Marco 10:49 - Tachi Ak'õre Pedea

⁴⁹ Mãɨ ũriside Jesú bai nɨbeek'ari, nãɨya jarasima: —Ichi t'ɨ̃t'ɨ. Mãɨne chi tau p'ãrio bɨ t'ɨ̃nak'ari jarasidama: —Sõpia base. P'irabarise. Jesupa pɨ t'ɨ̃ bɨma.

Marco 10:49 Referans Kwoze

Luca 18:40

Mãɨ ũriside Jesú bai nɨbeesima. Maapae tau p'ãrio bɨ k'ait'a enemeepik'ari idisima:

Juan 11:28

Mãɨya jarak'ari Marta wãsima ichi ũpẽawẽramá. Maapae k'ɨɨrɨk'á jarasima: —Chi Jarateaparí nãma bɨma. Ichia pɨ t'ɨ̃ peesima.

Hebreo 2:17

Ichi cheside ne ãareaɨne tachi jĩra basima waapẽarã k'ĩra chupuriaparí p'aare minachia k'awa bɨ pai k'orea. Piarã Tachi Ak'õre k'ĩrari p'aare minachia k'awa bɨ jõma chi arí ooparí beesima. Mãɨpa ara ichi itu peapisima ẽpẽerãpa nemietá oopataɨ Tachi Ak'õrepa k'ɨ̃risia atuamẽrá.

Hebreo 4:15

Jesú tachi P'aare minachia k'awa bɨpa k'awa bɨma tachi jua ɨbɨwẽa p'anɨt'a. Tiorepa ichiá waa mĩesa jarasima ara mãɨya tachiá waa mĩesa jarapari jĩra. Maamina Jesupa nemietá ooé pasima.

Mateo 9:2

Mãma ẽpẽra sorek'ea bɨt'a ẽpẽra uapataɨde Jesumá enemeesidama. Jesupa unusima ãchia piarã ĩjãa p'anɨ ichia chi sorek'ea bɨ p'ue jɨpa beepiit'a. Mãɨ k'orea Jesupa chi sorek'ea bɨa jarasima: —Sõpia base, k'ũtã́. Pɨa nemietá ooda k'ɨ̃risia atuasima.

Marco 10:50

Ara mãɨne Bartimeopa ichia neet'á ɨ̃rɨ jɨ̃ bada ẽrak'ari isapea p'irabarik'ari Jesumá wãsima.