Mateo 10:1 - Tachi Ak'õre Pedea

¹ Jesupa ichi ome p'ɨrrɨapataɨrã doce p'anɨ ará t'ɨ̃sima. Maapae ãchiá jua chaarea teasima jaore mietá ãyá jeret'aadamẽrá mãɨnepa k'ak'ua piawẽa be mãɨnepa k'ak'ua p'ua be jɨpa beepidamẽrá.

Mateo 10:1 Referans Kwoze

Luca 10:19

Mɨa mãrá jua chaarea teasima tiore p'uedamẽrá mãɨnepa taama ɨ̃rɨ mãɨnepa tusõre ɨ̃rɨ p'ue t'ɨadamẽrá. Mi ãpia pida mãra piawẽa p'ue ooiwẽma.

Luca 24:49

Piarã mɨa mãramá mɨ Ak'õrepa ichi Jaore teai jarada peeipɨ. Mãɨpuru mãra nãma Jerusalene nɨp'aneet'ɨ aba ichi pajãnepa jua chaarea bɨ jitautadea.

Hecho 1:8

Maamina Tachi Ak'õre Jaore mãra ome beede cherude, mãrapa ichi jua chaarea jitadaipɨ. Mãɨpa mãrapa Jerusalene, ãarea Judea mãɨnepa Samaria tuade mãɨnepa tua t'ɨmɨa bede mɨ k'orea pedeadaipɨ.

Juan 3:27

Mãɨpuru Juanpa jarasima: —Abaɨ pida ne p'ue uru baiwẽma, chi mãɨ Tachi Ak'õrepa ichiá teaiwẽpɨra.

Luca 6:13

Ãsã pak'ari ichi ome p'anɨrã ará t'ɨ̃k'oak'ari mãɨrãnepema doce jɨrɨ atasima. Mãɨ doce jɨrɨ atadaɨrã “ichia peedaɨrã” bɨk'oasima.

Luca 21:15

Mɨapuru mãrá k'ɨ̃risia teaipɨ pia pedeadamẽrá. Mãɨpuru mãrapa jarautat'a mãra unuemaa p'anɨpa mi ãpia pida p'ue k'achia pedeadaiwẽma.

Hecho 19:15

Ewariaba jaore mietá ãyá jeret'aa p'anɨne jaore mietapa mãɨrã siete p'anɨrã́ jarasima: «Jesú mɨa k'awa bɨma. Pablo sida mɨa k'awa bɨma. Maamina mãra ¿k'aima?»

Juan 17:2

Pɨa ẽpẽerã ãarea mɨ juade bɨsima, mɨa ãchi ewaricha chok'ae bapimẽrá.

Juan 6:70

Jesupa jarasima: —Mɨa mãra doce jɨrɨ atasima, mɨ ome p'ɨrrɨadamẽrá. Maamina mãranepema aba tioredepɨ.

Juan 3:35

Tachi Ak'õrepa ichi Warra k'ɨ̃ria bɨma; mãɨnepa ne ãarea teasima ichi juade uru bamẽrá.

Apocalipsi 12:1

Pajãne ne jara k'ɨ̃ria bet'a unupisima. Mɨa unusima wẽrapa ɨmata p'aru jĩra jɨ̃ bɨt'a. Nãɨ wẽra k'ĩra awara bɨma chi Babilonianepema wẽra k'achia bɨ ome. Jedek'o ichi jĩru ek'ari basima. Poro jũra jɨ̃parí k'ãk'ãi k'ak'o doce ooda jɨ̃ basima.

Mateo 26:47

Jesú wapida pedeamaa bɨde Juda chesima. Mãɨ Juda Jesupa doce peedaɨrãnepema pasima. Ẽpẽrarã chok'ará k'ĩruupataɨ nek'o paara, pak'uru paara ichi ome chesidama. Ãchi p'aarerã chi mãɨrã chaarearãpa mãɨnepa judiorã chaarearãpa peedaadarã pasima.

Mateo 26:20

K'iuk'ari Jesú, chi ichi ome p'ɨrrɨapataɨrã doce p'anɨ ome nek'opataɨ ik'idá suak'abari beesima.

Mateo 19:28

Jesupa p'anoosima: —Mɨa piarã jararuma: Tachi Ak'õrepa ne ãarea chiwidi ooi ewaride mɨ, chi Ẽpẽra Warra mɨ poro jũra jɨ̃parí jɨ̃ bɨ suak'a beeparí auk'ará bɨde suak'abari beeipɨ. Mãɨne mãra mɨ ome p'ɨrrɨapataɨrã doce poro jũra jɨ̃parí jɨ̃ bɨ suak'a beeparide suak'abari p'aneenaipɨ, Israeldepema p'uuru doce p'anɨ nepɨra ak'ɨdai k'orea.

Mateo 6:13

Tai nemietaade baepirãse mãɨnepa nemietaadepema k'aripase”. [Pɨa jõmãɨrã p'ue bɨpɨ, pɨ chi chaarea bɨpɨ ichiaba ewaricha chi minachia k'awa bɨpɨ.]

Mateo 4:23

Jesú Galilea tuade ãarea p'ɨrrɨasima. Judiorã ará pedeapataɨ techa jarateapachima Tachi Ak'õrepa ichidirã ichi juade ua bai k'orea. Mãɨ pedea pia jarateade wãrucha ãarea ẽpẽrarã k'ak'ua piawẽa be jɨpa beepik'oapachima.

Mateo 9:35

Mãɨya bak'ari Jesú p'uuru waibɨa becha mãɨnepa p'uuru chak'e bemá p'ɨrrɨa wãsima. Judiorã ará pedeapataɨ techa jarapachima Tachi Ak'õrepa ichidirã ichi juade ua bɨ k'orea. Ichiaba mãɨ pedea pia jaratea nipasima jõma k'ak'ua piawẽa berã mãɨnepa k'ak'ua p'ua be jɨpa beepik'oasima.

Mateo 9:38

Mãɨpuru chi ne uu ĩjũa Chiparia ɨt'aa chiidit'ɨ mimiapataɨrã ichi ne uu ĩjũamá peemẽrá.