Mateo 10:15 - Tachi Ak'õre Pedea

¹⁵ Mɨa piarã jararuma: Tachi Ak'õrepa ɨtɨai ewaride Sodoma, Gomorra p'uuru k'aepẽra mãɨ p'uuru atepe ɨtɨaipɨ.

Mateo 10:15 Referans Kwoze

2 Pedro 2:6

Mãɨnepa Tachi Ak'õrepa Sodoma p'uuru mãɨnepa Gomorra p'uuru ɨtɨaside jõma paa peesima. Mãɨ ãarea et'abarra jora papisima. Mãɨneepuru ichia k'awapisima chi ichi k'ɨ̃rianak'aɨrã́ ãchi sãanait'a.

1 Juan 4:17

Mãɨya tachia Tachi Ak'õre mãɨnepa jõma ẽpẽrarã piarã k'ɨ̃ria p'anɨma. Tachi Ak'õrepa ɨtɨai ewaride tachi ne wap'eawẽa p'ananaipɨ, nãɨ ĩjũane Jesucristo nipada jĩra nipadada pẽra.

2 Pedro 3:7

Ara mãɨ jĩra Tachi Ak'õre pedeapa nãɨ ĩjũa mãɨnepa pajã ak'ɨ bɨma mãɨnepa ichia ɨtɨai ewaride t'ɨpɨ taude paaipɨ. Mãɨ ewaride chi ichi k'ɨ̃rianak'aɨrã nepɨra ak'ɨk'ari ãarea ɨtɨaipɨ.

2 Pedro 2:9

Mãɨpa unupi bɨma Tachi Chiparipa chi jĩp'a oo berã minachia mĩa p'anɨnepema k'aripayá bɨt'a. Mãɨnepa k'awa bɨma chi jĩp'a oowẽa berã sãmaasã́ uru bait'a aba ichia ɨtɨai ewaridea.

Marco 6:11

Maamina ãchia mãrá pia chesidade adaepɨra mãɨnepa mãra pedea ũri k'ɨ̃rianaepɨra, mãmãɨpa wãt'ɨ. Wãutade yooro jora mãra jĩrunepema jãrap'et'at'ɨ, Tachi Ak'õrepa mãɨ k'ɨ̃riawẽa bɨt'a ãchiá unupidai k'orea.

Mateo 12:36

Pɨa nepia jaraipɨra Tachi Ak'õrepa pɨ pia beepiipɨ. Maamina ne piawẽa jaraipɨra ɨtɨaipɨ. Mɨa mãrá jararuma: Tachi Ak'õrepa ɨtɨai ewaride jõmãɨrãpa ichiá jaradai ãchia pedea mietá paritua jaradada k'orea».

Mateo 5:18

Mɨa piarã jararuma: pajã mãɨnepa nãɨ ĩjũa bɨmisa mãɨ Moisepa bɨdadepema letra aba mi ãpia pida jõiwẽma, aba mãɨne jara bɨ ãarea baerudea.

Mateo 7:22

Ichia ɨtɨai ewaride chok'araɨrãpa mɨá jaradaipɨ: “Tai Chipari, tai Chipari, tai pɨ t'ɨ̃ k'orea pedeasidama, pɨ t'ɨ̃ne jaore mietaarã ãyá jeret'aasidama mãɨnepa pɨ t'ɨ̃ne ẽpẽrarãpa ne oodak'apɨ́ oosidama”.

Juan 6:39

Mɨ Peedapa k'ɨ̃ria bɨma ichia mɨá teadaɨrã aba pida atuapiemaapa, mãɨpari nãɨ jõru ewari parude, ãchi chok'ae p'irabaripiipɨ.

Juan 6:40

Mɨ Ak'õrepa piarã k'ɨ̃ria bɨma ẽpẽerãpa mɨ ichi Warra k'awadak'ari, mɨne ĩjãanak'ari ichi ome ewaricha chok'ae p'ananamẽrá. Mãɨya mɨa ãchi nãɨ jõru ewaride chok'ae p'irabaripiipɨ.

Juan 12:48

Maamina chi mɨ itu bɨrupa, chi mɨ pedea ũri k'ɨ̃riawẽa bɨpa, mãɨ Tachi Ak'õrepuru ɨtɨaipɨ. K'aadeapema ewaride Tachi Ak'õrepa k'awapiipɨ mãɨ nepɨra pará bɨt'a, mɨa jarada pedea ĩjãawẽa bɨ pẽra.

Hecho 17:31

Ewari aba bɨsima ãarea nãɨ ĩjũanepemarã jĩp'a ɨtɨai k'orea, chi ichia jɨrɨ atada ẽpẽranepa. Mãɨ ẽpẽra ãareaɨrã́ k'awapisima, ichi piu badadepa chok'ae p'irabaripida pẽra.

1 Corintio 3:13

Cristopa tachi nepɨra ak'ɨi ewaride tachicha oodada t'ɨpɨ uruapa chaa ajoroipɨ, choai k'awai k'orea. Mãɨpa k'awapiipɨ tachia oodada sãmaasã́ basit'a.

1 Tesalonicense 5:4

Maamina ũpẽarã, mãra p'ãrione p'anɨwẽma. Mãɨpuru Tachi Chiparipa ɨtɨade cheru ewaride mãra p'eradaiwẽma nechɨaparí cherude p'erapata jĩra.

Hebreo 10:25

Chi Cristode ĩjãapataɨrã paara ará p'ananait'a itu bɨdaiwẽa p'anɨma chi eda waapẽarãpa itu bɨpata jĩra. Mãɨpari chi k'aripadai p'anɨma pia ĩjãanai k'orea. Tachi Chiparipa ɨtɨai ewari tãaraawẽa bɨde chei k'awa p'anɨ pẽra pia mãɨya oodai p'anɨma.

Juda 1:6

Mãɨnepa k'ɨ̃risiat'ɨ chi eda waapẽarã Tachi Ak'õrepa ɨt'aripa peedaɨrã Tachi Ak'õrepa bɨda jĩra p'aneenaé pasit'a. Mãɨpari ãchi p'anana itu bɨsidama. Mãɨpuru Tachi Ak'õrepa uria p'ãrio bɨde ewaricha eda jɨ̃a nɨbɨsima aba ichia ɨtɨai ewaridea.

Juda 1:7

Ara mãɨ jĩra Tachi Ak'õrepa Sodomanepemarã, Gomorradepemarã, mãɨnepa ãchi k'ait'a be p'uurudepemarã sida ɨtɨasima. Mãɨ ẽpẽrarãpa k'ĩranejasia oopachidama. Nejõma nemietá tachi k'ak'uapa ooiwẽa bɨt'a oopachidama. Mãɨpuru Tachi Ak'õrepa ãchi t'ɨpɨ urua k'iik'ade ewaricha minachia mĩa uru bɨma. Mãɨpa k'awapi bɨma nemietá oopataɨrã ãarea mãɨya minachia mĩa p'ananait'a.