Mateo 15:26 - Tachi Ak'õre Pedea

²⁶ Jesupa p'anoosima: —Pia bɨwẽma warrarãpa nek'omaa p'anɨt'a ẽemarik'ari usarã́ p'eut'aa teait'a.

Mateo 15:26 Referans Kwoze

Mateo 7:6

»Tachi Ak'õre paepema usá tearãt'ɨ mãra k'aapiemaapa. Mãrapa chi neepɨa k'ede siná tearãt'ɨ mãɨ ɨ̃rɨ t'ɨapiemaapa.

P'ilipense 3:2

Ẽpẽrarã usa jĩra berã k'orea jĩrak'aua p'anat'ɨ ãchia nemietá oopata pẽra. Ãchia jarateapatama ɨmɨk'ĩra k'ak'ua tauchaadai p'anɨ, ẽpẽrarã Tachi Ak'õreneerã p'ananai k'orea.

Ep'esio 2:12

Nãɨ k'ɨ̃risiat'ɨ: mãra naena Cristo newẽa p'anasit'a mãɨnepa Israeldepemarãwẽ pasit'a. Tachi Ak'õre ãchi ome pedea auside ichia mãrá mi ãpia pida teai jaraé pasima. Mãɨ awara mãra sãmaasã́ pia p'ananaiwẽa p'anasidama mãɨnepa nãɨ ĩjũane Tachi Ak'õre newẽa p'anasima.

Gálata 2:15

Judiorãwẽpa Moisepa bɨda nea p'anɨ pẽra tachi judiorãpa ãchi nemietá oopataɨrãne apatama. Tachi t'õnaananepa judiorã pẽra mãɨ Moisepa bɨda uru p'anɨma.

Apocalipsi 22:15

Maamina chi nemietá oopataɨrã, chi ẽpẽra nɨɨpataɨrã, chi k'ĩranejasia oopataɨrã, chi mĩa peapataɨrã, chi juapa oodada sãdode ĩjãapataɨrã, mãɨnepa seajarapataɨrã ãarea awara tuaneenaipɨ.

Romano 9:4

chi Israeldepemarã. Tachi Ak'õrepa ãchi naa jɨrɨ atasima ichi warrarã p'ananamẽrá. Ichi k'ĩrawãrea achiterrea ãchiá unupisima. Ichia ãchi chõarãenapemarã ome pedea ausidama. Moisepa bɨda ãchiá teasima. Ãchirã́ k'awapisima ichi te nepalade k'ãre oodai p'anɨt'a mãɨnepa jõma ichia teai jarada ãchi pae basima.

Mateo 15:25

Mãɨne wẽra Jesú k'ĩrari sĩraporode k'obeek'ari jarasima: —Mɨ Chipari, ¡k'aripase!

Mateo 15:27

Mãɨne wẽrapa jarasima: —Pɨa piarã jara bɨma, mɨ Chipari, maamina usapa chipari nek'opataɨ ek'ari chik'o jurruchoada k'oparima.