Marco 14:41 - Tachi Ak'õre Pedea

⁴¹ Bari k'ak'o ũpea mãɨya ãchimá cherude Jesupa jarasima: —Mãra ¿wapida k'ãi p'anɨk'ãra ya ɨ̃apaamaa p'anɨk'ãra? Ya wariawẽpɨ; mɨ ewari ará pasima. Abaɨpa mɨ, chi Ẽpẽra Warra ẽpẽerã k'achia p'anɨ juade teaipɨ.

Marco 14:41 Referans Kwoze

Marco 14:35

Jesú wawá wãk'ari sĩraporode bedabari k'obeek'ari, ichi tau bɨɨrɨ ĩjũanea t'õmaripik'ari Tachi Ak'õrea ɨt'aa chiidisima chi Ak'õrepa k'ɨ̃ria bɨpɨra, ichi k'aripamẽrá jãɨ mĩai bɨdepema.

Marco 9:31

chi ichi ome p'ɨrrɨapataɨrã́ jaratea bada pẽra. Mãɨne ãchiá jarasima: «Mɨ, chi Ẽpẽra Warra abaɨpa jitapik'ari, ẽpẽerã́ teaipɨ. Ãchia mɨ peadaipɨ, maamina ewari ũpeaɨde mɨ chok'ae p'irabariipɨ».

Juan 17:1

Jesupa mãɨya jarak'ari pajãnea ak'ɨk'ari jarasima: «Ak'õre, mɨ ewari ará pasima. Pɨ Warra chi choma bɨt'a unupise pɨ Warrapa pɨ piarã chi choma bɨt'a unupimẽrá.

Hecho 7:52

Ãchia Tachi Ak'õre pari pedeapataɨrã ãarea mĩapisidama. Chi Ẽpẽra Jĩp'a Bɨ chei k'orea jaradada sida peapachidama. Ara mãɨ jĩra mãrapa mãɨ Ẽpẽra Jĩp'a Bɨ jitadak'ari peasidama.

Juan 12:27

»Piarã mɨ minachia sõp'ua bɨma. ¿Mɨa k'ãre jaraima? “¿Ak'õre, nãɨ minachia mĩa bɨdepema mɨ k'aripase aik'ãra”? Mãɨya jarawẽma mɨ mãɨ k'orea cheda pẽra.

Juan 12:23

Mãɨne Jesupa jarasima: —Ewari ará pasima. Tachi Ak'õrepa mɨ, chi Ẽpẽra Warra chi Choma bɨipɨ.

Juan 8:20

Jesupa Tachi Ak'õre te eda, erreara Tachi Ak'õrea teapataɨmá jaratea baside jõma mãɨ jarasima. Maamina mi ãpia pida ichi jitadaé pasima ichi ewari waidi pawẽa bada pẽra.

Juan 7:30

Mãɨ k'orea ãchia Jesú jita k'ɨ̃ria p'anasidama, maamina mi ãpia pida jitadaé pasima ichi ewari ará pawẽa bada pẽra.

Marco 14:18

Mãɨ suak'a p'aneenak'ari nek'omaa p'anɨne Jesupa jarasima: —Mɨa piarã jararuma: aba mɨ ome nek'omaa bɨpa mɨ jitapiipɨ.

Marco 14:10

Juda Iscariote Jesupa doce peedaɨrãnepema pasima. Mãɨ Juda p'aarerã chi mãɨrã chaarearãmá wãsima Jesú jitapii k'orea.

Marco 7:9

Mãɨ awara Jesupa jarasima: —Mãramá pia bɨma Tachi Ak'õrepa oopi bɨ pedea awara bɨdait'a, ara machia oopataɨ oodai k'orea.

Mateo 26:2

—Mãrapa k'awa p'anɨma ewari ume parude, Egitodepa wãnana k'ɨ̃risiapataɨ ewari oodaipɨ. Mãɨne abaɨpa mɨ, chi Ẽpẽra Warra jitapiipɨ k'urusude barijira bɨk'ari, peadamẽrá.

Marco 14:40

Maapae chi ichi ome p'ɨrrɨapataɨrãmá mãicha cherude k'ãi p'anɨ unusima. Ãchi tau tap'ok'ea wãna p'anasidama. Mãɨne Jesua k'ãre p'anoonait'a k'awadaé pasima.

Marco 14:42

P'irabarit'ɨ. Wãtɨma. Ak'ɨt'ɨ, Chi mɨ jitapii bɨ ẽpẽra ara k'ait'a cheruma.