Mateo 12:42 - Tachi Ak'õre Pedea

⁴² Mãɨ awara Salomón ewaride Sabá tuadepema poro jũra jɨ̃parí jɨ̃ bɨ wẽra basima. Ichi tua t'ɨmɨɨpa chesima Salomonpa ichi k'ɨ̃risiadepa pedea bɨ ũrii k'orea. Maamina nãɨ ewaride Salomón k'aepẽra chi atepe bɨ nãma bɨmina mãrapa ĩjãanawẽa p'anɨma. Mãɨ k'orea Tachi Ak'õrepa ɨtɨai ewaride mãɨ wẽrapa p'irabarik'ari mãra nepɨra pará bɨade aipɨ.

Mateo 12:42 Referans Kwoze

Juan 1:14

Chi Pedea apataɨ ẽpẽra k'ak'uade t'õk'ari tachi t'ãena bapachima. Ichi sõpiadepa tachi minachia k'aripasima. Ichia tachiá pia k'awapisima Tachi Ak'õre piarã sãmaasã́ bɨt'a. Mãɨne taipa ichi ãarea pia bɨt'a unusidama, Tachi Ak'õre Warrat'u mãɨya bɨ pẽra.

Mateo 17:5

Pedro mãɨya pedeamaa bɨde jɨ̃ara ɨnaa bɨpa ãchi ãarea t'ausima. Jɨ̃ara mãɨya cheside nãɨ pedea jĩk'ua ũrisidama: «Nãɨt'a mɨ Warrapɨ. Mɨa ichi minachia k'ɨ̃ria bɨma. Mɨ ichi k'orea arapá bɨma. Ichia jara bɨ ũrit'ɨ».

Juan 1:18

Abaɨ pida Tachi Ak'õre ununak'ama. Maamina chi Warra aba bɨt'a Tachi Ak'õre pẽra mãɨnepa chi Ak'õre ome abarik'a bɨ pẽra, tachiá k'awapisima Tachi Ak'õre piarã sãmaasã́ bɨt'a.

Mateo 3:17

Mãɨ awara Tachi Ak'õre pajãnepa edá pedearu ũrisidama. Nãɨya jarasima: «Nãɨt'a mɨ Warra chi k'ɨ̃ria bɨpɨ. Mɨ ichi k'orea minachia sõ arapá bɨma».

Mateo 12:41

Mãɨ awara Tachi Ak'õrepa ãareaɨrã ɨtɨai ewaride Nínive p'uurudepemarã p'irabaridak'ari chi idiapaepemarã nepɨra pará bɨade adaipɨ. Jonapa jarada ũrisidaɨde ãchia nemietá oopataɨ itu bɨdak'ari Tachi Ak'õremá chesidama. Mãɨ Joná k'aepẽra chi atepe bɨ nãma bɨmina mãrapa ĩjãanawẽa p'anɨma.

Mateo 12:6

Mɨa jararuma: Tachi Ak'õre te minachia bɨ k'aepẽra chi atepe bɨt'a nãma bɨma.