Mateo 15:14 - Tachi Ak'õre Pedea

¹⁴ Mãɨpuru p'ariseorã k'orea k'ɨ̃risiarãt'ɨ. Ãchi tau p'ãrio be jĩra p'anɨma. Tau p'ãrio bɨpa abaɨ tau p'ãrio bɨa o jarateasira, umea uriade baewãnaipɨ.

Mateo 15:14 Referans Kwoze

Luca 6:39

Mãɨ awara Jesupa nepɨrɨsima ne jarateai k'orea: «¿Tau p'ãrio bɨpa abaɨ tau p'ãrio bɨ p'ue ateewãik'ãra? ¿Ateewãipɨra, ãchi umea uriade baewãnaiwẽk'ãra?

2 Pedro 2:1

Israel ĩjũanepemarã t'ãena Tachi Ak'õre pari pedeapataɨrã sea jarateapataɨrã pasima. Mãra t'ãena pida sea jarateapataɨrã pará p'ananaipɨ. Seadepa ãchia tachi o ãyá wãpiparii k'ɨ̃risiat'a, Tachi Ak'õre pedea jĩra jarateadaipɨ. Tachi Chipari Jesupa ãchi k'aripa bada waa k'aripawẽa beesiade adaipɨ. Mãɨ k'orea Tachi Ak'õrepa isapea ɨtɨaipɨ.

Apocalipsi 22:15

Maamina chi nemietá oopataɨrã, chi ẽpẽra nɨɨpataɨrã, chi k'ĩranejasia oopataɨrã, chi mĩa peapataɨrã, chi juapa oodada sãdode ĩjãapataɨrã, mãɨnepa seajarapataɨrã ãarea awara tuaneenaipɨ.

Apocalipsi 19:20

K'ĩruutade chi mũra ɨ̃rɨ suak'abari bɨpa chi ãnimara mietá bɨ mãɨnepa chi Tachi Ak'õre pari pedeaparí chi piarãpẽawẽma bɨt'a jitasima. Mãɨ chi piarã Tachi Ak'õre pari pedeapariwẽpa chi ãnimara mietá bɨ t'ɨ̃nepa ẽpẽerãpa ne p'ue oodak'apɨ́ waibɨa bet'a oopachima. Mãɨya chi ẽpẽerãpa chi ãnimara mietá bɨa itu tauchaapidaadarã ãarea seapachima. Ichiaba chi mãɨ ãnimara jĩra bɨ juapa oodada sãdo minachia k'ɨ̃rianaanat'a seapachima. Chi mũra ɨ̃rɨ suak'abari bɨpa mãɨ ãnimara mietá bɨ mãɨnepa chi Tachi Ak'õre pari pedeaparí chi piarãpẽawẽma bɨt'a chok'ae p'anɨ senia azup're paara t'ɨpɨ urua bɨdea jirat'aasima.

2 Pedro 2:17

Sea jarateapataɨrã p'ẽya uriadepa pania wea bada p'oa bɨ jĩra p'anɨma. Ãchi jɨ̃ara nãupa ãyá ateeru jĩra p'anɨma. Nãupa jɨ̃ara ãyá ateewãrune k'oe chek'ama. Ara mãɨ jĩra ãchia jaratea p'anɨt'a k'aripak'ama. Tachi Ak'õrepa uria minachia p'ãrio bɨde bɨsima ãchi ɨtɨai k'orea.

1 Timoteo 6:5

Mãɨ ẽpẽrarã k'ɨ̃risia mietá p'anɨ mãɨnepa chi piarã pedea atua p'anɨ paritua k'ĩruu pedeapatama. Ãchia k'ɨ̃risiapatama Tachi Ak'õrene ĩjãa bɨdepa erreara ununait'a.

Juan 9:39

Mãɨne Jesupa jarasima: —Mɨ nãɨ ĩjũanea chesima ẽpẽerã nepɨra ak'ɨi k'orea. Mãɨya chi tau p'ãrio be jĩra bepa ununaipɨ mãɨnepa chi unu p'anɨane a p'anɨ tau p'ãrio be jĩra p'aneenaipɨ.