Mateo 1:20 - Tachi Ak'õre Pedea

²⁰ Mãɨya k'ɨ̃risia bɨde Tachi Chiparipa ɨt'aripa peeda k'ãmok'araadepa Josemá chek'ari nãɨya jarasima: «José, Davidepa chedada, María atai wap'earãse, ichi Tachi Ak'õre Jaoredeepuru biak'oapida pẽra.

Mateo 1:20 Referans Kwoze

Luca 1:19

Chi ɨt'aripa peedapa Zak'aria jarasima: —Mɨ Gabrielpɨ, Tachi Ak'õre pae pari mimiaparipɨ. Ichia mɨ pɨmá peesima mãɨ pedea pia jaramẽrá.

Mateo 1:18

Jesucristo nãɨya t'õ basima: chi nae María José ome p'anasima miak'ãinayá. Maamina miak'ãinai naena María Tachi Ak'õre Jaorepa biak'oapisima.

Mateo 2:19

Herode piuside José wapida Egitode basima. Mãɨne Tachi Chiparipa ɨt'aripa peeda k'ãmok'araade unupisima ichiá.

Luca 2:4

Mãɨ ewaride José Galilea tuade Nazaré p'uurude bapachima. Ichi Davidepa cheda pẽra Judea tuade Belén p'uurudea wãsima. Belén Daví t'õna p'uuru pasima.

Mateo 28:5

Maamina Tachi Ak'õrepa ɨt'aripa peedapa wẽrarã́ jarasima: —Wap'earãt'ɨ. Mɨa k'awa bɨma mãrapa Jesú k'urusude barijira bɨdada jɨrɨ p'anɨt'a.

Mateo 2:22

Maamina Josepa k'awasima Arquelao ichi ak'õre Herode pari Judea tuadepema poro jũra jɨ̃parí jɨ̃ bɨ beesit'a. Mãɨ k'orea mãmá wãi wap'easima. Maamina Tachi Ak'õrepa ichiá k'ãmok'araade jarada pẽra Galilea tuadea wãsima.

Mateo 2:13

Ãchi wãnak'ari, Tachi Chiparipa ɨt'aripa peedapa k'ãmok'araade Josea chek'ari jarasima: —Herodepa pɨ warra chak'e jɨrɨ bɨma peai k'orea. Mãɨ p'irabarik'ari pɨ warra chak'e mãɨnepa chi nae ateewãse Egito tuadea. Mãma beese aba mɨa jararumá.

Mateo 2:12

Mãɨya bak'ari k'ãmok'araade Tachi Ak'õrepa jarasima waa wãpidaemaapa Herodemá. Mãɨneepuru o awaraɨde wãsidama ãchi tuadea.

Mateo 27:19

Pilato ẽpẽrarã nepɨra ak'ɨparide suak'abari beeside, chi k'imapa nãɨ pedea ichimá jara peesima: «Jãɨ ẽpẽra jĩp'a bɨ k'ẽet'aase. Idi ichi ome k'ãmok'araada pẽra mɨ minachia wap'ea bɨma».

Hecho 5:19

Maamina ara mãɨ teamasi chi Tachi Chiparipa ɨt'aripa peedapa chi eda wãpataɨ ewak'ari maapae ãchi awara peesima. Maapae jarasima:

Apocalipsi 19:7

¡Arapaadaipɨ! ¡Arapaadaipɨ! Ichit'a chi Atepe bɨade adaipɨ, chi Oveja Chak'e miak'ãipataɨ ewari cheda pẽra. Ichi k'ima pai bɨ k'ak'apiasima.