Marco 3:3 - Tachi Ak'õre Pedea

³ Mãɨne Jesupa chi ẽpẽra jua sorek'ea bɨa nãɨya jarasima: —P'irabarik'ari, ãareaɨrã taade bai nɨbeese.

Marco 3:3 Referans Kwoze

1 Pedro 4:1

Cristo nãɨ k'ak'uade minachia mĩana pẽra mãra pida abarik'a k'ɨ̃risia uru p'anat'ɨ. Chi ẽpẽra ichi k'ak'uade minachia mĩa badapa nemietá itu bɨsima.

P'ilipense 1:14

Mãɨ k'orea chok'ará ũpẽarãpa Tachi Chiparidepa Tachi Ak'õre pedea ne wap'eawẽa jara p'anɨma.

Gálata 6:9

Mãɨpuru sẽnawẽa nepia oo p'anat'ɨ. Sẽnawẽa p'anɨpɨra, Tachi Ak'õrepa bɨda ewaride tachia nepia atadaipɨ.

1 Corintio 15:58

Mãɨ k'orea ũpẽarã mɨa k'ɨ̃ria berã, minachia ĩjãa p'anat'ɨ. Tachi Chiparipa k'ɨ̃ria bɨ minachia oopariet'ɨ. Mãrapa k'awa p'anɨma chi Tachi Chipari pae oo p'anɨ, pari oo p'anɨwẽt'a.

Juan 9:4

Mãɨpuru ara ãst'á bɨeda, chi mɨ Peedapa oopi bɨt'a mɨa ãarea ooi bɨma. Mãɨ k'iuk'ari abaɨ pida p'ue mimiak'ama.

Luca 6:8

Maamina ãchia k'ɨ̃risia p'anɨt'a Jesupa k'awa bada pẽra chi ẽpẽra jua sorek'ea bɨa nãɨya jarasima: —P'irabarik'ari ãareaɨrã taade bai nɨbeese. Ara mãɨne chi ẽpẽra p'irabarik'ari maapae bai nɨbeesima.

Mateo 12:10

Mãma ẽpẽra jua sorek'ea bɨt'a basima. Mãɨne waapẽarãpa Jesú nepɨra pará bɨade a k'ɨ̃ria p'ananarãpa idisidama ichiá: —¿Ẽpẽra k'ɨdade bɨpɨra, mimianak'apɨ́ ewaride jɨpapii pia bɨk'ãra?

Marco 3:2

Waapẽarãpa Jesú ak'ɨ p'anasidama mimianak'apɨ́ ewaride mãɨ ẽpẽra jɨpa beepii k'awadayá. Jɨpa beepisira Jesú k'orea k'achia pedeadai k'ɨ̃risia p'anasidama.

Marco 3:4

Maapae Jesupa ãchiá idisima: —¿Mimianak'apɨ́ ewaride k'ãre oodai p'anɨma? ¿Nepia ooima, wa nemietá ooima? ¿Abaɨ k'ɨdade bɨ k'aripai wa itu piupiik'ãra? Maamina ãchi k'ĩup'ea p'aneesidama.