi Ak'õre chok'ae bɨ k'ĩrari taiyá piarã jarase. ¿Pɨ Tachi Ak'õrepa Tachi K'aripaparí teai jara badak'ãra? ¿Pɨ Tachi Ak'õre Warrak'ãra?

1 Juan 5:5

¿K'aipa nãɨ ĩjũanepema nemietá p'ue itu bɨima? Abaɨpa Jesú piarã Tachi Ak'õre Warrat'a ĩjãa bɨpɨra, mãɨ ẽpẽrapa mãɨ p'ue itu bɨipɨ.

Hebreo 10:31

Minachia mietá bɨma, chi Tachi Ak'õre chok'ae bɨ juade bait'a tachi nemietá k'orea.

Marco 14:61

Jesú k'ĩup'ea beek'ari, mi ãpia pida p'anooé pasima. Mãɨya bɨde chi p'aare minachia k'awa bɨpa mãicha Jesua idisima: —¿Pɨ Tachi Ak'õrepa Tachi K'aripaparí teai jaradak'ãra? ¿Pɨ Tachi Ak'õre Pia Bɨ Warrak'ãra?

Juan 20:31

Maamina ãarea nãɨ bɨsima mãrapa Jesú Tachi Ak'õrepa Tachi K'aripaparí teai jarada, Tachi Ak'õre Warrade ĩjãanamẽrá. Mãɨya ĩjãanaipɨra ichidepa chok'ae bai uru p'ananaipɨ.

Juan 1:49

Mãɨpuru Natanaelpa jarasima: —Jarateaparí, pɨ piarã Tachi Ak'õre Warrapɨ. Pɨ tachi israel ĩjũanepemarã chi poro jũra jɨ̃paripɨ.

Hebreo 12:22

Maamina mãra chi piarãpẽa Sión eyadea chesidama, chi pajãnepema Jerusalén apataɨdea, chi Tachi Ak'õre chok'ae bɨ p'uurudea mãɨnepa chi ichia ɨt'aripa peedaɨrã minachia nɨbɨt'a ãarea ará arapá nɨbɨmá.

1 Juan 5:20

Tachia k'awa p'anɨma Tachi Ak'õre Warra chesit'a mãɨnepa k'ɨ̃risia k'awa bɨ tachiá teasit'a Tachi Ak'õre piarã k'awadamẽrá. Ichi Warra Jesucristo ome p'anɨ pẽra tachi piarã Tachi Ak'õre ome p'anɨma. Ichi piarã Tachi Ak'õrepɨ. Ichia ẽpẽrarã́ ichi ome ewaricha chok'ae p'anapiparima.

2 Corintio 6:16

¿Juapa oodada sãdo Tachi Ak'õre te minachia bɨde bai bɨk'ãra? Piarã tachi chi Tachi Ak'õre minachia chok'ae bɨ tepɨ. Mãɨ k'orea Tachi Ak'õrepa ichi pedeade nãɨya jarasima: «Mɨ ãchi ome baipɨ. Ãchi t'ãena nipaipɨ. Mɨ Tachi Ak'õre ichidirã paipɨ mãɨnepa ãchi mɨ ẽpẽrarã p'uuru padaipɨ».

2 Corintio 3:3

Taidepa Cristode ĩjãanana pẽra mãra k'art'a Cristopa bɨ teada jĩra p'anɨma. Ichia mãɨ k'art'a tintapa bɨé pasima, mãɨpari chi chok'ae bɨ Tachi Ak'õre Jaoredepa bɨsima. Mawara p'ep'edea pedade bɨé pasima, mãɨpari tachi sõne bɨsima.

Hecho 14:15

—Mãra, ¿k'ãre k'orea jãɨya oo p'anɨma? Tai Tachi Ak'õrewẽma. Tai ẽpẽrapɨ, mãra jĩra. Mãrá jarade che p'anɨma, chi piawẽa be itu bɨdak'ari Tachi Ak'õre chok'ae bɨt'a ĩjãanamẽrá. Mãɨ Tachi Ak'õrepa pajã, ĩjũa, p'usa mãɨnepa ãarea ãchide nɨbɨ sida oosima.

