Mateo 13:38 - Tachi Ak'õre Pedea

³⁸ Ne uu ĩjũa jara k'ɨ̃ria bɨma nãɨ ĩjũa ãarea. Chi ne uu tau pia jara k'ɨ̃ria bɨma Pajãne Bɨpa ichidirã ichi juade ua bɨdepema ẽpẽrarã. Chi ne uu jara k'ɨ̃ria bɨma tiore mietaaderã.

Mateo 13:38 Referans Kwoze

Juan 8:44

Mãra ak'õre tiorepɨ. Mãɨpuru ichia k'ɨ̃ria bɨt'a mãrapa oo k'ɨ̃ria p'anɨma. Ichi jua chiwidiedadepema mĩa peaparima. Piarãnepa bak'ama chi piarãt'a ichide newẽ pẽra. Sea jararude ichidiidepema jaraparima, seajarapari pẽra mãɨnepa sea ak'õre pẽra.

Hecho 13:10

—¡Tiore warra, pɨa ne ãarea jĩp'a bɨt'a k'ɨ̃riak'ama! ¡Nemietá ooyá bɨma mãɨnepa chi sea bɨma! ¿K'ãre k'orea ara pɨchia Tachi Chipari pedea seaade a bɨma?

1 Pedro 1:23

Nãɨ k'ak'ua piui bɨdepa mãra mãicha chiwidi t'õnaé pasima, mãɨpari Tachi Ak'õre piuk'apɨɨdepa mãicha chiwidi t'õsidama. Tachi Ak'õre pedea jõk'apɨɨpa, chok'ae babiparima. Mãɨ pedeadepa mãra chiwidi t'õsidama.

Santiago 1:18

Ichia k'ɨ̃riana pẽra ichi piarã pedeadepa tachi chok'ae bɨsima. Mãɨya chi ne uu ĩjũanepema naapema chauda ichiá teada jĩra tachit'u jõma ichia oodadepema ichi pae pia p'anɨma.

Mateo 13:19

Chi net'a tau ode p'oda nãɨya jara k'ɨ̃ria bɨma: Pajãne Bɨpa ichidirã ichi juade ua bɨ k'orea abaɨ pida ũrik'ari k'awaepɨra, tiorepa mãɨ pedea ichi sõne cheda k'ɨ̃risia atuapiipɨ.

1 Juan 3:2

Ũpẽarã, tachi Tachi Ak'õre warrarãpɨ. Tachi Ak'õrepa wapida k'awapiwẽa bɨma tachi sãmaasã́ p'ananait'a. Maamina k'awa p'anɨma Cristo cherude ichi jĩra p'ananait'a, mãɨ ewaride ichi sãmaasã́ bɨ ununai pẽra.

Colosense 1:6

ũrisidaɨde mãramá Tachi Ak'õrepa ichi sõpiadepa mãra piarã k'aripait'a ãarea k'awasidama. Ara mãɨya mãɨ ewaridepa jõma tuacha ẽpẽerãpa minachia ĩjãamaa p'anɨma, nejõ bɨɨrɨ minachia chaupari jĩra.

Romano 10:18

Maamina mɨa idiruma: ¿Judiorãpa mãɨ pedea ũrinaé pasik'ãra? Piarã ũrisidama. Tachi Ak'õre pedeade nãɨya bɨ bɨma: «Ichi k'orea jõma nãɨ ĩjũane jarasidama. Mãɨ pedea t'ɨmɨa jarade wãsidama».

Romano 8:17

Ichi warrarã pẽra Cristo ome ichia uru bɨdepema jitadaipɨ. Tachi piarã Cristo minachia mĩana jĩra minachia mĩa p'ananaipɨra, Tachi Ak'õrepa Cristo ome ará minachia pia bɨipɨ.

Juan 12:24

Mɨa piarã jararuma: trigo tau ĩjũane baek'ari ya piuepɨra, aba ichi tuaba beeima. Maamina mãɨ trigo tau piuda jĩra ĩjũane beeipɨra, mãɨya bak'ari minachia chauparima.

Luca 24:47

Maapae ichi t'ɨ̃nepa ichide ĩjãa berãpa ẽpẽrarã́ jaradaipɨ ãchi nemietá itu bɨdak'ari Tachi Ak'õremá chedamẽrá. Mãɨya Tachi Ak'õrepa ãchi nemietá k'ɨ̃risia atuaipɨ. Mãɨ naa Jerusalén p'uurude jaradak'ari jõma p'uuru becha jarade wãnaipɨ.

Mateo 24:14

Mãɨne chi pedea pia Tachi Ak'õrepa ichidirã ichi juade ua bɨ k'orea jõma nãɨ ĩjũane jaradaipɨ p'uuru becha ũrinamẽrá. Mãɨya bak'aripuru nãɨ ewari jõipɨ.

Apocalipsi 14:6

Mãɨya nak'ari mɨa aba chi Tachi Ak'õrepa ɨt'aripa peeda pajãne wãamari wã nɨbɨt'a unusima. Ichia chi pedea pia uru basima ãarea ẽpẽerã́ jarai k'orea: ĩjũanepemarãcha, ẽpẽerã awaraɨcha, pedeacha mãɨnepa p'uurucha. Mãɨ pedea ewaricha mãɨya baipɨ.

Santiago 2:5

Ũpẽarã mɨa k'ɨ̃ria berã, ¡ũrit'ɨ! ¿Tachi Ak'õrepa nãɨ ĩjũane nenea k'ede k'aripawẽk'ãra Jesucristode ĩjãanamẽrá? Mãɨya ãchi ẽpẽra ɨbɨa p'anɨ jĩra p'anɨma. Tachi Ak'õrepa ãchi ichi juade ua baipɨ. Mãɨya piarã jarasima, chi ichi k'ɨ̃ria berã́.

Mateo 5:37

Mãrapa ne oodayade adaipɨra, oot'ɨ. Ichiaba oodawẽane adaipɨra, oorãt'ɨ. Mãɨ paritua t'ɨ̃ne piarã ne ooyade a jarasira mãɨ pedea nemietaadepa che bɨma.

Mateo 8:12

Maamina Tachi Ak'õrepa ẽpẽrarã naa ua k'ɨ̃ria bada p'ãrionea ãyá jerek'oaipɨ. Mãma jẽa p'ananaipɨ mãɨnepa p'uapa k'ida k'ɨterrea p'ananaipɨ.