Mateo 12:25 - Tachi Ak'õre Pedea

²⁵ Maamina ãchia k'ɨ̃risia p'anɨ Jesupa k'awada pẽra jarasima: «Tua abarik'a berã ãstu k'ĩruupik'adaipɨra, chi jõnaipɨ. P'uuru abarik'a berã wa te abarik'a berã ãstu k'ĩruupik'adaipɨra, tãaraa p'ananaiwẽma.

Mateo 12:25 Referans Kwoze

Gálata 5:15

Jĩrak'aua p'anat'ɨ. K'ĩruu pedea tuananaipɨra, chõo tuananaipɨra, ara mãra tuaba jõma jõnaipɨ.

1 Corintio 2:11

¿Ẽpẽra k'ɨ̃risiat'a k'aipa k'awa bɨma? Ara ichi tuabapuru k'awa bɨma. Ara mãɨ jĩra mi ãpia pida Tachi Ak'õre k'ɨ̃risia p'ue k'awadawẽma. Aba Tachi Ak'õre Jaorepuru mãɨ k'awa bɨma.

Mateo 9:4

Maamina ãchia k'ɨ̃risia p'anɨ Jesupa k'awasima. Mãɨpuru jarasima: —Mãrapa ¿k'ãre k'orea mãra sõne jãɨya piawẽa k'ɨ̃risia p'anɨma?

Apocalipsi 16:19

Chi p'uuru waibɨa bɨ bari k'ak'o ũpea ãarea t'odochoapisima. Mãɨnepa jõma nãɨ ĩjũanepema p'uuru baewãk'oasidama. Tachi Ak'õrepa Babilonia p'uuru waibɨa bɨdepema k'ɨ̃risiasima, mãɨ ɨtɨai k'orea. Ichi k'ĩruupidepa mãɨ p'uuru minachia ɨtɨasima uvaba minachia asia bɨ topi bɨ jĩra.

Hebreo 4:13

Tachi Ak'õrepa ne ãarea unuparima. Chi ichia unuwẽa bɨ newẽma. Ichia ooda mãɨnepa tachia mẽra uru p'anɨt'a pia unu bɨma. Ichia tachi ak'ɨrude jõma tachia oodada ichiá jaradai p'anɨma.

Marco 2:8

Ara mãɨne Jesupa ãchia k'ɨ̃risia p'anɨt'a ichi sõne k'awasima. Mãɨpuru ãchiá jarasima: «¿K'ãre k'orea mãra sõne jãɨya k'ɨ̃risia p'anɨma?

Apocalipsi 2:23

Ichi warrarã mɨa ãarea piupiipɨ. Mãɨya ũpẽarã ãareaɨrãpa k'awadaipɨ mɨa jõmãɨrã k'ɨ̃risia k'awa bɨt'a. Ichiaba k'awadaipɨ jõmãɨrãpa ãchi sõnepa oo k'ɨ̃ria p'anɨt'a, mɨa mãɨ k'awa bɨt'a. Ara machicha oodada jĩra mɨa ɨtɨaipɨ.

Juan 21:17

Jesupa mãicha idisima: —Simón, Joná warra, ¿mɨ k'ɨ̃ria bɨk'ãra? Mãɨpa bari k'ak'o ũpea idi basima. Pedro k'ĩra piawẽa nɨbeesima, Jesupa bari k'ak'o ũpea abarik'a idida pẽra. Maapae ichia jarasima: —Mɨ Chipari, pɨa ne ãarea k'awa bɨma. Pɨa k'awa bɨma mɨa pɨ k'ɨ̃ria bɨt'a. Jesupa jarasima: —Chi mɨne ĩjãa berã minachia ak'ɨ base oveja chak'erã ak'ɨpari jĩra.