Mateo 15:31 - Tachi Ak'õre Pedea

³¹ Ẽpẽra ará p'anɨpa unusidama chi k'ĩrame t'urrá beada pedea p'anɨt'a, chi jua piawẽa beada pia p'anɨt'a, bɨɨrɨ sorek'ea beada pia nipada, ichiaba tau p'ãrio beadapa unu p'anɨt'a. Ãareaɨrãpa k'awa k'ɨ̃risiadaé pasi pẽra, chi Israelpema Ak'õrea pia pedeasidama.

Mateo 15:31 Referans Kwoze

Mateo 9:8

Mãɨ unusidaɨde chi mãma p'anana ne wap'easidama. Maamina Tachi Ak'õrea pia pedeasidama ichi jua chaareadepema ẽpẽrá teada, k'ak'ua piawẽa bee jɨpa beepimẽrá.

Luca 18:43

Ara mãɨne unu beek'ari Jesú k'aade wãsima. Ichia Tachi Ak'õrea minachia pia jara nipasima. Mãɨ ununaanarã pida Tachi Ak'õrea pia jara p'aneesidama.

Luca 7:16

Mãɨpuru chi arí p'anɨrã minachia p'erasidama. Jõmãɨrãpa Tachi Ak'õrea nãɨya pia jarasidama: —Piarã Tachi Ak'õre pari pedeaparí chi atepe bɨt'a tachi t'ãena chesima. Tachi Ak'õrepa ichi p'uuru k'aripade che bɨma.

Mateo 18:8

»Mãɨ k'orea pɨ juapa wa pɨ jĩrupa pɨá nemietá oopiipɨra, mãɨ bɨat'uk'ari ãyá amaase, nemietá oopiemaapa. Piipará bɨma ewaricha bait'a Tachi Ak'õre ome, jua mosá wa bɨɨrɨ mosá, jua ume mãɨnepa jĩru ume uru bɨ ome, mãɨ t'ɨpɨ urua k'iik'amá eda bat'a peei k'aepẽra.

Mateo 9:33

Jesupa mãɨ jaore mietá jeret'aak'ari ẽpẽra k'ĩrame t'urrá badapa pedeasima. Ẽpẽrarã mãma p'anɨpa k'awa k'ɨ̃risiadaé pasima. Nãɨya jarasidama: —Israel tuade waidi nãɨ jĩra ununak'a pasima.

Juan 9:24

Mãɨpuru judiorã chi mãɨrã chaarearãpa chi tau p'ãrio badá mãicha t'ɨ̃nak'ari jarasidama: —Tachi Ak'õre k'ĩrari taiyá jãɨ ẽpẽra k'orea piarã jarase. Taipa k'awa p'anɨma ichi nemietá ooparipɨ.

Luca 14:21

Chi ichi pae pari mimiaparí jĩitea wãk'ari ãchia jaradada te chiparia jarasima. Mãɨ k'orea chi chipari minachia k'ĩruuk'ari ichi pae pari mimiaparia jarasima: “P'uurudea isapea wãpade asima. Maapae chi nenea berã, chi sorek'ea berã, chi tau p'ãrio berã, chi sĩta bak'ea berã sida ãarea chepik'oase”.

Luca 14:13

Mãɨpari, pɨa ẽpẽrarã t'ɨ̃rune chi nenea berã, sorek'ea berã, sĩta bak'ea berã, tau p'ãrio berã sida t'ɨ̃k'oase.

Marco 9:43

Pɨ juapa pɨá nemietá oopisira, mãɨ bɨat'ut'aase nemietá ooemaapa. Piipará bɨma jua mosá ewaricha Tachi Ak'õre ome bait'a, mãɨ tachi jua ume uru bɨ ome t'ɨpɨ tau urua nɨbɨ k'iik'amá wãi k'aepẽra.

Marco 7:37

Chi arí p'anɨrãpa minachia k'awa k'ɨ̃risiadawẽa p'aneesidama. Nãɨya jarasidama: «Jesupa ne ãarea pia oo bɨma. ¡Chi k'ɨɨrɨ k'ii be ũripiparima mãɨnepa chi k'ĩrame t'urrá be pedeapiparima!»

Marco 2:12

Ara mãɨne ichi p'irabarik'ari, ichi ne ẽpẽra uapataɨ atak'ari ãareaɨrã k'ĩrari wãsima. Mãɨ k'orea ãareaɨrãpa k'awa k'ɨ̃risiadaé pasima mãɨnepa Tachi Ak'õrea pia pedea tuaneesidama. Nãɨya jarasidama: —¡Ewariaba pida nãɨ jĩra tachia ununak'a pasima!

Mateo 21:14

Jesú Tachi Ak'õre te eda baside tau p'ãrio berã mãɨnepa bɨɨrɨ sorek'ea berã ichimá cheepɨrɨsidama. Mãɨne ãchi jɨpa beepik'oasima.

Mateo 8:10

Mãɨ ũriside Jesupa pia k'ɨ̃risiasima. Mãɨne ichi k'aade wã p'anɨrã́ jarasima: —Piarã mãrá jararuma: nãɨ ẽpẽrapa minachia ĩjãa bɨ jĩra israel ĩjũanepemarã t'ãena aba pida unuk'ama.

Mateo 9:32

Mãɨ tau p'ãrio p'anana wãutade waapẽarãpa ẽpẽra k'ĩrame t'urrá bɨ jaore mietá pará bɨ enemeesidama.

Mateo 15:30

Maapae ẽpẽrarã chok'ará ichi bɨmá cheepɨrɨsidama. Ãchia chok'ará enemeesidama bɨɨrɨ sorek'ea berã, tau p'ãrio berã, k'ĩrame t'urrá berã, jua piawẽa berã mãɨnepa wawaria k'ɨdade berã. Mãɨrã Jesumá bɨsidama. Maapae Jesupa ãarea jɨpa beepik'oasima.