Mateo 11:14 - Tachi Ak'õre Pedea

¹⁴ Ãchia jarasidama aba Elía jĩra bɨt'a cheipɨ. Mãrapa k'awa k'ɨ̃ria p'anɨpɨra, chi chei pada jara p'anana; mãɨ Juanpɨ.

Mateo 11:14 Referans Kwoze

Luca 1:17

Eliapa uru bada jaore, mãɨnepa ichi jua chaareadepema sida pɨ warrapa uru baipɨ. Mãɨnepa ichi Tachi Chipari naa wãipɨ chi ak'õrerã mãɨnepa chi naerã ãchi warrarã ome sõpiapii k'orea. Mãɨ awara ichia ĩjãanak'apɨɨrã sida k'aripaipɨ jĩp'a berãpa k'ɨ̃risiapataɨ jĩra k'ɨ̃risiadamẽrá. Mãɨya k'aripaipɨ p'uurudepemarãpa Tachi Chiparia pia pedeadamẽrá.

1 Corintio 3:2

Mɨa Cristo k'orea pedea t'ajuwẽa bɨdepema jarateasima, warra chak'erã́ juba topi bɨ jĩra. Chik'o k'opi bɨ jĩra, mɨa t'aju bɨ jarateaé pasima, mãrapa p'ue k'awadaé pasi pẽra. Mãɨnepa waidi p'ue k'awadawẽma.

Juan 16:12

»Mɨa wapida ne minachia mãrá jarai uru bɨma. Mãɨ mãrapa nãɨena ãarea p'ue k'awadaiwẽma.

Apocalipsi 20:4

Maapae mɨa chi suak'a beeparí auk'ará p'anɨ chok'ará unusima. Chi mãɨ ɨ̃rɨ suak'abari berã Cristo ome Tachi Ak'õrepa bɨsima chi minachia k'awa p'anɨrãt'a, mãɨrãpa ẽpẽerã nepɨra ak'ɨdai k'orea. Mãɨnepa mɨa ẽpẽerã poro t'ɨat'udada jaore unusima. Mãɨya poro t'ɨat'usidama Jesupa jarateada ĩjãa p'anɨ k'orea mãɨnepa Tachi Ak'õre pedea jaratea p'anɨ k'orea. Ãchia chi ãnimara mietá bɨt'a mãɨnepa chi ichi jĩra bɨ juapa oodada sãdo k'ɨ̃rianaé pasima. Ichi tauchaada ãchi tau bɨɨrɨde mãɨnepa juade pida itu bɨpidaé pasima. Ãchi chok'ae p'irabaridak'ari mil ãyo Cristo ome poro jũra jɨ̃parí jɨ̃ p'anɨrã jĩra p'aneesidama.

Mateo 11:13

Tachi Ak'õre pari pedeapataɨrãpa mãɨnepa Moisé pida Tachi Ak'õre ichidirã ichi juade ua bɨ k'orea pedeapachidama aba Juan chi Porochoaparí ewaridea.