Marco 10:32 - Tachi Ak'õre Pedea

³² Jerusalenea wãsidaɨde Jesú naa wãsima. Mãma wãuta k'orea chi ichi ome p'ɨrrɨapataɨrãpa k'awa k'ɨ̃risiadawẽa p'anasidama mãɨnepa chi k'aadea wãutarã ne wap'ea p'anasidama. Mãɨya p'anɨne Jesupa mãicha chi doce p'anɨ awara ateewãk'ari, ichi mãɨyai bɨ k'orea jarasima:

Marco 10:32 Referans Kwoze

Luca 9:51

Jesú ɨt'aria wãi ewari k'ait'a paside mãɨne Jerusalenea wãyane a k'ɨ̃risiasima.

Juan 11:16

Mãɨne Tomá, Mikisu apataɨ basima. Mãɨpa Jesú ome p'ɨrrɨapataɨrã waapẽarã́ jarasima: —Judeadea wãtɨma tachi sida peadamẽrá.

Juan 11:8

Mãɨpuru ichi ome p'ɨrrɨapataɨrãpa jarasidama: —Jarateaparí, tãaraawẽa bɨma Judeadepemarãpa pɨ mawarapa bat'a peada k'ɨ̃ria p'ananat'a. ¿Pɨ mãicha jãmá wãik'ãra?

Luca 10:23

Maapae ichi ome p'ɨrrɨapataɨrã awara ateewãk'ari nãɨya jarasima: «Mãra pia p'anɨma mɨa oo bɨt'a unu p'anɨ pẽra. Awaraɨpa mãɨ unusira mãɨ ẽpẽra sida pia baipɨ.

Marco 4:34

Nepɨrɨwẽa jarateak'a pasima. Maamina ichi ome p'ɨrrɨapataɨrã ãchi tuaba ará p'anɨne ãarea jarateapachima.

Mateo 13:11

Jesupa p'anoosima: —Chi Pajãne Bɨpa ichidirã ichi juade ua bɨ k'orea ãareaɨrã́ k'awapiwẽa bɨmina, mãrá k'awapi bɨma.

Mateo 11:25

Mãɨ ewaride Jesupa jarasima: «Ak'õre, pɨ pajãnepema Chiparipɨ mãɨnepa nãɨ ĩjũanepema Chiparipɨ. Pɨa ne atua berã́ mɨa jarateada k'awapida pẽra mɨa pɨá pia pedeaipɨ. Mãɨt'u chi minachia k'awa berã́ pɨa k'awapié pasima.

Marco 1:27

Mãɨpuru ãareaɨrãpa k'awa k'ɨ̃risiadaé pasima. Ara ãchi paara idi para beesima: «¿Nãɨ k'ãrema? Jesupa jaratea bɨ mãɨ chiwidipɨ, ichi juade ãarea uru bɨdepa pia jarateapari pẽra. Chi jaore mietaarã pida ichia jararut'a ũripatama».

Luca 19:28

Mãɨya jarak'ari Jesú ãchi naa Jerusalenea wãsima.