Marco 13:27 - Tachi Ak'õre Pedea

²⁷ Mãɨne mɨa Tachi Ak'õrepa ɨt'aripa peedaɨrã tuacha wãpiipɨ Tachi Ak'õrepa jɨrɨ atadaɨrã tausia ará jeredamẽrá.

Marco 13:27 Referans Kwoze

Mateo 24:31

Mãɨne ãnimara k'achu chaarude mɨa Tachi Ak'õrepa ɨt'aripa peedaɨrã tuacha wãpiipɨ Tachi Ak'õrepa jɨrɨ atadaɨrã tausia ará jeredamẽrá.

2 Tesalonicense 2:1

Mãɨ awara ũpẽarã, taipa chichupuria idi p'anɨma Tachi Chipari Jesucristo chei k'orea mãɨnepa tachi ichi ome ará p'ananai k'orea mãrapa minachia k'ɨ̃risiarãt'ɨ. Abaɨ pida Tachi Chiparipa ɨtɨai ewari ará pasiade aipɨra, ne k'ɨ̃risia pará p'anarãt'ɨ. Parituapa Tachi Ak'õrenepa pedea bɨ jĩra mãɨya jaraipɨra, wa mãɨya jarateaipɨra, wa taipa k'art'ade mãɨya bɨsidade aipɨra, ĩjãarãt'ɨ.

Luca 16:22

»Mãɨya p'anɨne chichupuria bɨ piusima. Ara mãɨne Tachi Ak'õrepa ɨt'aripa peedaɨrãpa ichi Abrahán bɨmá ateewãsidama. Mãɨya bak'ari chi ɨbɨa bɨ sida piusima. Piuk'ari, maapae ichi t'ɨbarisidama.

Marco 13:20

Tachi Chiparipa mãɨ ewari edá baepiépara mi ãpia pida ẽpẽra baiwẽ pasima. Maamina ichia mãɨ ewari edá baepisima, ichia jɨrɨ atada ẽpẽerã k'orea.

Mateo 13:41

Mɨ, chi Ẽpẽra Warrapa mɨ Ak'õrepa ɨt'aripa peedarã peeipɨ nemietá oopataɨrã mãɨnepa nemietá oopipataɨrã Mɨ juade ua bɨdepemarã jɨrɨp'ek'oaipɨ.

1 Pedro 1:2

Tachi Pajãnepema Ak'õrepa mãra jɨrɨ atasima ichia naenaena k'ɨ̃risia bada jĩra. Tachi Ak'õre Jaorepa mãra ichi pae bɨsima Jesucristode ĩjãanamẽrá mãɨnepa ichi oadepa Tachi Ak'õre k'ĩrari nemietá newẽa p'ananamẽrá. Mɨa k'ɨ̃ria bɨma Tachi Ak'õrepa ichi sõpiadepa mãra k'aripa bait'a mãɨnepa ne k'ɨ̃risiawẽa bapiit'a.

2 Timoteo 2:10

Mãɨ k'orea mɨa jõma choa bɨma Tachi Ak'õrepa jɨrɨ atada ẽpẽrarã k'aripai k'orea. Mãɨya Tachi Ak'õrepa ãchi sida Jesucristodepa k'aripaipɨ, ewaricha ichi pia bɨdepema uru p'ananamẽrá.

Colosense 3:12

Tachi Ak'õrepa mãra k'ɨ̃rianepa jɨrɨ atasima ichi pae pia p'ananamẽrá. Mãɨpuru waapẽarã k'ĩra chupuria p'anat'ɨ. Ẽpẽra pia p'anat'ɨ. Mãra chi atepe be k'ɨ̃risiarãt'ɨ. Jõmãɨrã ome k'ɨ̃risia piadepa p'anat'ɨ. Ara machi paara choa p'anat'ɨ.

