Marco 8:34 - Tachi Ak'õre Pedea

³⁴ Jesupa chi ichi ome p'ɨrrɨapataɨrã mãɨnepa chi ẽpẽerã minachia nɨbɨ t'ɨ̃k'oak'ari jarasima: «Abaɨpa mɨ ome wã k'ɨ̃ria bɨpɨra, ichia oo k'ɨ̃ria bɨt'a itu bɨk'ari minachia mĩai k'orea bai bɨma. Maapae mɨ ome wãi bɨma.

Marco 8:34 Referans Kwoze

Mateo 10:38

Minachia mĩa bai k'orea bɨwẽpɨra, mɨ ome p'ue p'ɨrrɨaiwẽma.

Juan 10:27

Mɨ ovejarãpa mɨ pedea k'awa p'anɨma. Mɨa ãchi k'awa bɨma. Mãɨpuru ãchi mɨ k'aade wãpatama.

Gálata 5:24

Cristoderãpa chi nãɨ k'ak'uapa nemietá oo k'ɨ̃ria bɨt'a k'urusude barijira bɨk'ari peasidama.

Gálata 2:20

Mɨ Cristo ome ará k'urusude barijira bɨsidama. Mãɨpuru ara mɨnepa bɨwẽma, mãɨpari Cristot'a mɨ sõne bɨma. Nãɨ k'ak'uade chok'ae bɨmisa, mɨ Tachi Ak'õre Warra Jesudepa baipɨ. Ara mãɨ Jesupa ichi Ak'õrepa oopi bɨt'a oopachi pẽra, mɨ k'ɨ̃riasima mãɨnepa mɨ k'orea ara ichi itu peapisima.

1 Juan 3:16

Nãɨne tachia k'awa p'anɨma tachi ũpẽarã k'ɨ̃ria p'anɨt'a: Jesucristo tachi k'orea piusima. Ara mãɨ jĩra tachi sida k'ɨ̃rianepa ũpẽarã k'orea piudai k'orea p'ananai p'anɨma.

Mateo 16:24

Maapae Jesupa ichi ome p'ɨrrɨapataɨrã́ jarasima: —Abaɨpa mɨ ome wã k'ɨ̃ria bɨpɨra, ichia oo k'ɨ̃ria bɨt'a itu bɨk'ari minachia mĩai k'orea bai bɨma. Maapae mɨ ome wãi bɨma.

P'ilipense 3:10

Mɨa Cristo minachia k'awa k'ɨ̃ria bɨma. Ichi Tachi Ak'õre jua chaareadepa chok'ae p'irabarisima. Mɨ ara mãɨ jua chaareadepa ichi ome p'ɨrrɨa k'ɨ̃ria bɨma. Mãɨpuru ichi minachia mĩana jĩra mɨ mĩa k'ɨ̃ria bɨma, mãɨnepa ichi piuda jĩra piui k'ɨ̃ria bɨma.

Romano 8:17

Ichi warrarã pẽra Cristo ome ichia uru bɨdepema jitadaipɨ. Tachi piarã Cristo minachia mĩana jĩra minachia mĩa p'ananaipɨra, Tachi Ak'õrepa Cristo ome ará minachia pia bɨipɨ.

Luca 9:23

Jesupa jõmãɨrã́ jarasima: —Abaɨpa mɨ ome wã k'ɨ̃ria bɨpɨra, ichia oo k'ɨ̃ria bɨt'a itu bɨk'ari ewaricha minachia mĩai k'orea bai bɨma. Maapae mɨ ome wãi bɨma.

Colosense 3:5

Mãɨpuru jõma nãɨ ĩjũanepema k'ɨ̃risia mãra sõne bɨ itu bɨt'ɨ. Awaraɨ ome k'ãirãt'ɨ, ne k'ĩra p'era oorãt'ɨ, mãra k'ak'uapa nemietá ooyá bɨ oorãt'ɨ, k'ɨ̃risia k'achia k'ɨ̃risiarãt'ɨ, mãɨnepa ne minachia uru p'ananai k'ɨ̃ria p'anarãt'ɨ. Chi ne minachia k'ɨ̃ria uru bɨt'a juapa oodada sãdo ĩjãa bɨ jĩra bɨma.

P'ilipense 3:7

Maamina Cristode ĩjãa bɨ pẽra nejõma mɨa pia unu bada naapae pia unuk'ama.

1 Pedro 4:1

Cristo nãɨ k'ak'uade minachia mĩana pẽra mãra pida abarik'a k'ɨ̃risia uru p'anat'ɨ. Chi ẽpẽra ichi k'ak'uade minachia mĩa badapa nemietá itu bɨsima.

Gálata 6:14

Maamina mɨt'u mãɨya bɨwẽma. Mɨ k'orea mi ãpia pida pia pedeawẽma. Mãɨpari abapuru Tachi Chipari Jesucristo k'urusude piuda k'orea pia pedeaipɨ. Cristo k'urusude piuda pẽra chi nãɨ ĩjũanepemarãpa pia unupataɨ, mɨmá ãarea piusima. Mãɨnepa nãɨ ĩjũane berãmá mɨ piusit'a.

1 Corintio 15:31

Ũpẽarã, mãrapa Tachi Chipari Jesucristode ĩjãa p'anɨ k'orea mɨ piarã arapá bɨma. Piarã jararuma: ewaricha k'ɨ̃risia bɨma ẽpẽrarãpa mɨ chi Jesú pedea k'orea peadai.

