Mateo 11:12 - Tachi Ak'õre Pedea

¹² Juan chi Porochoaparipa jaratea beesiedapema waa idi Pajãne Bɨpa ichidirã ichi juade ua bɨdepemarã atepe mĩa p'anɨma. Ẽpẽra k'achiarãpa ãchi k'achia oo k'ɨ̃ria p'anɨma.

Mateo 11:12 Referans Kwoze

Luca 16:16

»Juan chei naena Moisepa bɨda mãɨnepa Tachi Ak'õre pari pedeapataɨrãpa bɨdada tachia uru p'anasidama. Mãɨ ewaridepa taipa chi pedea pia Tachi Ak'õrepa ichidirã ichi juade ua bɨ k'orea jaratea p'anɨma. Piarã ẽpẽrarãpa ne ãarea oo p'anɨma Tachi Ak'õre juade p'aneenai k'orea.

Luca 13:24

—Tausia p'anat'ɨ chi eda wãpataɨ p'isua bɨde eda wãnai k'orea. Piarã eda wãnai k'orea berã chok'ará p'anɨma maamina p'ue ãarea eda wãnaiwẽma.

P'ilipense 2:12

Mãɨya mɨ ũpẽarã chi k'ɨ̃ria berã, mɨ mãra ome badadepa Tachi Ak'õre pedea jara bɨ jĩra oo p'anɨma. Naapae mɨ mãra ome bɨwẽmina Tachi Ak'õre minachia wap'ea p'anɨnepa mãɨ oo p'anat'ɨ ichia mãra k'aripada pẽra.

Juan 6:27

Mimiarãt'ɨ chik'o k'odai k'orea, mãɨ chik'o jõpari pẽra. Mãɨpari mimiat'ɨ chi Tachi Ak'õre ome ewaricha chok'ae bapiparí p'ana atadai k'orea. Mãɨ mɨ, chi Ẽpẽra Warrapa teaipɨ. Tachi Ak'õrepa mɨ mãɨ k'orea bɨsima.

Mateo 3:15

Mãɨne Jesupa p'anoosima: —Nãɨena pɨa oopari jĩra oose. Tachia ãarea jĩp'a oodai p'anɨma Tachi Ak'õrepa oopi bɨ jĩra. Ara mãɨne Juanpa ĩjãasima.

Mateo 11:11

»Mɨa piarã jararuma: nãɨ ĩjũane Juan chi Porochoaparí k'aepẽra ẽpẽra aba pida atepe newẽma. Maamina Pajãne Bɨpa ichidirã ichi juade ua bɨdepema chi wariwẽa k'ɨrɨt'a ichi k'aepẽra chi atepe k'awa baima.

Mateo 11:13

Tachi Ak'õre pari pedeapataɨrãpa mãɨnepa Moisé pida Tachi Ak'õre ichidirã ichi juade ua bɨ k'orea pedeapachidama aba Juan chi Porochoaparí ewaridea.

Juan 5:4

Edaɨde Tachi Chiparipa ɨt'aripa peeda mãɨ pania totomĩapide chepachima. Mãɨya oorude chi naa mãɨ paniane eda wãru ichi k'ak'ua piawẽa bada jɨpa beepachima.]