Marco 10:1 - Tachi Ak'õre Pedea

¹ Maapae Jesú Capernaum p'uurudepa Judea tuadea wãsima Jordán to k'ĩaria. Ẽpẽerã minachia nɨbɨ mãicha ichimá cheepɨrɨsidaɨde ichia oopari jĩra ãchiá jaratea beesima.

Marco 10:1 Referans Kwoze

Juan 10:40

Mãɨya nak'ari Jesú mãicha Jordán k'ĩrari wãsima Juan chi Porochoaparipa naa ẽpẽerã porochoa badamá. Jesú mãma beesima.

Marco 4:2

Maapae Jesupa ne minachia nepɨrɨ bɨdepa jarateasima. Nãɨya jarasima:

Juan 11:7

Mãɨya nak'ari ichi ome p'ɨrrɨapataɨrã́ nãɨya jarasima: —Wãtɨma mãicha Judeadea.

Marco 6:34

Jesú p'ãp'orrodepa edá batoorude mãɨ ẽpẽerã minachia nɨbɨ unuk'ari, sõchupuriasima, ãchi oveja chi ak'ɨparí newẽa p'anɨ jĩra p'anana pẽra. Mãɨ k'orea ãchiá ne ãarea jaratea beesima.

Mateo 4:23

Jesú Galilea tuade ãarea p'ɨrrɨasima. Judiorã ará pedeapataɨ techa jarateapachima Tachi Ak'õrepa ichidirã ichi juade ua bai k'orea. Mãɨ pedea pia jarateade wãrucha ãarea ẽpẽrarã k'ak'ua piawẽa be jɨpa beepik'oapachima.

Juan 18:20

Mãɨne Jesupa p'anoosima: —Mɨ ãareaɨrã k'ĩrari jĩp'a pedea basima. Mɨa jaratea basima tachi ará pedeapataɨ techa mãɨnepa Tachi Ak'õre te eda, tachi judiorã ãarea ará chedak'ari pedeapatamá. Mi ãpia pida mẽra jaraé pasima.

Marco 6:6

Ichi p'uurudepemarãpa ĩjãanaé pada pẽra Jesupa k'awa k'ɨ̃risiawẽa beesima. Jesupa p'uuru chak'e becha jaratea wãsima.

Marco 2:13

Mãɨya nak'ari Jesú mãicha Galilea senia ik'idá wãsima. Mãɨne ẽpẽerã chok'ará ichimá wãpachida pẽra, ichia ãchiá jarateapachima.

Mateo 26:55

Maapae Jesupa ãchiá jarasima: —Mãrapa ¿k'ãre k'orea k'ĩruuparí nek'o mãɨnepa pak'uru paara mɨ jãɨya jitade chesidama? ¿Mãramá, mɨ chi nechɨaparí mietá bɨk'ãra? Mɨa ewaricha Tachi Ak'õre te eda mãrá jaratea suak'abari bapachima. ¿K'ãre k'orea mɨ mãma jõmãɨrã taade jitadaé pasima?

Marco 1:21

Ãchi Capernaum p'uurudea wãsidama. Maapae mimianak'apɨ́ ewaride Jesú judiorã ará pedeapataɨ tedea wãk'ari Tachi Ak'õre pedea jaratea beesima.

Marco 6:2

Mimianak'apɨ́ ewaride Jesupa judiorã ará pedeapataɨ tede Tachi Ak'õre pedea jaratea beesima. Mãɨne chok'ará ũri p'anɨpa k'awa k'ɨ̃risiadaé pasi pẽra mãɨya jara tuaneesidama: —Ichia ¿sãmãɨpa jãɨ k'ɨ̃risia k'awasima? ¿K'aipa ichiá k'ɨ̃risia teasima? ¿Sãmaasã́ ẽpẽerãpa ne p'ue oodak'apɨɨrã ichia mãɨ p'ue ooima?

Marco 10:2

Mãɨya bɨde chi eda waapẽarã p'ariseorã chesidama. Ichiá piawẽa pedeapidai k'orea nãɨya idisidama: —¿Ɨmɨk'ĩrapa chi k'ima amaai pia bɨk'ãra?

Marco 12:35

Jesupa Tachi Ak'õre te eda jaratea baside ẽpẽerã́ nãɨya idisima: —Chi Moisepa bɨda jarateapataɨrãpa ¿k'ãre k'orea Tachi Ak'õrepa Tachi K'aripaparí teai jarada Daví warraade a p'anɨma?

Marco 14:49

Mɨa ewaricha Tachi Ak'õre te eda mãrá jaratea basima. ¿K'ãre k'orea mɨ mãma ãareaɨrã taade jitadaé pasima? Maamina nãɨya oo p'anɨma Tachi Ak'õre pedeade bɨ bɨt'a piarã mãɨyai bɨ pẽra.