Mateo 10:8 - Tachi Ak'õre Pedea

⁸ Mãɨpuru k'ak'ua piawẽa be jɨpa beepit'ɨ, piudada chok'ae p'irabaripit'ɨ, aidapa k'ɨdade be jɨpa beepit'ɨ, jaore mietá ãyá jeret'aat'ɨ. Mɨa mãrá jua chaarea pari tearuma mãɨya oodamẽrá. Mãɨpuru ẽpẽrarã pari k'aripat'ɨ.

Mateo 10:8 Referans Kwoze

Hecho 3:6

Maamina Pedropa jarasima: —Mɨa erreara wa nee newẽma, maamina chi mɨa uru bɨt'a pɨá teaipɨ: ¡Jesucristo Nazaredepema t'ɨ̃nepa p'irabarik'ari pɨ nipade wãse!

Hecho 4:30

Pɨ jua chaarea bɨdepa chi k'ɨdade berã jɨpa beepise mãɨnepa chi pɨ pae pari mimiaparí jĩp'a bɨ Jesú t'ɨ̃nepa ẽpẽerãpa ne p'ue oodak'apɨ́ ãarea oose».

Luca 10:9

Mãɨ awara chi k'ak'ua piawẽa berã jɨpa beepik'oat'ɨ. Ãchiá nãɨya jarat'ɨ: “Tãaraawẽa bɨde, Tachi Ak'õrepa mãra ichi juade ua beeipɨ, ichidirã paara”.

Mateo 10:1

Jesupa ichi ome p'ɨrrɨapataɨrã doce p'anɨ ará t'ɨ̃sima. Maapae ãchiá jua chaarea teasima jaore mietá ãyá jeret'aadamẽrá mãɨnepa k'ak'ua piawẽa be mãɨnepa k'ak'ua p'ua be jɨpa beepidamẽrá.

Marco 16:18

Taama ara ãchi juapa jitadaipɨ. Nearã́ mietá todaipɨra mãɨpa ãchi jitaiwẽma. Mãɨnepa chi k'ɨdade berã ãchi jua ɨ̃rɨ bɨutade mãɨ jɨpa p'aneenaipɨ».

Mateo 10:7

Mãra wãutamá jarat'ɨ: “Tãaraawẽa bɨde Pajãne Bɨpa ichidirã ichi juade ua baipɨ”.

Mateo 10:9

Mãrapa oo p'anɨpari Tachi Ak'õrepa ne teaipɨ. Mãɨ k'orea erreara mi ãpia pida ateewãrãt'ɨ, chi mimiaparipa ichi erreara jitai pia bɨẽra. Mãra wãutade neet'á yaaparí ateewãrãt'ɨ. Ichiaba neet'á ume, jĩrune jɨ̃pataɨ mãɨnepa tuma ateewãrãt'ɨ.