Mateo 14:31 - Tachi Ak'õre Pedea

³¹ Ara mãɨne Jesupa juade jitak'ari jarasima: —K'õp'ãero ĩjãawẽa bɨ, ¿pɨa k'ãre k'orea mɨa pɨ p'ue to ɨ̃rɨ peeiwẽane a k'ɨ̃risiasima?

Mateo 14:31 Referans Kwoze

Mateo 8:26

Mãɨne Jesupa jarasima: —Mãra ¿k'ãre k'orea ne wap'ea p'anɨma? ¡Mãrapa pia ĩjãanawẽa p'anɨma! P'irabarik'ari Jesupa nãua mãɨnepa senia chomá ɨbɨa pedeasima. Ara mãɨne jõma ap'i ũu beesima.

Mateo 17:20

Jesupa p'anoosima: —Mãrapa Tachi Ak'õrene ãpia ĩjãanawẽa p'anɨ pẽra p'uedaé pasima. Mɨa piarã jararuma: mostaza net'a tau ãpia k'ɨrɨ jĩra mãrapa ãpia ĩjãa p'anɨpara, nãɨ eyá nãmãɨpa ãyá wãpade adai pasima. Mãɨne eya ãyá wãipɨ. Mãɨya ĩjãa p'anɨpara, mãrapa ẽpẽerãpa ne p'ue oodak'apɨ́ p'ue oodawẽa p'ananaiwẽ pasima.

Marco 5:41

Wẽrak'au juade jitak'ari Jesupa jarasima: —Talitá cum. (Mãɨ arameo pedeade jara bɨma: “K'au chae, mɨa pɨá jararuma: p'irabarise”).

Marco 1:31

Orrobarik'ari, juade jitak'ari p'irabaripisima. Ara mãɨne k'ɨamia tuusima. Maapae Simón p'ak'õrepa ãchiá nek'opisima.

Mateo 16:8

Jesupa mãɨ k'awaside jarasima: —¿K'ãre k'orea p'ana newẽane a p'anɨma? ¿Wapida Tachi Ak'õrene ĩjãanawẽa jĩra p'anɨk'ãra?

Hecho 4:30

Pɨ jua chaarea bɨdepa chi k'ɨdade berã jɨpa beepise mãɨnepa chi pɨ pae pari mimiaparí jĩp'a bɨ Jesú t'ɨ̃nepa ẽpẽerãpa ne p'ue oodak'apɨ́ ãarea oose».

Luca 24:34

Mãɨrãpa nãɨya jara p'anasidama: —¡Tachi Chipari Jesú piarã chok'ae p'irabarisima! Simonoa ichi unupisima.

Marco 16:7

Naapae jarade wãt'ɨ chi ichi ome p'ɨrrɨapataɨrãmá mãɨnepa Pedroa, Jesú ãchi naa Galilea tuadea wãrut'a. Mãma ichi ununaipɨ ara ichia naena jarada jĩra.

Marco 11:23

Mɨa piarã jararuma: parituapa cha bɨ eyá ãyá wãpade maapae p'usadea eda baewãpade asira, ara ichia jararu jĩra mãɨyaipɨ. Maamina mãɨ piarã ichi sõne k'ɨ̃risiaiwẽa bɨma ichia jararu mãɨyaiwẽt'a, mãɨpari piarã mãɨyait'a ĩjãai bɨma.

Marco 1:41

Jesupa sõchupuriada pẽra ichi jua ɨ̃rɨ bɨrude nãɨya jarasima: —Mãɨya oo k'ɨ̃ria bɨma. ¡Jɨpa beese!

Mateo 6:30

Chi idiapae p'ũajãra tachia mẽa unupataɨ mãɨ norema paapatamina Tachi Ak'õrepa wapida mãɨ t'õpiparima. Mãɨ k'aepẽra ¿ichia mãrá ne piipará jɨ̃namẽrá teaiwẽk'ãra? ¿K'ãre k'orea mãɨne p'ue ĩjãanawẽma?

1 Timoteo 2:8

Mãɨpuru ũpẽarã ará nɨbeerude, mɨa k'ɨ̃ria bɨma techa ɨmɨk'ĩrarãpa k'ɨ̃risia piadepa ãchi jua ɨt'aa jiradak'ari, Tachi Ak'õrea ɨt'aa chiididamẽrá. Mãɨne k'ĩruu p'ananaiwẽa p'anɨma mãɨnepa awaraɨ ome k'ĩruu pedea p'ananaiwẽa p'anɨma.

1 Pedro 1:5

Jesucristode ĩjãa p'anɨ pẽra Tachi Ak'õrepa ichi jua chaareadepa mãra ak'ɨ uru baipɨ aba chi k'aadeapema ewaride k'ariparudea.

Mateo 14:30

Minachia p'õat'ɨ nɨbɨ unuk'ari wap'easima. Maapae edá t'aapodosima. Mãɨne biasima: —¡Mɨ Chipari, k'aripase!

Mateo 14:32

P'ãp'orrode batoosidaɨde nãu p'õat'ɨwẽa nɨbeesima.

Marco 4:40

Mãɨya bɨde Jesupa ãchiá jarasima: —Mãra ¿k'ãre k'orea minachia wap'ea p'anɨma? ¿K'ãre k'orea Tachi Ak'õrene ĩjãanawẽa p'anɨma?