Luca 9:51 - Tachi Ak'õre Pedea

⁵¹ Jesú ɨt'aria wãi ewari k'ait'a paside mãɨne Jerusalenea wãyane a k'ɨ̃risiasima.

Luca 9:51 Referans Kwoze

Marco 16:19

Mãɨya jarak'ari Tachi Ak'õrepa Tachi Chipari Jesú ɨt'aa pajãnea ateewãsima. Mãma ichi juaraari suak'abari beesima.

Luca 18:31

Jesupa doce peedaɨrã awara ateewãk'ari jarasima: «Tachi Ak'õre pari pedeapataɨrãpa mɨ, chi Ẽpẽra Warra k'orea k'art'ade bɨsidama. Tachi Jerusalene cheutade ãchia bɨdada jõma mãɨyaipɨ.

Luca 13:22

Jerusalenea wãrune Jesupa p'uuru waibɨade, p'uuru chak'ede pida jarateasima.

Luca 17:11

Mãɨya bak'ari Jesú Samaria ĩjũane mãɨnepa Galilea ĩjũane wãpodosima, Jerusalenea pai k'orea.

1 Pedro 3:22

Mãɨ Jesucristo chok'ae p'irabarik'ari, pajãnea wãk'ari Tachi Ak'õre juaraari bɨma. Jõma Tachi Ak'õrepa ɨt'aripa peedarã, jõma jaore mietaarã chi atepe k'awa p'anɨrã, chi jua chaarea berã sida ichi juade uru bɨma.

Hebreo 12:2

Jesude pia k'ɨ̃risiadai p'anɨma. Ichia k'aripasima tachia naa ĩjãanamẽrá mãɨnepa k'aripaparima ewaricha ĩjãa p'ananamẽrá. K'ɨ̃risiat'ɨ sãmaasã́ ichi k'urusude minachia mĩasit'a. Mãɨ k'orea p'erai badamina p'eraé pasima. Ichia k'awasima mãɨya nak'ari minachia arapá bait'a. Idiapae Tachi Ak'õre suak'a beeparí pia bɨ juaraari suak'abari bɨma.

1 Timoteo 3:16

Piarã Tachi Ak'õrepa mãɨ pedea k'awapida minachia pia bɨma: Cristo nãɨ k'ak'uade chesima. Tachi Ak'õre Jaorepa k'awapisima ichi jĩp'a bɨt'a. Tachi Ak'õrepa ɨt'aripa peedaɨrãpa ichi unusidama. Ũpẽarãpa ichi k'orea tua awaraɨdepemarãmá jarateasidama. Chok'araɨrãpa nãɨ ĩjũane ichide ĩjãasidama. Tachi Ak'õrepa ichi pajã k'ĩrawãrea bɨde mãicha ateewãsima.

Ep'esio 1:20

Tachi Ak'õrepa Cristo piu bada chok'ae p'irabaripik'ari pajãne ichi juaraari suak'a beepisima.

Hecho 1:9

Jesupa mãɨya jarak'ari ãareaɨrãpa ak'ɨ p'anɨne ɨt'aa ateewãsima. Mãɨne jɨ̃arapa ichi ɨ̃rɨ ãarea p'ãriona pẽra waa ununaé pasima.

Hecho 1:2

Tachi Ak'õrepa mãɨ pajãnea ateewãrunea. Pajãnea wãi naena ichia peedaɨrã́ Tachi Ak'õre Jaoredepa jarateasima k'ãre oodai p'anɨt'a. Mãɨrã ichia jɨrɨ atada pasima.

Juan 17:11

»Mɨ nãɨ ĩjũane waa baiwẽma maamina ãchi nãɨ ĩjũane p'aneenaipɨ. Ak'õre, pɨ minachia pia bɨma. Mɨ pɨmá wãru pẽra pɨ t'ɨ̃nepa ãchi minachia ak'ɨ base. Pɨ t'ɨ̃nepa, mɨ mãɨya jua chaarea beepisima, ãchi k'ak'ua aba bɨ jĩra p'ananamẽrá, tachi k'ak'ua aba p'anɨ jĩra.

Juan 16:28

Mɨ Ak'õremãɨpa nãɨ ĩjũanea chesima. Maamina mɨa nãɨ ĩjũa ameeipɨ mɨ Ak'õremá mãicha wãi k'orea.

Juan 16:5

Maamina mɨ, mɨ Peedamá wãipɨ. Maamina abaɨ pida mãranepemapa mɨá mãɨ k'orea ididawẽa p'anɨma.

Juan 13:1

Egitodepa wãnana k'ɨ̃risiapataɨ ewari pai naena Jesupa k'awa basima ichi ewari pasit'a, nãɨ ĩjũa ameek'ari ichi Ak'õremá wãi k'orea. Jesupa jõma ichidirã nãɨ ĩjũane be minachia k'ɨ̃ria bada pẽra ichia mãɨrã k'ɨ̃ria basima ichi piui ewaridea.

Juan 6:62

Mãɨyaipɨra mãrapa mɨ, chi Ẽpẽra Warra ichi naena badamá ɨt'aa wãrut'a ununaipɨra ¿sãmaasã́ k'ɨ̃risiadaima?

Luca 24:51

Mãɨya pia pedea bɨde Tachi Ak'õrepa ichi pajãnea ɨt'aa ateewãsima.

Luca 19:28

Mãɨya jarak'ari Jesú ãchi naa Jerusalenea wãsima.

Luca 19:11

Jesú Jerusalén k'ait'a bɨẽra chi arí p'anɨpa k'ɨ̃risia p'anasidama ara mãɨ ewaride Tachi Ak'õrepa ichidirã ichi juade ua beeit'a. Jesupa jara bɨ ũri p'anɨ pẽra nepɨrɨdepa nãɨya jarasima:

Luca 12:50

Maamina mãɨ naena mɨ minachia mĩa bɨma. Mãɨpuru ãarea sõp'ua baparima mãɨ ewari parudea.

P'ilipense 3:14

P'ira wãruma mãɨ chi tauchaa bɨmá pai k'orea, Jesucristodepa nepia pajãnepema atai k'orea, Tachi Ak'õrepa t'ɨ̃na pẽra.

Luca 9:57

Ode wãutade ẽpẽrapa Jesua jarasima: —Jarateaparí, pɨ wãrumá mɨ pɨ ome wãipɨ.