Mateo 10:5 - Tachi Ak'õre Pedea

⁵ Mãɨrã doce p'anɨrã Jesupa peesima. Maamina wãnai naena ichia jarasima: —Judiorãwẽmá, Samaria p'uuru bemá pida wãrãt'ɨ.

Mateo 10:5 Referans Kwoze

Juan 4:9

Mãɨne wẽrapa Jesua jarasima: —Mɨ Samariadepema wẽrapɨ. ¿K'ãre k'orea pɨ judiopa mɨá pania idi bɨma? Ichia mãɨya jarasima judiorãpa Samariadepemarã k'ɨ̃rianak'a pẽra.

1 Tesalonicense 2:16

Taipa jarateadai p'anɨne judiorãwẽmá Tachi Ak'õrepa k'aripamẽrá, ãchia itu jarateapidaemaa p'anasidama. Mãɨya nemietá atepe oo p'anɨ pẽra Tachi Ak'õrepa ichi k'ĩruu bɨdepa ãchi minachia ɨtɨaipɨ.

Luca 17:16

Jeeda bedabari k'obeek'ari Jesua sõpia bɨade asima ichi jɨpa beepida k'orea. Mãɨ ẽpẽra Samariadepema pasima.

Hecho 10:45

Mãɨne pedea awara pedea tuaneesidama mãɨnepa Tachi Ak'õrea pia pedea tuaneesidama. Judiorã Jesude ĩjãapataɨrã Pedro ome chedaadapa mãɨ ũrisidaɨde k'awa k'ɨ̃risiadaé pasima Tachi Ak'õrepa ichi Jaore judiorãwẽa teada pẽra.

Luca 9:2

Mãɨne ãchi peesima Tachi Ak'õrepa ichidirã ichi juade ua bai k'orea jarade wãnamẽrá mãɨnepa k'ak'ua piawẽa be jɨpa beepidamẽrá.

Hecho 1:8

Maamina Tachi Ak'õre Jaore mãra ome beede cherude, mãrapa ichi jua chaarea jitadaipɨ. Mãɨpa mãrapa Jerusalene, ãarea Judea mãɨnepa Samaria tuade mãɨnepa tua t'ɨmɨa bede mɨ k'orea pedeadaipɨ.

Juan 20:21

Maapae Jesupa mãicha ãchiá jarasima: —Ne k'ɨ̃risiadawẽa p'anat'ɨ. Mɨ Ak'õrepa mɨ nãɨ ĩjũanea peeda jĩra mɨa mãra nãɨ ĩjũanea peeruma.

Juan 7:35

Mãɨ k'orea judiorã chi arí berãpa ara ãchi tuaba jara tuanasidama: —¿Sãmá wãi pẽra tachia ichi waa ununaiwẽane a bɨma? ¿Griegodepemarã tuadea wãik'ãra judiorã jãma berã́ jarateai k'orea?

Juan 4:5

Wãrune Samariade bɨ p'uuru Sicar apataɨmá pasima. Mãɨ p'uuru Jacopa ichi warra Josea teada ĩjũa k'ait'a bɨma.

Luca 10:33

Mãɨ ɨ̃ari ẽpẽra Samariadepema mãɨ ode chesima. Chi ẽpẽra bari bɨ unuside sõchupuriasima.

Mateo 4:15

«Mãra Zabulón ichiaba Nep'talí ĩjũane berã, judiorãwẽa Galileade berã, senia chomanea wãpataɨ o k'ait'a berã, Jordán to k'ĩaria berã:

Hecho 8:1

Saulopa chi Esteban peadada k'orea pia unusima. Mãɨne waapẽarã Tachi Ak'õre wap'ea berãpa Esteban t'ɨbaridak'ari, ichi k'orea minachia jẽa p'aneesidama. Mãɨ ewaride ẽpẽerãpa Jerusalene Jesude ĩjãapataɨrã minachia mĩapi p'aneesidama. Mãɨpuru chi Jesude ĩjãapataɨrã ãarea Judea tuadea mãɨnepa Samaria tuadea mĩruwãsidama. Chi Jesupa peedaɨrã Jerusalene p'aneesidama.

Juan 8:48

Maapae judiorãpa Jesua jarasidama: —¡Pɨ Samariadepemapɨ mãɨnepa jaore mietá uru bɨpɨ! ¿Taipa arí jara p'anɨwẽk'ãra?

Juan 4:20

Tai chõarãenapemarãpa nãɨ eyade Tachi Ak'õrea pia pedeapachidama, maamina mãra judiorãpa jarapatama Jerusalenepuru ichiá pia pedeadai p'anɨma. ¿Sãma wãnai p'anɨma Tachi Ak'õrea pia pedeadai k'orea?

Luca 10:1

Mãɨya bak'ari Tachi Chipari Jesupa ichi ome p'ɨrrɨapataɨrã awara setenta jɨrɨ atasima Tachi Ak'õre pedea jarade wãnamẽrá. Ichi wãi bɨ p'uuru becha umeemea naa peesima.

Mateo 22:3

Chi ichi pae pari mimiapataɨrã peesima ichia ẽpẽrarã t'ɨ̃ pee bada atade wãnamẽrá. Maamina chedai k'ɨ̃rianaé pasima.

Marco 6:7

Ichia chi doce jɨrɨ atadaɨrã ãarea ará t'ɨ̃sima. Ãchirã́ jua chaarea teasima jaore mietá ãyá jeret'aadamẽrá. Maapae p'uuru chak'e becha umeemea peesima.

Luca 9:1

Jesupa ichi ome p'ɨrrɨapataɨrã doce p'anɨ ará t'ɨ̃k'ari jua chaarea teasima jaore mietá ãyá jeret'aadamẽrá mãɨnepa k'ak'ua piawẽa be jɨpa beepidamẽrá.

Juan 17:18

Pɨa mɨ nãɨ ĩjũanepemarã t'ãena peeda jĩra mɨa ãchi nãɨ ĩjũanepemarã t'ãena peeruma.