Luca 9:49 - Tachi Ak'õre Pedea

⁴⁹ Maapae Juanpa nãɨya jarasima: —Jarateaparí, taipa ẽpẽra unusidama pɨ t'ɨ̃nepa jaore mietá ãyá jeret'aa bɨt'a. Maamina tachi ome niwẽ pẽra taipa ichiá jarasidama waa mãɨya oopiemaapa.

Luca 9:49 Referans Kwoze

Hecho 5:28

—Naena taipa minachia jarasidama mãrapa jãɨ ẽpẽra t'ɨ̃nepa waa jarateapidaemaapa. Maamina mãrapa ãarea Jerusalenepemarã́ jaratea p'anɨma. Mãɨ awara jãɨ ẽpẽra peadada k'orea tai nepɨra pará p'anɨane a jara k'ɨ̃ria p'anɨma.

Luca 5:5

Maamina Simonpa p'anoosima: —Jarateaparí, tai teamasi to bat'a p'anɨ ewarisidama. Maamina mi ãpia pida peadaé pasima. Maamina pɨa mãɨya jara bɨẽra ooipɨ.

1 Tesalonicense 2:16

Taipa jarateadai p'anɨne judiorãwẽmá Tachi Ak'õrepa k'aripamẽrá, ãchia itu jarateapidaemaa p'anasidama. Mãɨya nemietá atepe oo p'anɨ pẽra Tachi Ak'õrepa ichi k'ĩruu bɨdepa ãchi minachia ɨtɨaipɨ.

Mateo 3:14

Maamina Juanpa porochoaemaapa jarasima: —Pɨapuru mɨ porochoai pia bɨma. ¿K'ãre k'orea pɨ mɨmá cheruma?

Luca 9:33

Mãɨ ẽpẽrarã Jesú ome p'anana wãutade Pedropa Jesua jarasima: —Jarateaparí, pia bɨma tai nãma p'anɨt'a. Taipa te chak'e ũpea oodaima: aba pɨ pae, aba Moisé pae mãɨnepa aba Elía pae. Pedro mãɨya pedeasima ne k'ɨ̃risiawẽa pedeada pẽra.