Mateo 11:23 - Tachi Ak'õre Pedea

²³ ¿Capernaunepemarã ɨt'aa pajãnea wãnaik'ãra? ¡Wãnaiwẽma! ¡Tachi Ak'õrepa mãra piudaadarã p'anapataɨmá peeipɨ! Mɨa ẽpẽrarãpa ne p'ue oodak'apɨ́ mãra t'ãena Sodoma p'uurude oodapara, jãɨ p'uuru wapida bai pasima.

Mateo 11:23 Referans Kwoze

Mateo 4:13

Maamina Nazaré p'uurude beé pasima, mãɨpari Capernaum p'uurude bade wãsima. Mãɨ p'uuru senia choma ik'idá bɨma. Nep'talidepa chedaadarã Israel ĩjũane bɨma ichiaba Zabulonepa chedaadarã ĩjũa k'ait'a bɨma.

Apocalipsi 11:8

Chi piudada chi Jerusalén p'uuru waibɨa bɨde bari beaipɨ. Mãɨ p'uuru «Sodomaane» wa «Egitoade» apatama, mãma ãchi Chipari Jesú k'urusude barijira bɨdada pẽra.

Juda 1:7

Ara mãɨ jĩra Tachi Ak'õrepa Sodomanepemarã, Gomorradepemarã, mãɨnepa ãchi k'ait'a be p'uurudepemarã sida ɨtɨasima. Mãɨ ẽpẽrarãpa k'ĩranejasia oopachidama. Nejõma nemietá tachi k'ak'uapa ooiwẽa bɨt'a oopachidama. Mãɨpuru Tachi Ak'õrepa ãchi t'ɨpɨ urua k'iik'ade ewaricha minachia mĩa uru bɨma. Mãɨpa k'awapi bɨma nemietá oopataɨrã ãarea mãɨya minachia mĩa p'ananait'a.

Hecho 2:27

Mɨa k'awa bɨma pɨa mɨ piudaadarã p'anapataɨmá ameeiwẽt'a. Chi pɨ pae pari mimiaparí chi jĩp'a bɨt'a itu beraapiiwẽma.

Luca 14:11

Chi atepe bai k'ɨ̃ria bɨ, Tachi Ak'õrepa mãɨ wariwẽa bɨipɨ. Abaɨ pida ara ichi ãpia bɨ jĩra k'ɨ̃risiasira Tachi Ak'õrepa mãɨ chi atepe bɨ jĩra bɨipɨ».

Mateo 16:18

Mɨa jararuma: pɨ Pedropɨ. Mɨa nãɨ mawara ɨ̃rɨ mɨ p'uuru ooipɨ. Mi ãpia pida mɨ p'uuru p'uedaiwẽma, tachi piuutade pida.

Mateo 8:5

Maapae Jesú Capernaum p'uurudea wãsima. Mãma cheside Romanepema papaká berã chi mãɨrã chaarea ichimá chesima. Mãɨpa nãɨya chupuria idisima:

Luca 16:23

»T'ɨpɨ uruade minachia mĩa bɨde chi ɨbɨa badapa Abrahán, Lázaro ome ará p'anɨ t'ɨmɨɨpa unusima.

Luca 4:23

Jesupa jarasima: —Mãrapa nãɨ pedea mɨá jaradaima: “Nẽará teaparí, ara pɨchi tuaba jɨpa beepise. Pɨa Capernaune ooda taipa ũrisidama. Nãma pɨ p'uurude pida ara mãɨya abarik'a oose”.

Mateo 17:24

Jesú mãɨnepa ichi ome p'ɨrrɨapataɨrã Capernaum p'uurudea chesidaɨde Tachi Ak'õre te minachia bɨ pae erreara jɨrɨp'epataɨrã Pedromá wãsidama. Ãchia idisidama: —¿Mãra Jarateaparipa Tachi Ak'õre te minachia bɨ pae erreara teaparik'ãra?

Mateo 10:15

Mɨa piarã jararuma: Tachi Ak'õrepa ɨtɨai ewaride Sodoma, Gomorra p'uuru k'aepẽra mãɨ p'uuru atepe ɨtɨaipɨ.

Luca 10:15

¿Capernaunepemarã ɨt'aa pajãnea wãnaik'ãra? ¡Wãnaiwẽma! ¡Tachi Ak'õrepa mãra piudaadarã p'anapataɨmá peeipɨ!»

Hecho 2:31

Mãɨyai k'awa bada pẽra ichia pedeasima Tachi Ak'õrepa Tachi K'aripaparí teai jarada chok'ae p'irabarii k'orea. Ichia jarasima Tachi Ak'õrepa mãɨ chi piudaadarã p'anapataɨmá ameeiwẽt'a mãɨnepa ichi k'ak'ua beraapiiwẽt'a.

Apocalipsi 1:18

Mɨ chi Chok'ae Bɨma. Mɨ piudamina ak'ɨse chok'ae bɨ, mãɨnepa ewaricha chok'ae baipɨ. Mɨa piudarã chok'ae p'irabaripi bɨma.

Apocalipsi 6:8

Mãmá ak'ɨside mũra k'uará bɨt'a unusima. Chi mũra ɨ̃rɨ suak'abari bɨa «Chi Piuda» apatama. Chi ichi ome p'ɨrrɨa bɨa «Chi Piudaadarã P'anapataɨ» apatama. Tachi Ak'õrepa ãchiá chi k'ĩmarinepema abaabá ãarea peapade asima nãɨ ĩjũa ãareaɨne. Mãɨ ẽpẽerã peadayade asima ãchia k'ĩruupik'a p'anɨnepa, jarradepa, k'ɨdade p'anɨnepa ichiaba chi ãnimararã mietá p'anɨrãnepa.

Apocalipsi 20:13

Chi p'usade piudaadarã ãarea Tachi Ak'õre k'ĩrari chesidama. Abaeda chi piudaadarã jaore ãarea ãchi p'anapataɨmãɨpa Tachi Ak'õre k'ĩrari chesidama. Maapae Tachi Ak'õrepa ãchicha ɨtɨasima ãchia oodada jĩra.