Marco 10:14 - Tachi Ak'õre Pedea

¹⁴ Jesupa mãɨ k'awaside, k'ĩruuk'ari nãɨya jarasima: —Warrarã mɨmá itu chepit'ɨ, ãchi chi Tachi Ak'õrepa ichidirã ichi juade ua bɨ jĩra p'anɨ pẽra.

Marco 10:14 Referans Kwoze

Mateo 19:14

Mãɨpuru Jesupa jarasima: —Warrarã mɨmá itu chepit'ɨ, Pajãne Bɨpa ichidirã ichi juade ua bɨ jĩra p'anɨ pẽra.

Mateo 18:10

»Warra chak'erã k'ɨ̃rianawẽa p'anarãt'ɨ. Mɨa jararuma: Tachi Ak'õrepa ɨt'aripa peedarã mɨ Ak'õre k'ĩrari p'anɨpa ãchi ak'ɨpatama.

Mateo 18:4

Maamina abaɨ pida nãɨ warra jĩra waapẽarã k'aepẽra chupurii jĩra beeipɨra, Tachi Ak'õre Pajãne Bɨpa ichidirã ichi juade ua bɨde chi atepe minachia k'awa baipɨ.

1 Pedro 2:2

Tachi Chiparipa piadepa mãra k'aripaparit'a k'awasidama. Mãɨpuru warra chak'e chiwidi t'õnapa juto k'ɨ̃ria bapari jĩra, Tachi Ak'õre pedea pia k'awa k'ɨ̃riat'ɨ. Ichi pedea jubaara jĩra bɨma. Mãɨ chi pedea k'awa p'ananaipɨra, waridaipɨ ichia mãra k'ariparudea.

2 Timoteo 3:15

Warra basiedapema Tachi Ak'õre Pedea k'awasima. Mãɨ Pedeapa pɨá k'awapi bɨma abaɨpa Cristode ĩjãasira Tachi Ak'õrepa mãɨ k'aripait'a.

Apocalipsi 14:5

Ãchia mi aba pida sea jaradak'ama. Jaraideepara nemietá aba pida newẽma.

2 Timoteo 1:5

Mɨa k'ɨ̃risia baparima pɨa Cristode piarã ĩjãa bɨt'a, pɨ naet'at'a Loida mãɨnepa pɨ nae Eunice pɨ naena ĩjãa p'anana jĩra. Mɨa k'awa bɨma pɨa pida abarik'a Cristode ĩjãa bɨt'a.

Ep'esio 4:26

K'ĩruunaipɨra nemietá oorãt'ɨ. Mãra k'ĩruu p'anɨmisa chi k'ĩruuna ome sõpia pedeat'ɨ ewari k'iui naena.

1 Corintio 14:20

Ũpẽarã, warra chak'erã jĩra p'anat'ɨ. Ãchia nemietá k'orea minachia atua p'anɨma. Maamina Tachi Ak'õre Jaorepa oopi bɨ k'orea chõarã jĩra k'ɨ̃risia p'anat'ɨ. Waa warra chak'erã jĩra k'ɨ̃risiarãt'ɨ.

1 Corintio 7:14

Mãɨ Jesude ĩjãawẽa bɨ ɨmɨk'ĩra Tachi Ak'õre pae beesima, ichi k'imapa ĩjãa bɨ pẽra. Ara mãɨ jĩra chi Jesude ĩjãawẽa bɨ wẽra Tachi Ak'õre pae beesima ichi k'imapa ĩjãa bɨ pẽra. Mãɨyawẽpara mãra warrarã Tachi Ak'õre pae p'ananaiwẽ pasima. Chi ak'õre mãɨnepa chi nae Tachi Ak'õre pae p'anɨ pẽra ãchi sida Tachi Ak'õre pae p'anɨma.

Romano 11:28

Judiorãpa chi pedea pia Jesú k'orea itu bɨ p'anɨ pẽra Tachi Ak'õre ome chi nek'ĩramaapɨ. Mãɨpuru mãra judiorãwẽ Tachi Ak'õre ẽpẽrarã p'ue p'ananaipɨ. Maamina Tachi Ak'õrepa ãchi chõarãenapemarã jɨrɨ atada pẽra waidi k'ɨ̃ria bɨma.

Romano 11:16

Trigo naa chauutade p'ana ook'oadak'ari mãɨ p'ananepema Tachi Ak'õrea aba teadaipɨra chi waapẽarã p'ana sida Tachi Ak'õrenepɨ. Mãɨnepa pak'uru k'arra pia bɨpɨra, chi pak'uru jua sida pia p'anɨma.

Hecho 3:25

Tachi Ak'õrepa ãchidepa pedeada ɨt'aa chiidi piarã unu p'anɨma. »Mãɨ awara Tachi Ak'õrepa mãra chõarãenapemarã ome pedea ausima. Ichia Abrahaná nãɨya jarasima: “Mɨa pɨdepa unurunepa nãɨ ĩjũane be p'uuru ãarea k'aripaipɨ”. Mãɨ pedea auda mãrapa idi piarã unu p'anɨma.

Hecho 2:39

Tachi Ak'õre Chiparipa ichi Jaore teai jarada mãra pae bɨma, mãra warrarã pae bɨma mãɨnepa ẽpẽerã t'ɨmɨa p'anapataɨrã pae bɨma. Ãarea chi Tachi Ak'õre Chiparipa t'ɨ̃ bɨ ẽpẽerã pae pida bɨma.

Marco 8:33

Maamina Jesupa chi ichi ome p'ɨrrɨapataɨrãmá jĩitea ak'ɨrude Pedroa nãɨya ɨtɨasima: «Tiore, mɨ omepema ãyá wãse. Pɨa Tachi Ak'õre jĩra k'ɨ̃risiawẽa bɨma. Mãɨpari ẽpẽra jĩra k'ɨ̃risia bɨma».

Marco 3:5

Mãɨne Jesú k'ĩra piawẽa beesima ãchi sõ chaarea p'anasideepuru. Ãchi k'ĩruu ak'ɨside chi jua sorek'ea bɨa jarasima: —Jua ɨase. Mãɨya ɨaside ichi jua jɨpa beesima.

Mateo 5:3

«Pia p'anɨma mãra chi chichupuria berã k'awa p'anɨrã, mãɨ Tachi Ak'õrepa mãra ichi juade ua bɨẽra.

Mateo 5:10

Pia p'anɨma chi jĩp'a be k'orea waapẽarãpa mĩapi p'anɨrã, Pajãne Bɨpa ichi juade ua bɨẽra.

Juan 3:3

Jesupa ichiá jarasima: —Piarã ara mɨa pɨá jararuma: ẽpẽra mãicha chiwidi t'õepɨra p'ue baiwẽma Tachi Ak'õre juade ichidirã ome.

Juan 3:5

Jesupa p'anoosima: —Piarã mɨa pɨá jararuma: panianepa, Tachi Ak'õre Jaorede pida t'õepɨra, Tachi Ak'õre juade paiwẽma ichidirã paara.