Mateo 11:29 - Tachi Ak'õre Pedea

²⁹ Mɨá itu ateewãpit'ɨ. Mɨa ne jara bɨ ũrit'ɨ. Mɨa ãarea choaparima mãɨnepa mɨ sõnepa waapẽarã k'aepẽra atepe k'awa bɨade a k'ɨ̃risiak'ama. Mɨmá chedaipɨra mãra piarã ɨ̃apaadaipɨ.

Mateo 11:29 Referans Kwoze

Juan 13:15

Mɨa jãɨya unupisima ara machicha chi k'aripadamẽrá.

Mateo 7:24

»Mãɨ k'orea abaɨpa mɨ pedea ũrik'ari, ooipɨra, nãɨ jĩra baipɨ: ẽpẽra k'ɨ̃risia k'awa bɨpa ichi te mawara ɨ̃rɨ oosima.

Hebreo 5:9

Ne ãareaɨne arí ooda pẽra, chi ichi pedea ũriutarã ãarea k'aripaipɨ ewaricha chok'ae p'ananamẽrá.

2 Corintio 10:1

Mɨ Pablopɨ. Cristo k'ɨ̃rianepa mãɨnepa ichi sõpiadepa mɨa mãrá chichupuria idiruma mɨ pedea ũrinamẽrá. Waapẽarãpa jara p'anɨma mãra ome bɨde, mɨa wap'ea baparit'a mãra ɨtɨai k'orea, maamina mãra ome bɨwẽne wap'eak'ama mãra k'art'adepa ɨtɨai k'orea.

Mateo 28:20

Ãchiá jarateat'ɨ mɨa mãrá jarada jõma ĩjãanak'ari oodamẽrá. Mãɨne mɨ mãra ome ewaricha baipɨ aba nãɨ ewari jõrunea.

P'ilipense 2:5

Jesucristopa k'ɨ̃risia bada jĩra k'ɨ̃risiat'ɨ:

Mateo 21:5

«Sión p'uurudepemarã́ nãɨya jarat'ɨ: “Ak'ɨt'ɨ, mãra chipari mũra ɨ̃rɨ mãramá cheruma. Chi ẽpẽra minachia k'awa bɨ jĩra chewẽma. Mũra chak'e ɨ̃rɨ cheruma”».

2 Corintio 10:5

Jõma k'ɨ̃risia piawẽa be mãɨnepa chi tachi k'ak'ua atepe k'ɨ̃riapataɨ Tachi Ak'õre k'orea itu k'awapidak'aɨ, taipa mãɨ seat'a k'awapipatama. Ẽpẽrarãpa ãchi nek'ĩramá eda jɨ̃a nɨbɨuta jĩra taipa chi mãɨya k'ɨ̃risia be jĩp'a k'ɨ̃risiapipatama Cristode ĩjãanamẽrá.

1 Tesalonicense 4:2

Tachi Chipari Jesudepa taipa jarateadada mãrapa k'awa p'anɨma.

Juan 13:17

¿Mãɨ ũri p'anɨk'ãra? Mãɨya oodaipɨra piarã pia p'ananaipɨ.

Mateo 17:5

Pedro mãɨya pedeamaa bɨde jɨ̃ara ɨnaa bɨpa ãchi ãarea t'ausima. Jɨ̃ara mãɨya cheside nãɨ pedea jĩk'ua ũrisidama: «Nãɨt'a mɨ Warrapɨ. Mɨa ichi minachia k'ɨ̃ria bɨma. Mɨ ichi k'orea arapá bɨma. Ichia jara bɨ ũrit'ɨ».

1 Corintio 9:21

Mãɨnepa Tachi Ak'õrepa chi Moisepa bɨda atua berã t'ãena bɨde mɨ ãchi jĩra baparima mɨnepa Jesucristode ĩjãanamẽrá. Maamina mɨa Moisepa bɨda itu bɨk'ama. Jõma Cristopa oopi k'ɨ̃ria bɨ jĩra ooparima.

Hecho 7:37

Ara mãɨ Moisepa israel ĩjũanepemarã́ jarasima: “Tachi Ak'õrepa mɨ peeda jĩra chi ichi pari pedeaparí aba mãramá peeipɨ. Mãɨ ẽpẽra ara mãra p'uurudepema paipɨ. Ichia jararut'a ãarea ĩjãat'ɨ”.

Luca 8:35

Ẽpẽrarãpa ak'ɨde chesidaɨde chi ẽpẽra jaore mietá chok'ará uru bada Jesú taade suak'abari bɨ unusidama. Neet'á jɨ̃k'ari, k'ĩra pia basima. Mãɨ k'orea ẽpẽrarã p'erasidama.