Mateo 11:18 - Tachi Ak'õre Pedea

¹⁸ »Juan chi Porochoaparipa nek'ok'apɨ́ ewari oopachima mãɨnepa it'ua tok'a pasima. Maamina ẽpẽrarãpa jarapachidama ichi jaore mietá pará bɨt'a.

Mateo 11:18 Referans Kwoze

Mateo 3:4

Juan neet'á camello k'ara k'ada jɨ̃pachima. Ichi k'ɨrrɨde jɨ̃parí ãnimara e ooda jɨ̃pachima. Sisi k'opachima mãɨnepa mẽapema jɨrrɨjõ jõpachima.

Juan 10:20

Chok'araɨrãpa jarasidama: «Jãɨ ẽpẽrapa jaore mietá uru bɨma. Ichi k'ĩra piawẽa bɨma. ¿K'ãre k'orea ichi pedea ũrinaima?»

Juan 8:48

Maapae judiorãpa Jesua jarasidama: —¡Pɨ Samariadepemapɨ mãɨnepa jaore mietá uru bɨpɨ! ¿Taipa arí jara p'anɨwẽk'ãra?

Juan 7:20

Mãɨne ẽpẽerãpa idisidama: —¿K'aipa pɨ pea k'ɨ̃ria bɨma? ¿Jaore mietá pɨ k'ak'uade bɨpa mãɨya k'ɨ̃risiapi bɨk'ãra?

1 Corintio 9:27

Mãɨpari mɨ k'ak'ua chaarea oopi bɨ jĩra mãɨnepa mɨ k'ak'uapa ooemaa bɨt'a mɨa oopi bɨ jĩra, mãɨya jõma oopi bɨma Tachi Ak'õrepa teai jarada jitai k'orea. Mãɨya ooepɨra, mɨa ẽpẽrarã́ jaratea badamina Tachi Ak'õrepa teai jarada p'ue jitaiwẽma.

Hecho 26:24

Pablopa mãɨya ara ichi k'ak'ua k'orea pedea bɨde P'estopa jĩk'ua jarasima: —Pablo, ¡pɨ k'ĩra piawẽa bɨma! Pɨa minachia k'art'a k'awa bɨdepa k'ĩra piawẽa beesima.

Mateo 9:34

Maamina p'ariseorãpa jarasidama: —Jãɨ Jesupa jaore mietá ãyá jeret'aaparima, jaore mietaarã chi atepe bɨpa ichiá mãɨ jua chaarea teada pẽra.

Mateo 11:17

“Taipa siru chaasidaɨde mãra paeradaé pasima. Sõp'ua k'arisidaɨde mãra jẽanaé pasima”.

Marco 3:22

Maamina Moisepa bɨda jarateapataɨrã Jerusalén p'uurudepa chedaadapa jarasidama: —Jãɨ Jesú jãɨya bɨma chi jaore mietaarã chi atepe bɨ Beelzebú ichi k'ak'uade uru bɨ pẽra. Ichia jaore mietá ãyá jeret'aaparima, Beelzebupa mãɨ jua chaarea teada pẽra.

Juan 8:52

Mãɨne judiorãpa Jesua jarasidama: —Naapae taipa k'awautama pɨ jaore mietá uru bɨt'a. Abrahán piusima. Ãarea Tachi Ak'õre pari pedeapataɨrã sida piusidama, maamina pɨa jara bɨma: “Mɨ pedea ĩjãak'ari oo bɨt'a mãɨ piuk'á paipɨ”.