Mateo 4:3

Mãɨya bɨde mĩesa jaraparí chesima. Ichia jarasima: —Pɨ piarã Tachi Ak'õre Warrapɨra, jarase nãɨrã mawará p'ana pamẽrá.

Hecho 8:36

Mãɨya wãutade pania bɨmá pasidama. Mãɨne chi Etiopiadepema mimiaparí minachia k'awa bɨpa jarasima: —Ak'ɨse. Nãma pania bɨma. ¿K'ãarepa mɨ p'ue porochoaiwẽa bɨma?

Juan 6:69

Taipa pɨ pedea piarã ĩjãa p'anɨma mãɨnepa taipa piarã k'awa p'anɨma pɨ Tachi Ak'õrepa peeda jĩp'a bɨt'a.

Mateo 1:16

Jacó José ak'õre pasima. José María k'ima pasima. María Jesú nae pasima. Ara mãɨ Jesú Tachi Ak'õrepa Tachi K'aripaparí teai jaradaade apataɨpɨ.

Mateo 16:15

Mãɨne Jesupa idisima: —Maamina mãrapa mɨ ¿k'ai k'ɨ̃risia p'anɨma?

Luca 2:11

Idi Daví t'õna p'uuru Belene mãra k'aripaparí t'õsima. Ichi Cristopɨ, Tachi Chiparipɨ.

Juan 6:57

Mɨ Ak'õre chok'ae baparipa mɨ peesima. Ya mɨ ichidepa chok'ae bɨma. Ara mãɨ jĩra chi mɨ k'ak'ua k'o bɨpa mɨnepa chok'ae baipɨ.

Juan 6:68

Simón Pedropa p'anoosima: —Tai Chipari, tai ¿k'aimá wãnaima? Aba pɨapuru taiyá jarateaparima Tachi Ak'õre ome ewaricha chok'ae p'ananamẽrá.

2 Corintio 1:19

Silvanopa, Timoteopa, mɨa pida mãrá Tachi Ak'õre Warra Jesucristo k'orea jaratea p'anasidama. Jesucristopa ooyade ada mãicha oowẽane ak'ama. Ichia ooyade ada jõma ooparima.

Hebreo 3:12

Ũpẽarã, jĩrak'aua p'anat'ɨ. Sõ chaareapa Tachi Ak'õrene ĩjãanawẽa p'anarãt'ɨ. Chi mãɨya bɨpa Tachi Ak'õre chok'ae bɨt'a itu bɨparima.

Hebreo 9:14

Mãɨyapɨra, ¿Cristo oapa tachi atepe piipará bɨwẽk'ãra? Cristo nemietá newẽa basima. Tachi Ak'õre Jaore piuk'apɨɨpa k'aripada pẽra ara ichi itu peapisima ãnimara Tachi Ak'õrea paatearu jĩra. Nemietá oo p'anɨ k'orea tachi piudai p'anasidama. Maamina Cristopa ara ichi itu peapida pẽra tachia nemietá oodada Tachi Ak'õrepa k'ɨ̃risia atuak'ari tachi k'ɨ̃risia jĩp'a bɨsima. Mãɨya chi Tachi Ak'õre chok'ae bɨpa k'ɨ̃ria bɨt'a tachia mãɨ p'ue oodaipɨ.

Apocalipsi 7:2

Tachi Ak'õrepa ãchiá jua chaarea teasima nãɨ ĩjũa mãɨnepa p'usa ãrinamẽrá. Mãɨne mɨa unusima chi abaɨ Tachi Ak'õrepa ɨt'aripa peeda chi ɨmata ochiaparidepa cherut'a. Mãɨpa chi chok'ae bɨ Tachi Ak'õre señal bɨpari uru basima. Ichia Tachi Ak'õrepa ɨt'aripa peedaɨrã k'ĩmari p'anɨa nãɨya jĩk'ua jarasima:

Hecho 8:37

P'elipepa jarasima: —Pɨa Jesú Tachi Ak'õre Warra piarã sõnepa ĩjãa bɨpɨra, porochoai bɨma. Mãɨne chi Etiopiadepema mimiaparí minachia k'awa bɨpa p'anoosima: —Mɨa piarã ĩjãa bɨma Jesucristo Tachi Ak'õre Warrapɨ.