Mateo 1:21 - Tachi Ak'õre Pedea

²¹ Mariapa warra t'õipɨ. Mãɨ warrapa ichi p'uurudepemarã ãchi nemietaadepema k'aripaipɨ. Mãɨpuru ichi t'ɨ̃ bɨse Jesú».

Mateo 1:21 Referans Kwoze

Hecho 13:23

»Maapae Tachi Ak'õrepa naena jarada jĩra oosima. Ichia Davidepa ununanepema aba bɨsima israel ĩjũanepemarã Tachi K'aripaparí bamẽrá. Mãɨ ẽpẽra Jesupɨ.

Hecho 4:12

Abapuru Jesupa tachi p'ue k'aripaipɨ. T'ɨ̃ awara waa newẽma mãɨ t'ɨ̃neepuru nãɨ ĩjũane tachi ẽpẽerã k'aripamẽrá.

Juan 1:29

Mãɨ norema Juanpa Jesú ichimá cheru unuk'ari, ya jarasima: «¡Ak'ɨt'ɨ! Jãɨt'a Tachi Ak'õre oveja chak'epɨ. Ichidepa Tachi Ak'õrepa nãɨ ĩjũanepemarãpa nemietá oopataɨ k'ɨ̃risia atuaipɨ.

1 Juan 3:5

Maamina mãrapa k'awa p'anɨma Jesucristo nãɨ ĩjũanea chesit'a tachi nemietá ãyá bɨi k'orea. Ichi mi ãpia pida nemietá newẽma.

Luca 2:21

Warra t'õk'ari ewari k'ak'o ocho pa bɨde chi warra k'ak'ua tauchaasidama. Mãɨne ichi t'ɨ̃ Jesú bɨsidama, chi nae biak'oai naena Tachi Ak'õrepa ɨt'aripa peedapa jarada jĩra.

Hecho 5:31

Tachi Ak'õrepa Jesú ichi juaraari bɨsima Tachi Chipari mãɨnepa Tachi K'aripaparí bamẽrá. Ichidepa israel ĩjũanepemarãpa nemietá itu bɨdak'ari mãicha Tachi Ak'õremá p'ue chedaipɨ. Mãɨyara ãchia nemietá oodada Tachi Ak'õrepa k'ɨ̃risia atuaipɨ.

Luca 1:31

Biak'oa beek'ari warra t'õipɨ. Mãɨ warra t'ɨ̃ bɨse Jesú.

Tito 2:14

Tachi k'orea Jesucristopa ara ichi itu peapisima ãarea nemietaadepema k'aripai k'orea. Tachi ara ichi pae pia bɨsima ichi p'uurude p'ananamẽrá mãɨnepa nejõma pia oo k'ɨ̃ria p'ananamẽrá.

Luca 2:11

Idi Daví t'õna p'uuru Belene mãra k'aripaparí t'õsima. Ichi Cristopɨ, Tachi Chiparipɨ.

1 Juan 1:7

Maamina ichi ɨnaane bɨ jĩra tachi ɨnaane nipadaipɨra, tachi ũpẽarã ome ará pia p'ananaipɨ. Mãɨnepa ichi Warra Jesucristo oa ãrinapa tachi nemietá ãarea sɨɨparima.

Hecho 3:26

Tachi Ak'õrepa chi ichi pae pari mimiaparí Jesú chok'ae p'irabarik'ari naa mãramá peesima k'aripamẽrá. Machicha k'aripa bɨma mãrapa nemietá oopataɨ itu bɨdamẽrá».

Apocalipsi 7:14

Mɨa p'anoosima: “Pɨapuru k'awa bɨma”. Mãɨne ichia jarasima: —Nãɨ ẽpẽerã chi k'aadeapema ewari minachia nemietá bɨdepema k'aripasima. Chi Oveja Chak'e oadepa ãchi neet'á t'ot'oa sɨɨ p'anasidama.

Hebreo 7:25

Mãɨpuru ichidepa Tachi Ak'õremá cheutarã ãarea p'ue k'aripaipɨ ewaricha chok'ae p'ananamẽrá. Piuk'a pẽra ewaricha tachi k'orea Tachi Ak'õrea chichupuria idiparima.

Luca 1:13

Maamina Tachi Ak'õrepa ɨt'aripa peedapa jarasima: —Wap'earãse. Pɨa Tachi Ak'õrea ɨt'aa chiidi bada ichia ũrisima. Pɨ k'ima Elisabepa warra t'õipɨ. Ichi t'ɨ̃ bɨse Juan.

Mateo 1:25

Maamina ará k'ãinak'a pasima aba mãɨ warra ĩwini t'õrunea. T'õk'ari Josepa ichi t'ɨ̃ bɨsima Jesú.

Juan 4:42

Ãchia wẽrá jarasidama: —Taipa abapuru pɨa jarada k'orea ĩjãa p'anɨwẽma, mãɨpari ĩjãa p'anɨma ichia jaratea bɨ ũrinana pẽra. Taipa k'awasidama ichi piarã nãɨ ĩjũanepemarã k'aripaparit'a.