Marco 8:23 - Tachi Ak'õre Pedea

²³ Jesupa mãɨ tau p'ãrio bɨ juade jitak'ari p'uuru awara ateewãsima. Maapae chi ẽpẽra taude iduk'ari, ichi jua ɨ̃rɨ bɨk'ari nãɨya idisima: —¿Ne p'ue unu bɨk'ãra?

Marco 8:23 Referans Kwoze

Marco 7:33

Ara mãɨne Jesupa chi ẽpẽerã minachia nɨbɨ mãɨ awara ateewãsima, mãɨ ichi ome tuaba bayá. Maapae ichi jua jimini chi ẽpẽra k'ɨɨrɨ uriade berajuk'ari, ara ichi juadepa ichi iduba jitak'ari, chi ẽpẽra k'ĩrame t'õmarisima.

Marco 5:23

nãɨya chichupuria idisima: —Mɨ k'au chae piumaa bɨma. Pɨ jua ichi ɨ̃rɨ bɨde chese jɨpa beemẽrá.

Hecho 9:8

Saulo ĩjũanepema bai nɨbeek'ari, ya maapae tau uruak'ari, mãɨne ne aba pida unué pasima. Maapae chi ichi ome wãutapa ichi juade jitadak'ari Damasco p'uurudea ateewãsidama.

Apocalipsi 3:18

Mãɨpuru mɨa mãrá nãɨya ũraaruma: nee chi ichiera t'ɨpɨde torbarida, mãɨ mɨnepa atat'ɨ. Mãɨya mãra piarã ɨbɨa padaipɨ. Mãɨnepa p'aru t'ot'oa be mɨnepa atat'ɨ jɨ̃nai k'orea. Mãɨya mãra ãk'adá p'anana k'orea k'ĩra p'eradaiwẽma. Mãɨnepa mɨnepa nẽará atat'ɨ mãra taude t'aadak'ari pia ununamẽrá.

Hebreo 8:9

Mãɨ pedea chiwidi mãra chõarãenapemarã ome pedea bɨda jĩra baiwẽma. Ãchi ome pedea bɨsima, ãchi jua jitak'ari Egitodepa ateewãside. Maamina piarã ĩjãanaé pada pẽra mɨa ãchi ameesima. Mãɨya jara bɨma Tachi Chiparipa.

Marco 8:24

Mãɨne chi ẽpẽrapa ak'ɨk'ari jarasima: —Mɨa ẽpẽerã unu bɨma maamina pak'uru jĩra wã p'anɨt'a unu bɨma.

Marco 8:26

Jesupa ichiá nãɨya jarasima: —Tiidá wãrune p'uurude eda wãrãse, mãɨnepa mɨa ooda mi ãpia pida abaɨa jararãse.

Hecho 23:19

Maapae papaká berã chi atepe bɨpa chi k'ũtã́ juade jitak'ari ãyá ateewãsima. Maapae idisima: —¿K'ãre mɨá jara k'ɨ̃ria bɨma?