Marco 16:16 - Tachi Ak'õre Pedea

¹⁶ Mãɨ pedea ĩjãasidara mãɨnepa porochoasidara Tachi Ak'õrepa mãɨ k'aripaipɨ. Maamina chi mãɨ pedea ĩjãawẽ bɨt'a ichia mãɨ ɨtɨaipɨ.

Marco 16:16 Referans Kwoze

Juan 3:36

Chi ichi Warrade ĩjãa bɨ Tachi Ak'õre ome ewaricha chok'ae baipɨ, maamina chi ichi Warra itu bɨru, mãɨ Tachi Ak'õre ome ewaricha chok'ae baiwẽma. Ara nãɨena Tachi Ak'õrepa ichi ɨtɨa uru bɨma.

Hecho 2:38

Mãɨne Pedropa p'anoosima: —Machi nemietá oo p'anana itu bɨdak'ari Tachi Ak'õremá chet'ɨ. Jesucristo t'ɨ̃nepa porochoat'ɨ. Mãɨne mãrapa nemietá oo p'anana Tachi Ak'õrepa k'ɨ̃risia atuak'ari ichi Jaore mãrá teaipɨ.

Juan 5:24

»Mɨa piarã jararuma: abaɨpa mɨ pedea ũrik'ari mɨ Peeda ĩjãaipɨra, mãɨ ẽpẽra ichi ome ewaricha chok'ae baipɨ. Tachi Ak'õrepa ichi ɨtɨaiwẽma. Piarã mãɨ ẽpẽra piu bada chok'ae bɨma.

Juan 8:24

Mãɨpuru mɨa jarasima mãra nemietaade piudaipɨ. Mãrapa chi Mɨt'u ĩjãanaepɨra nemietaade piudaipɨ.

Juan 6:29

Jesupa p'anoosima: —Tachi Ak'õrepa oopi bɨ nãɨpɨ: chi ichia Peedade ĩjãanai p'anɨma.

Juan 3:5

Jesupa p'anoosima: —Piarã mɨa pɨá jararuma: panianepa, Tachi Ak'õre Jaorede pida t'õepɨra, Tachi Ak'õre juade paiwẽma ichidirã paara.

Hecho 10:43

Ãarea Tachi Ak'õre pari pedeapataɨrãpa mãɨ k'orea pedeasidama. Ãchia k'awapisidama parituapa Jesude ĩjãaipɨra, mãɨ ẽpẽrapa nemietá oo bada Tachi Ak'õrepa ichidepa k'ɨ̃risia atuait'a.

Juan 20:31

Maamina ãarea nãɨ bɨsima mãrapa Jesú Tachi Ak'õrepa Tachi K'aripaparí teai jarada, Tachi Ak'õre Warrade ĩjãanamẽrá. Mãɨya ĩjãanaipɨra ichidepa chok'ae bai uru p'ananaipɨ.

Apocalipsi 20:15

Chi ẽpẽerã ewaricha chok'ae p'ananai k'art'ade chi t'ɨ̃ bɨwẽa be Tachi Ak'õrepa mãɨrã t'ɨpɨ uruade jirat'aasima.

Juan 6:35

Jesupa jarasima: —Mãɨ Mɨpɨ. Mɨ mãɨ chok'ae bapiparí p'anapɨ. Mãɨpuru chi mɨmá cheru waa jarrapisia baiwẽma mãɨnepa chi mɨne ĩjãa bɨt'a waa opisia baiwẽma.

1 Pedro 3:21

Mãɨ to minachia che bɨt'a idiapae tachi porochoapataɨ k'orea jara bɨma. Porochoautade Jesucristo chok'ae p'irabaridadepa tachi k'aripa bɨma. Porochoarupa tachi k'ak'ua nemietá sɨɨk'ama mãɨpari mãɨya oopatama, tachi k'ɨ̃risia jĩp'a bɨdepa, piarã Tachi Ak'õre ome nipadai k'ɨ̃ria p'anɨ pẽra.

Marco 1:15

Nãɨya jarapachima: «Chi ewari ará pasima. Tãaraawẽa bɨde Tachi Ak'õrepa ichidirã ichi juade ua baipɨ. Mãrapa nemietá oopataɨ itu bɨdak'ari mãɨ pedea pia ĩjãat'ɨ».

