Marco 8:11 - Tachi Ak'õre Pedea

¹¹ Mãɨ ewaride p'ariseorã chedak'ari Jesú ome k'ĩruu pedea p'anasidama. Ãchia k'awa k'ɨ̃ria p'anasidama ichi piarã pajãnepa che bɨ k'awadayá. Mãɨpuru ãchia Jesua idisidama ẽpẽerãpa ne p'ue oodak'apɨ́ oomẽrá.

Marco 8:11 Referans Kwoze

1 Corintio 10:9

Cristopa k'ãre ooit'a k'awadai k'orea, tachia nemietá oodaiwẽa p'anɨma waapẽarã ãchidiidepemarãpa oodada jĩra. Mãɨ k'orea ara ãchidiidepema taamapa k'aak'oak'ari piusidama.

Mateo 12:38

Mãɨya bak'ari waapẽarã Moisepa bɨda jarateapataɨrã mãɨnepa p'ariseorãpa Jesua jarasidama: —Jarateaparí, taipa k'ɨ̃ria p'anɨma pɨa ẽpẽerãpa ne p'ue oodak'apɨ́ ooit'a. Mãɨyara k'awadaima pɨ pajãnepa cheda.

Juan 4:48

Jesupa ichiá jarasima: —Mãrapa ẽpẽerãpa ne p'ue oodak'apɨ́ ununaepɨra mɨa jara bɨde ĩjãanaiwẽma.

Luca 11:16

Mãɨne Jesú Tachi Ak'õrenepa che bɨ k'awadayá waapẽarãpa ichiá idisidama ẽpẽrarãpa ne p'ue oodak'apɨ́ oomẽrá.

Hecho 5:9

Mãɨpuru Pedropa jarasima: —Mãrapa ¿k'ãre k'orea pedea ausidama Tachi Chipari Jaorepa sak'á ooi k'awadayá? ¡Ak'ɨse! Chi pɨ k'ima t'ɨbaride wã p'anana jãma cheutama. Ara nãɨena pɨ sida t'ɨbaride ateewãnaipɨ.

Juan 7:48

¿Tai p'ariseorãpa, wa waapẽarã chi chaarearã pida ichide ĩjãa p'anɨk'ãra?

Juan 6:30

Mãɨpuru ãchia Jesua idisidama: —¿Pɨa taiyá k'ãre unupiima, pɨ pedea ĩjãanamẽrá? Tachi chõarãenapemarãpa ĩjũa pania newẽa bɨde maná k'opachidama. Tachi Ak'õre pedeade jara bɨma: “Ichia ɨt'aripema p'ana teasima ãchia k'odamẽrá”. ¿Pɨa k'ãre ooima?

Luca 10:25

Ewariaba Moisepa bɨda jarateaparí bai nɨbeek'ari Jesú piawẽa pedeapii k'orea nãɨya idisima: —Jarateaparí, ¿mɨa k'ãre ooi pia bɨma Tachi Ak'õre ome ewaricha chok'ae bai k'orea?

Marco 12:15

Maamina Jesupa ãchi ẽpẽerã pia jĩra berãt'a k'awaside, nãɨya jarasima: —Mãrapa ¿k'ãre k'orea mɨ piawẽa pedeapii k'ɨ̃ria p'anɨma? Erreara tau enemeet'ɨ mɨa ak'ɨi k'orea.

Marco 2:16

Mãɨya p'anɨne Moisepa bɨda jarateapataɨrã (chi mãɨrã sida p'ariseorã pasima), ãchia Jesú k'ai ome nek'o bɨt'a unusidama. Mãɨ k'orea p'ariseorãpa Jesú ome p'ɨrrɨapataɨrã́ idisidama: —Mãrá jarateaparipa ¿k'ãre k'orea Romanepema pae erreara jɨrɨp'epataɨrã mãɨnepa waapẽarã nemietá oopataɨrã ome ará nek'oparima?

Mateo 22:23

Ara mãɨ ewaride waapẽarã saduceorã Jesumá chesidama. Saduceorãpa jarapatama piudaadarã chok'ae p'irabaridaiwẽt'a. Mãɨpuru Jesua nãɨya jarasidama:

Mateo 22:18

Jesupa k'awa bada pẽra mãɨrãpa k'ɨ̃risia mietá uru p'anɨt'a, mãɨpuru mãɨya jarasima: —Mãra ẽpẽerã pia jĩra berã, ¿k'ãre k'orea mɨá pedea piawẽa pedeapidayá jãɨya p'anɨma?

Mateo 22:15

Mãɨya bak'ari p'ariseorãpa pedea ausidama Jesua pedea ãyá pedeapidai k'orea.

Mateo 21:23

Jesú mãicha Tachi Ak'õre te minachia bɨ k'ait'a chek'ari jaratea beesima. Mãɨya bɨde p'aarerã chi mãɨrã chaarearã mãɨnepa judiorã chaarearã ichimá chesidama. Ãchia Jesua nãɨya idisidama: —Pɨa nãma oo bɨ ¿k'aipa oopi bɨma?

Mateo 19:3

Mãɨya bɨde chi eda waapẽarã p'ariseorã chesidama. Ichiá piawẽa pedeapidai k'orea nãɨya idisidama: —¿Ɨmɨk'ĩrapa chi k'ima ne paritua oo bɨ k'orea amaai pia bɨk'ãra?

Juan 8:6

Ãchia mãɨya jarasidama Jesupa sãmaasã́ p'anooi k'awadayá. Ichiá k'achia pedeapidai k'ɨ̃risia p'anasidama. Mãɨne Jesú jeeda barrobari k'obeek'ari, ichi jua jiminipa ĩjũane bɨpodosima.

Marco 9:16

Jesupa ãchiá idisima: —¿K'ãre k'orea k'ĩruu pedea p'anɨma?