Romano 8:33

¿K'aipa Tachi Ak'õrea ichia jɨrɨ atadaɨrã k'orea p'ue k'achia pedeaima? Ara Tachi Ak'õrepuru tachi chi ichidirã jĩp'a berã paara bɨparima.

Juan 11:52

Maamina abapuru judiorã k'orea piuiwẽ pasima, mãɨpari ãarea Tachi Ak'õre warrarã nãɨ ĩjũane awara awará be p'uuru aba bɨi k'orea.

Juan 10:16

Mɨa uru bɨma waapẽarã oveja nãɨ k'ãipataɨde p'anɨwẽ. Mãɨrã sida mɨa eda ateewãipɨ. Ãchia mɨ pedea ĩjãanaipɨ. Mãɨya ãareaɨrã ará p'ananaipɨ. Mãɨne ãchi ak'ɨparí aba bɨ baipɨ.

Luca 18:7

Tachi Ak'õrepa jɨrɨ atadaɨrãpa ãst'á mãɨnepa teamasi chichupuria idi p'anɨne ¿ichia jĩp'a oo bɨdepa k'aripaiwẽk'ãra? ¿Tãaraaik'ãra p'anooi k'orea?

Marco 13:22

Mãɨ ewaride waapẽarãpa ara ãchi Tachi Ak'õrepa Tachi K'aripaparí teai jaradaade a jaradaipɨ. Ichiaba waapẽarãpa sea jaradaipɨ ãchi Tachi Ak'õre pari pedeapataɨade adaipɨ. Mãɨrãpa ẽpẽerãpa ne p'ue oodak'apɨ́ waibɨa be oodaipɨ ẽpẽerã seadai k'orea. Tachi Ak'õrepa jɨrɨ atadaɨrã p'ue seadaipara, ãchi sida seadai pasima.

Mateo 24:24

Mãɨ ewaride waapẽarãpa ara ãchi Tachi Ak'õrepa Tachi K'aripaparí teai jaradaade a jaradaipɨ. Ichiaba waapẽarãpa sea jaradaipɨ ãchi Tachi Ak'õre pari pedeapataɨade adaipɨ. Mãɨrãpa ẽpẽrarãpa ne p'ue oodak'apɨ́ waibɨa be oodaipɨ ẽpẽrarã seadai k'orea. Tachi Ak'õrepa jɨrɨ atadaɨrã sida p'ue seadaipara, ãchi sida seadai pasima.

Mateo 24:22

Tachi Chiparipa mãɨ ewari edá baepiépara mi ãpia pida ẽpẽra baiwẽ pasima. Maamina ichia mãɨ ewari edá baepisima, ichia jɨrɨ atada ẽpẽerã k'orea.

Mateo 13:49

Ara mãɨ jĩra nãɨ jõru ewari mãɨyaipɨ. Tachi Ak'õrepa ɨt'aripa peedarã chedak'ari ẽpẽra k'achiarã chi jĩp'a berã t'ãenapema awara bɨdaipɨ.

Mateo 12:42

Mãɨ awara Salomón ewaride Sabá tuadepema poro jũra jɨ̃parí jɨ̃ bɨ wẽra basima. Ichi tua t'ɨmɨɨpa chesima Salomonpa ichi k'ɨ̃risiadepa pedea bɨ ũrii k'orea. Maamina nãɨ ewaride Salomón k'aepẽra chi atepe bɨ nãma bɨmina mãrapa ĩjãanawẽa p'anɨma. Mãɨ k'orea Tachi Ak'õrepa ɨtɨai ewaride mãɨ wẽrapa p'irabarik'ari mãra nepɨra pará bɨade aipɨ.

Marco 13:28

»Higo bɨɨrɨ k'orea nepɨrɨda k'awat'ɨ. Chi pak'uru jua t'uk'u nɨbeek'ari k'irú cheparima. Mãɨnepa jõmãɨrãpa k'awa p'anɨma tãaraawẽa bɨde iu p'oait'a.