Marco 9:42 - Tachi Ak'õre Pedea

⁴² »Abaɨpa chi ãpia k'ede mɨne ĩjãa p'anɨ nemietaade baepiipɨra, Tachi Ak'õrepa mãɨ ẽpẽra minachia ɨtɨaipɨ. Mãɨ minachia ɨbɨa ɨtɨai pẽra piipará bɨma mãɨ ẽpẽra obɨɨrɨde k'ũruma jɨ̃nak'ari p'usade edá t'aa peedait'a.

Marco 9:42 Referans Kwoze

Mateo 18:6

»Abaɨpa chi ãpia k'ede mɨne ĩjãa p'anɨ nemietaade baepiipɨra, Tachi Ak'õrepa mãɨ ẽpẽra minachia ɨtɨaipɨ. Mãɨ minachia ɨbɨa ɨtɨai pẽra piipará bɨma mãɨ ẽpẽra obɨɨrɨde k'ũruma waibɨa jɨ̃nak'ari senia chomanea toeda t'aa peedai.

Mateo 18:10

»Warra chak'erã k'ɨ̃rianawẽa p'anarãt'ɨ. Mɨa jararuma: Tachi Ak'õrepa ɨt'aripa peedarã mɨ Ak'õre k'ĩrari p'anɨpa ãchi ak'ɨpatama.

2 Corintio 6:3

Tai k'orea abaɨa piawẽa unupidawẽa p'anɨma, mi ãpia pida piawẽa pedeapidaemaapa taipa jarateapataɨ k'orea.

Romano 16:17

Ũpẽarã, mɨa mãrá chichupuria idiruma jĩrak'aua p'ananamẽrá. Chi eda waapẽarãpa ũpẽarã́ ne awara awará k'ɨ̃risiapipatama. Chi mãrapa piarã pedea k'awadada ãchia k'ĩra awara jarateapatama. Mãɨ ẽpẽrarã ome ará p'anarãt'ɨ.

Romano 14:13

Mãɨpuru abaɨpa oo bɨ k'orea waa piawẽa pedeadaiwẽa p'anɨma. Mãɨpari sõnepa nãɨya k'ɨ̃risiadai p'anɨma: tachia oo p'anɨnepa ũpẽa abaɨ sida nemietaade baepidaiwẽa p'anɨma.

2 Pedro 2:2

Ãchia waapẽarã taade minachia k'ĩra p'era oopataɨt'a, chok'araɨrãpa ara mãɨya oodaipɨ. Ãchi k'orea ẽpẽrarãpa chi piarã pedea k'orea piawẽa pedeadaipɨ.

Hecho 9:4

Mãɨpa Saulo jeeda baepisima. Mãɨne pedea ũrisima. Mãɨ pedeapa jarasima: —Saulo, Saulo, ¿k'ãre k'orea mɨ ẽp'ẽ bɨma?

1 Timoteo 5:14

Mãɨ k'orea mɨa k'ɨ̃ria bɨma p'ẽtã́ wapida warra be k'ima atadait'a, warra t'õnait'a, mãɨnepa ãchi te sida pia ak'ɨdait'a. Mãɨya tachi nek'ĩramaapa p'ue piawẽa pedeaiwẽma.

P'ilipense 1:10

Mãɨya mãrapa minachia k'awadaipɨ k'ãre pia bɨt'a mãɨnepa Cristo cherude ichi k'ĩrari nemietá newẽa p'ananait'a mãɨnepa mãra k'orea waapẽarãpa k'achia pedeadawẽa p'ananaipɨ.

Romano 15:21

Mãɨya mɨa Tachi Ak'õre pedeade bɨ bɨ jĩra oo bɨma. Nãɨya bɨ bɨma: «Ichi k'orea jaradawẽa p'anɨrã́, ãchia ununaipɨ. Ichi k'orea ũrinawẽa p'anɨrã, ãchia k'awadaipɨ».

Mateo 17:27

Tachi, Tachi Ak'õreneerãmina, mãɨ erreara teadaipɨ, ẽpẽrarãpa tachi k'orea piawẽa k'ɨ̃risiapidaemaapa. Mãɨpuru senianea to ɨade wãse. Chi naa beta pearu it'aede erreara tau aba unuipɨ. Mãɨ erreara jitak'ari, tease mɨ pari mãɨnepa pɨ pari.