Marco 2:12 - Tachi Ak'õre Pedea

¹² Ara mãɨne ichi p'irabarik'ari, ichi ne ẽpẽra uapataɨ atak'ari ãareaɨrã k'ĩrari wãsima. Mãɨ k'orea ãareaɨrãpa k'awa k'ɨ̃risiadaé pasima mãɨnepa Tachi Ak'õrea pia pedea tuaneesidama. Nãɨya jarasidama: —¡Ewariaba pida nãɨ jĩra tachia ununak'a pasima!

Marco 2:12 Referans Kwoze

Mateo 9:33

Jesupa mãɨ jaore mietá jeret'aak'ari ẽpẽra k'ĩrame t'urrá badapa pedeasima. Ẽpẽrarã mãma p'anɨpa k'awa k'ɨ̃risiadaé pasima. Nãɨya jarasidama: —Israel tuade waidi nãɨ jĩra ununak'a pasima.

Mateo 9:8

Mãɨ unusidaɨde chi mãma p'anana ne wap'easidama. Maamina Tachi Ak'õrea pia pedeasidama ichi jua chaareadepema ẽpẽrá teada, k'ak'ua piawẽa bee jɨpa beepimẽrá.

Luca 7:16

Mãɨpuru chi arí p'anɨrã minachia p'erasidama. Jõmãɨrãpa Tachi Ak'õrea nãɨya pia jarasidama: —Piarã Tachi Ak'õre pari pedeaparí chi atepe bɨt'a tachi t'ãena chesima. Tachi Ak'õrepa ichi p'uuru k'aripade che bɨma.

Hecho 4:21

Maapae mãicha Pedroa mãɨnepa Juaná nemietá oodayade adak'ari, ãchi itu wãpisidama. Chi p'uurudepemarã wap'ea p'anɨ pẽra k'awadaé pasima ãchi sãmaasã́ ɨtɨadait'a. Chi ẽpẽra jɨpa beeda k'orea ãareaɨrãpa Tachi Ak'õrea pia pedea tuanasidama,

Juan 9:32

Ewariaba pida tachia tau p'ãrio t'õna jɨpa beepisit'a ũrinak'ama.

Juan 7:31

Mãɨne ãareaɨrãpa ichide ĩjãasidama. Mãɨya jarasidama: —Tachi Ak'õrepa Tachi K'aripaparí teai jarada cherude ¿nãɨ ẽpẽrapa oo bɨ k'aepẽra ẽpẽerãpa ne p'ue oodak'apɨ́ atepe ooik'ãra?

Luca 17:15

Mãɨ unuside aba Tachi Ak'õrea jĩk'ua pia pedea bɨ Jesumá jĩitea chesima.

Luca 13:13

Mãɨya jarak'ari Jesupa ichi jua ɨ̃rɨ bɨsima. Ara mãɨne chi wẽra jĩp'a bai nɨbeek'ari Tachi Ak'õrea pia jarasima.

Luca 5:26

Mãɨ unusidaɨde ãareaɨrãpa k'awa k'ɨ̃risiadaé pasima. Mãɨpuru Tachi Ak'õre k'orea minachia pia jarasidama. Tachi Ak'õre wap'eadepa jarasidama: —¡Idi piarã ẽpẽrarãpa ne p'ue oodak'apɨ́ ne waibɨa unusidama!

Marco 1:27

Mãɨpuru ãareaɨrãpa k'awa k'ɨ̃risiadaé pasima. Ara ãchi paara idi para beesima: «¿Nãɨ k'ãrema? Jesupa jaratea bɨ mãɨ chiwidipɨ, ichi juade ãarea uru bɨdepa pia jarateapari pẽra. Chi jaore mietaarã pida ichia jararut'a ũripatama».

Mateo 15:31

Ẽpẽra ará p'anɨpa unusidama chi k'ĩrame t'urrá beada pedea p'anɨt'a, chi jua piawẽa beada pia p'anɨt'a, bɨɨrɨ sorek'ea beada pia nipada, ichiaba tau p'ãrio beadapa unu p'anɨt'a. Ãareaɨrãpa k'awa k'ɨ̃risiadaé pasi pẽra, chi Israelpema Ak'õrea pia pedeasidama.

Mateo 12:23

Jõmãɨrãpa k'awa k'ɨ̃risiadaé pasi pẽra, idisidama: —Davidepa chei pada ¿nãɨ Jesuk'ãra?

Marco 2:11

—P'irabarise. Pɨchi ne ẽpẽra uapataɨ atak'ari tiidá wãse.