Mateo 12:26 - Tachi Ak'õre Pedea

²⁶ Ara mãɨ jĩra Tiorepa ara ichidí jaore mietá ãyá jeret'aaipɨra, ara ichi ome k'ĩruu bɨma. Mãɨ ichidirã ichi juade ua bɨ ¿sãmaasã́ ãchi ará p'ananaima?

Mateo 12:26 Referans Kwoze

Colosense 1:13

Tachi Ak'õrepa chi p'ãrionepema tiore juadepema tachi k'aripak'ari bɨsima ichi Warra k'ɨ̃ria bɨ juade ichidirã paara ua bamẽrá.

1 Juan 5:19

Tachia k'awa p'anɨma tachi Tachi Ak'õrené. Mãɨnepa k'awa p'anɨma jõma chi nãɨ ĩjũane Tachi Ak'õre atua be tiore juade p'anɨrãt'a.

Apocalipsi 16:10

Mãɨya nak'ari abaɨ chi Tachi Ak'õrepa ɨt'aripa peedapa chi ichi p'arat'u jãjoa bɨde uru bada chi ãnimara suak'a beeparí minachia bɨde ɨ̃rɨ ãarea wea peesima. Ara mãɨne chi ãnimarapa chi ichi p'ue bɨ ĩjũa ãarea p'ãriosima. Mãɨne chi p'uapa ãchi k'ĩrame k'aasidama.

Apocalipsi 12:9

Mãɨne chi je waibɨa bɨ mãɨnepa chi ichi lawari p'anana ãarea nãɨ ĩjũanea bat'a peesidama. Mãɨ je waibɨa bɨ mãɨt'u chi chõarãenapema taamapɨ. Chi t'ɨ̃ Tiore mãɨnepa Ãnimara apatama. Ichia chi nãɨ ĩjũane be ãarea sea uru baparima.

Apocalipsi 9:11

Mãɨ sisi poro jũra jɨ̃parí jɨ̃ bɨpa chi uria minachia bɨ ak'ɨparima. Ichi t'ɨ̃ hebreo pedeade Abadón apatama. Griego pedeade Apolión apatama.

2 Corintio 4:4

Tachi Ak'õrene ĩjãanak'apɨɨrãmá chi mãɨ pia ũrinak'ama. Nãɨ ĩjũane tiore ãchi chiparipɨ. Ãchirã́ chi piarã pedea pia Cristo k'orea itu k'awapiwẽa bɨma tau p'ãrio oo bɨ jĩra. Mãɨya ãchia Cristo pia bɨ k'orea p'ue k'awadaiwẽma. Cristo Tachi Ak'õre pẽra mãɨya pia bɨma.

Juan 16:11

Mãɨnepa Tachi Ak'õre Jaorepa k'awapiipɨ nãɨ ĩjũanepemarã nepɨra pará p'anɨane ait'a, Tachi Ak'õrepa chi nãɨ ĩjũanepema chipari nepɨra pará bɨade ada pẽra.

Juan 14:30

»Mɨ mãra ome minachia pedeawẽma, chi nãɨ ĩjũanepema chaarea bɨ cheru pẽra. Ichia mɨ p'uek'ama.

Juan 12:31

Naapae Tachi Ak'õrepa nãɨ ĩjũanepemarãpa nemietá oopataɨ ak'ɨk'ari ɨtɨaipɨ. Naapae, chi nãɨ ĩjũanepema chipari Tachi Ak'õrepa p'ueipɨ.

Mateo 4:10

Mãɨne Jesupa tiorea jarasima: —Tiore, ãyá wãse. Tachi Ak'õre pedeade nãɨya bɨ bɨma: “Aba pɨ Chipari Tachi Ak'õreapuru pia pedease. Ichia jara bɨt'a oo base”.

Mateo 9:34

Maamina p'ariseorãpa jarasidama: —Jãɨ Jesupa jaore mietá ãyá jeret'aaparima, jaore mietaarã chi atepe bɨpa ichiá mãɨ jua chaarea teada pẽra.

Mateo 13:19

Chi net'a tau ode p'oda nãɨya jara k'ɨ̃ria bɨma: Pajãne Bɨpa ichidirã ichi juade ua bɨ k'orea abaɨ pida ũrik'ari k'awaepɨra, tiorepa mãɨ pedea ichi sõne cheda k'ɨ̃risia atuapiipɨ.