Mateo 14:19 - Tachi Ak'õre Pedea

¹⁹ Maapae ẽpẽrarã́ jarasima p'ũajãrane suak'abari p'aneenamẽrá. Mãɨ p'ana joesoma p'anɨ mãɨnepa beta ume p'anɨ ichi juade atak'ari pajãnea ak'ɨk'ari Tachi Ak'õrea sõpia bɨade asima. Maapae p'ana t'oet'aak'ari ichi ome p'ɨrrɨapataɨrã́ teasima jeda k'odamẽrá.

Mateo 14:19 Referans Kwoze

Luca 24:30

Nek'outade Jesupa p'ana atak'ari Tachi Ak'õrea pia jarasima. T'oet'aak'ari ãchiá teasima.

Hecho 27:35

Mãɨya jarak'ari Pablopa p'ana juade atak'ari ãareaɨrã k'ĩrari Tachi Ak'õrea sõpia bɨade asima. Maapae p'ana t'oet'aak'oak'ari k'osima.

Marco 6:41

Jesupa p'ana joesoma p'anɨ mãɨnepa beta ume p'anɨ ichi juade atak'ari pajãnea ak'ɨk'ari Tachi Ak'õrea sõpia bɨade asima. Maapae p'ana t'oet'aak'ari ichi ome p'ɨrrɨapataɨrã́ teasima jedadamẽrá. Beta ume p'anɨ sida teasima jedadamẽrá.

1 Corintio 11:24

Tachi Ak'õrea sõpia bɨade ak'ari t'oet'aarude jarasima: «Jitadak'ari k'ot'ɨ. Nãɨ mɨ k'ak'uapɨ, mãra k'orea tearuma. Mɨ k'ɨ̃risiadai k'orea ara nãɨ jĩra oo p'anapariet'ɨ».

Romano 14:6

Chi mimianak'apɨ́ ewari ak'ɨ bɨpa Tachi Chipari pae mãɨya oo bɨma. Chi nejõma k'oparipa mãɨya k'oparima Tachi Chipari wap'ea bɨ pẽra. Mãɨ k'orea nek'orude ichia Tachi Ak'õrea sõpia bɨade aparima. Mãɨnepa chi nejõma k'ok'apɨɨpa mãɨya k'ok'ama Tachi Chipari wap'ea bɨ pẽra. Mãɨ k'orea nek'orude ichia pida Tachi Ak'õrea sõpia bɨade aparima.

Colosense 3:17

Mãra pedeautade mãɨnepa ne ooutade jõma oot'ɨ Tachi Chipari Jesupa k'ɨ̃ria bɨ jĩra. Ichidepa Tachi Pajãnepema Ak'õrea sõpia bɨade at'ɨ.

1 Corintio 10:16

Tachi Chipari k'ɨ̃risia p'anɨne, tachia uvaba pasude bɨ k'orea Tachi Ak'õrea sõpia bɨade adak'ari topatama. Mãɨ toutade unupipatama tachi Cristo oadepa ichi ome ará p'anɨt'a. Mãɨnepa p'ana t'oet'aada k'outade unupipatama Cristo k'ak'uade minachia mĩananepa tachi ichi ome ará p'anɨt'a.

Luca 9:14

Mãma p'anɨ ɨmɨk'ĩirãowa cinco mil p'anasi jĩra bɨma. Mãɨpuru Jesupa ichi ome p'ɨrrɨapataɨrã́ nãɨya jarasima: —Ãchiá jarat'ɨ ara ãchi k'ak'awá posoa cicicuentá jeeda suak'abari p'aneenamẽrá.

Marco 7:34

Maapae pajãnea ak'ɨk'ari ɨbɨa ɨ̃apaak'ari arameo pedeade jarasima: «¡Ep'atá!» Mãɨ pedea jara k'ɨ̃ria bɨma «Ewase».

1 Corintio 10:31

Maamina mɨa jararuma: mãra nek'o p'anɨne, neto p'anɨne wa ne oo p'anɨne jõma oot'ɨ ẽpẽrarãpa Tachi Ak'õre k'orea pia jaradamẽrá.

Juan 6:23

Mãɨne waapẽarã p'ãp'orro Tiberia p'uurudepa chesidama chi Jesupa Tachi Chiparia sõpia bɨade ak'ari ẽpẽerã́ p'ana k'opidamá.

Marco 6:39

Maapae Jesupa ãareaɨrã́ jarasima p'ũajãra ɨ̃rɨ ara ãchi k'ak'awá posoa suak'abari p'aneenamẽrá.

Juan 11:41

Mãɨya bɨde ẽpẽerãpa mawara ãyá bɨsidama. Maapae Jesupa ɨt'aa ak'ɨk'ari jarasima: —Ak'õre, mɨa pɨá pia jaraipɨ mɨa idida ũrina pẽra.

Luca 22:19

Maapae p'ana jitak'ari Tachi Ak'õrea sõpia bɨade a jarasima. T'oet'aak'ari ãchiá tearude nãɨya jarasima: —Nãɨ mɨ k'ak'uapɨ, mãra k'orea teadapɨ. K'ot'ɨ. Mɨ k'ɨ̃risiadai k'orea ara nãɨ jĩra oo p'anat'ɨ.

Luca 9:16

Jesupa p'ana joesoma p'anɨ mãɨnepa beta ume p'anɨ ichi juade jitak'ari pajãnea ak'ɨk'ari Tachi Ak'õrea sõpia bɨade asima. Maapae t'oet'aak'ari ichi ome p'ɨrrɨapataɨrã́ jarasima jedadamẽrá.

Mateo 14:18

Jesupa jarasima: —Mɨmá enemeet'ɨ.

Luca 22:17

Maapae pasu jitak'ari Tachi Ak'õrea mɨ sõpia bɨade a jarak'ari nãɨya jarasima: —Nãɨ tot'ɨ.