Marco 8:6 - Tachi Ak'õre Pedea

⁶ Mãɨne Jesupa ẽpẽerã jeeda suak'abari beepik'oasima. Mãɨ p'ana siete ichi juade atak'ari Tachi Ak'õrea sõpia bɨade asima. Maapae p'ana t'oet'aak'ari ichi ome p'ɨrrɨapataɨrã́ teasima jedadamẽrá. Ara mãɨya oosidama.

Marco 8:6 Referans Kwoze

Colosense 3:17

Mãra pedeautade mãɨnepa ne ooutade jõma oot'ɨ Tachi Chipari Jesupa k'ɨ̃ria bɨ jĩra. Ichidepa Tachi Pajãnepema Ak'õrea sõpia bɨade at'ɨ.

Romano 14:6

Chi mimianak'apɨ́ ewari ak'ɨ bɨpa Tachi Chipari pae mãɨya oo bɨma. Chi nejõma k'oparipa mãɨya k'oparima Tachi Chipari wap'ea bɨ pẽra. Mãɨ k'orea nek'orude ichia Tachi Ak'õrea sõpia bɨade aparima. Mãɨnepa chi nejõma k'ok'apɨɨpa mãɨya k'ok'ama Tachi Chipari wap'ea bɨ pẽra. Mãɨ k'orea nek'orude ichia pida Tachi Ak'õrea sõpia bɨade aparima.

Juan 6:23

Mãɨne waapẽarã p'ãp'orro Tiberia p'uurudepa chesidama chi Jesupa Tachi Chiparia sõpia bɨade ak'ari ẽpẽerã́ p'ana k'opidamá.

Juan 2:5

Maamina Jesú naepa chi ne jeda p'anɨa jarasima: —Ichia jararut'a ãarea oot'ɨ.

Luca 24:30

Nek'outade Jesupa p'ana atak'ari Tachi Ak'õrea pia jarasima. T'oet'aak'ari ãchiá teasima.

Luca 12:37

Chi chipari chek'ari, chi ichi pae pari mimiapataɨrã chok'ae p'anɨ unuipɨra, ãchi pia ak'ɨipɨ. Mɨa piarã jararuma: ara mãɨne chi chiparipa chi ichi pae pari mimiaparí neet'á jɨ̃k'ari ichi pae pari mimiapataɨrã chik'o k'opataɨde suak'abari beepiipɨ, ãchiá nek'opii k'orea.

Mateo 26:26

Nek'omaa p'anɨne Jesupa p'ana juade jitak'ari ɨt'aa chiidik'ari Tachi Ak'õrea sõpia bɨade a jarasima. Maapae t'oet'aak'ari ichi ome p'ɨrrɨapataɨrã́ tearude jarasima: —Jitat'ɨ. K'ot'ɨ. Nãɨ mɨ k'ak'uapɨ.

Marco 8:5

Mãɨne Jesupa idisima: —¿Mãrapa p'ana jõmasã́ uru p'anɨma? Ãchia p'anoosidama: —Siete.

Marco 8:7

Mãɨnepa beta chae wariwẽa uru p'anasidama. Jesupa mãɨ k'orea Tachi Ak'õrea sõpia bɨade ak'ari chi ichi ome p'ɨrrɨapataɨrã́ teasima jedadamẽrá.

Marco 8:20

Jesupa jarasima: —Mãɨnepa mɨa p'ana siete p'anɨnepa mɨa ẽpẽerã mil k'ĩmari p'anɨa nek'opiside ¿jabara nepalá jõmasã́ chi pichoada jɨrɨp'esidama? Ãchia p'anoosidama: —Siete.