Hecho 22:16

¡Waa nɨrãse! P'irabarik'ari porochoase. Ichiá ɨt'aa chiidise. Pɨa nemietá ooda ichia ãarea k'ɨ̃risia atuaipɨ”.

Juan 6:40

Mɨ Ak'õrepa piarã k'ɨ̃ria bɨma ẽpẽerãpa mɨ ichi Warra k'awadak'ari, mɨne ĩjãanak'ari ichi ome ewaricha chok'ae p'ananamẽrá. Mãɨya mɨa ãchi nãɨ jõru ewaride chok'ae p'irabaripiipɨ.

1 Pedro 1:21

Cristodepa mãrapa Tachi Ak'õrene ĩjãa p'anɨma. Tachi Ak'õrepa ichi piu bada chok'ae p'irabaripik'ari atepe bɨsima. Mãɨpuru mãrapa Tachi Ak'õrene piarã ĩjãa p'anɨma mãɨnepa nɨ p'anɨma Ichia jarada ãarea oomẽrá.

Hecho 2:41

Minachia ẽpẽerãpa ichi pedea ĩjãanak'ari porochoasidama. Mãɨ ewaride chi Jesude ĩjãanana tres mil p'anasidama.

Luca 8:12

Mãɨ chi net'a tau ode baedat'a nãɨ jara bɨma: waapẽarã ẽpẽrarãpa Tachi Ak'õre pedea ũrinak'ari tiorepa mãɨ pedea ãchi sõne cheda k'ɨ̃risia atuapiparima ĩjãapidaemaapa. Mãɨya ãchi nemietaadepema k'aripaiwẽma.

Mateo 28:19

Mãɨ k'orea ãarea p'uuru becha wãnak'ari jarateat'ɨ mɨ ome p'ɨrrɨadamẽrá. Ãchi chi Ak'õre t'ɨ̃nepa, chi Warra t'ɨ̃nepa, Tachi Ak'õre Jaore t'ɨ̃nepa porochoat'ɨ.

Apocalipsi 21:8

Maamina chi mɨ ome wãnai k'orea wap'eapataɨrã, chi mɨne ĩjãanak'apɨɨrã, chi mɨa k'ɨ̃riak'at'a oopataɨrã, chi mĩa peapataɨrã, chi k'ĩranejasia oopataɨrã, chi ẽpẽra nɨɨpataɨrã, chi juapa oodada sãdode ĩjãapataɨrã mãɨnepa chi seajarapataɨrã azup're t'ɨpɨ urua nɨbɨde minachia mĩa p'ananaipɨ. Mãɨ chi bari k'ak'o ume piusiade apatama».

Hecho 13:39

Moisepa bɨdade bɨ bɨma Tachi Ak'õrepa chi tachia nemietá tachi k'ɨ̃ría oopataɨ k'ɨ̃risia atuaiwẽma. Maamina ãarea chi Jesude ĩjãauta Tachi Ak'õrepa nepɨra newẽa p'anɨane aparima. Mãɨt'a mãrá jara p'anɨma.

Romano 4:24

Mãɨpari tachi k'orea pida pedea bɨma, tachia ĩjãa p'anɨnepa Tachi Ak'õrepa nepɨra newẽa p'anɨane a jara bɨ pẽra. Tachi Ak'õrepa Tachi Chipari Jesú piu bada chok'ae p'irabaripisima. Ara mãɨne tachia ĩjãa p'anɨma.

2 Tesalonicense 2:12

Mãɨ ẽpẽrarã chi piarã pedea ĩjãawẽa p'anɨrãpa nemietá oo k'ɨ̃ria p'anɨ pẽra Tachi Ak'õrepa nepɨra pará p'anɨane aipɨ.

Hecho 13:46

Mãɨne Pablo mãɨnepa Bernabepa ne wap'eawẽa ãchiá jarasidama: —Piarã taipa mãrá Tachi Ak'õre pedea naa jaradai p'anasidama. Maamina mãrapa mãɨ itu bɨ p'anɨ pẽra mãɨnepa mãramá ewaricha Tachi Ak'õre ome chok'ae bai piawẽa pẽra, taipa judiorãwẽmá mãɨ jarade wãnaipɨ.

Romano 3:6

¡Piarã mãɨyawẽma! Tachi Ak'õre mãɨya jĩp'a bɨwẽpara, ¿sãmaasã́ nãɨ ĩjũanepemarã nepɨra ak'ɨi pasima?