Romano 6:6

Tachia k'awa p'anɨma tachi k'ɨ̃risia chota bɨ piusit'a Cristo ome k'urusude barijira bɨdada jĩra. Mãɨya tachi k'ɨ̃risia chota bɨpa nãɨ k'ak'uapa nemietá oo k'ɨ̃ria bɨ waa p'ue oopiiwẽma. Tachi waa nemietá pae pari mimiapataɨrãwẽma.

Luca 14:33

»Ara mãɨ jĩra mɨ ome p'ɨrrɨai naena mãranepemapa abaɨpa ne ãarea itu bɨi k'orea k'ɨ̃risiaepɨra mɨ ome p'ue nipaiwẽma.

2 Pedro 1:14

Tachi Chipari Jesucristopa mɨá pia k'awapisima tãaraawẽa bɨde mɨ piuit'a.

1 Pedro 4:13

Mãɨpari Cristo jĩra minachia mĩa p'anɨ pẽra arapá p'anat'ɨ. Mãɨya Tachi Ak'õrepa Cristo chi atepe bɨ unupirude mãra minachia arapaadaipɨ.

Tito 2:12

Mãɨpa tachiá k'awapi bɨma nejõma k'achia mãɨnepa nãɨ ĩjũanepemarãpa k'ɨ̃riapataɨ itu bɨdai p'anɨt'a. Mãɨnepa k'awapi bɨma tachi nãɨ ĩjũane p'anɨne k'ɨ̃risia piadepa tachi k'ak'ua jĩp'a ak'ɨ uru nipadai p'anɨt'a Tachi Ak'õrepa k'ɨ̃ria bɨ jĩra.

Colosense 1:24

Naapae mɨa mãra k'aripai k'orea minachia mĩa bɨmina arapá bɨma. Mãɨnepa Cristo k'orea wapida mĩai bɨ pẽra, minachia mĩa nipaipɨ jõma ichi ẽpẽrarã k'aripai k'orea.

Hecho 14:22

P'uurucha ũpẽarã k'aripapachidama Jesude minachia ĩjãanamẽrá. Chi ãchia Jesude ĩjãa p'anɨt'a itu bɨpidaemaapa nãɨya jarapachidama: «Tachi Ak'õre juade p'ananai k'orea ichidirã paara, nãɨ ĩjũane minachia mĩanaipɨ».

Luca 18:22

Mãɨ ũrik'ari Jesupa ichiá jarasima: —Wapida ne aba ooiwẽa bɨma: pɨa ne uru bɨ ãarea netok'ari erreara chi nenea k'edea jedase. Mãɨya nepia pajãne uru baipɨ. Maapae mɨ ome p'ɨrrɨade chese.

Luca 13:24

—Tausia p'anat'ɨ chi eda wãpataɨ p'isua bɨde eda wãnai k'orea. Piarã eda wãnai k'orea berã chok'ará p'anɨma maamina p'ue ãarea eda wãnaiwẽma.

Mateo 27:32

Mãmãɨpa wãsidaɨde papaká berãpa ẽpẽra Simón apataɨ unusidama. Ichi Cirene p'uurudepema pasima. Ãchia mãɨ Simonoa Jesú k'urusu uapisidama.

Apocalipsi 2:10

Mãra ewari tãaraawẽa bɨde minachia mĩanait'a wap'earãt'ɨ. ¡Ũrit'ɨ! Tiorepa eda mãranepema jɨ̃a nɨbɨipɨ mãɨ wapida ĩjãa p'anɨ k'awayá. Minachia mĩanaipɨ ewari k'ak'o diez ãarea. Mãra peautamisa ĩjãa p'anat'ɨ. Maapae mɨa mãrá poro jũra jɨ̃parí tearude, ewaricha chok'ae bapiipɨ.

Hebreo 13:13

Mãɨpuru p'uuru awara Jesumá wãuta jĩra abapuru ichi ome wãnai p'anɨma. Ẽpẽerãpa Jesua k'achia pedeadada jĩra tachiá pida k'achia pedeautade choadai p'anɨma.

2 Tesalonicense 3:11

Taipa ũri p'anɨma ara machi ũpẽarã paara, eda chi k'oa pará be p'anɨ. Ãchi mimianak'ama mãɨpari chĩara nepɨrade p'anapatama.

1 Corintio 9:19

Mɨ chi waapẽarã pae pari mimiapariwẽ pẽra, chi jõmãɨrã pae pari mimiaparí beesima chok'araɨrãpa mɨnepa Jesucristode ĩjãanamẽrá.

1 Corintio 8:13

Mãɨ k'orea mɨa nek'o bɨdepa mɨ ũpẽa k'achiade baepipɨra, waa nek'oiwẽma.

Juan 19:17

Jesupa ichi k'urusu ua beek'ari papaká berãpa ichi ateewãsidama ĩjũa Poro Bɨɨrɨ apataɨmá. Hebreo pedeade Gólgota apatama.

Luca 20:45

Jõmãɨrãpa ũri p'anɨne Jesupa ichi ome p'ɨrrɨapataɨrã́ jarasima:

Marco 10:21

Mãɨne Jesupa k'ɨ̃ria bɨdepa ichi ak'ɨk'ari jarasima: —Ne abawẽa bɨma. Pɨa uru bɨ ãarea netode wãk'ari erreara chi nenea k'edea tease. Mãɨya nepia pajãne uru baipɨ. Maapae mɨ ome p'ɨrrɨade chese.

Marco 7:14

Ya mãicha Jesupa ẽpẽerã minachia nɨbɨ t'ɨ̃k'ari nãɨya jarasima: —Ãareaɨrãpa mɨ pedea ũrit'ɨ k'awadamẽrá.