Luca 9:39 - Tachi Ak'õre Pedea

³⁹ Ichi jaore mietá pará bɨma. Mãɨpa ichi chi jai jitapik'ari, mãɨya ichi biapiparima, wawapiparima, mãɨnepa it'aedea k'ok'op'ea nɨbeepiparima. Ichia mɨ warra itu bɨk'ama.

Luca 9:39 Referans Kwoze

Luca 8:29

Jaore mietapa mãɨya jarasima Jesupa mãɨ ẽpẽra k'ak'uadepema wãmẽrá jarada pẽra. Tãaraa basima mãɨ jaore mietapa ẽpẽra piawẽa oo uru bɨt'a. Waapẽarãpa chi ẽpẽra k'ãnenapa jɨ̃nak'ari jĩrak'aua ak'ɨpachidamina k'ãnena t'ɨap'et'ak'ari ẽpẽra newẽmá jaore mietapa ateewãpachima.

Luca 4:35

Jesupa chi jaore mietá nãɨya ɨtɨasima: —K'ĩup'ease. Jãɨ k'ak'uadepema ãyá wãse. Ara mãɨne chi jaore mietapa chi ẽpẽra jeeda baepik'ari ãyá wãsima, mãɨ p'ua oowẽa.

Marco 9:26

Ara mãɨne chi jaore mietá biak'ari chi warra mãicha ɨbɨa wɨwɨrrɨapisima. Maapae ichi k'ak'uadepema wãsimina, chi warra wapida piuda jĩra beesima. Mãɨpuru chi arí p'anɨrãpa jara tuaneesidama: —¡Ai, jãɨ warra k'ĩrawẽasima!

Marco 9:20

Ara mãɨne chi warra Jesumá ateewãsidama. Chi jaore mietapa Jesú unurune chi warra k'ak'ua orepik'ari, mãɨ jeeda baek'ari mãɨnepa it'aedea k'ok'op'ea beesima.

Apocalipsi 9:11

Mãɨ sisi poro jũra jɨ̃parí jɨ̃ bɨpa chi uria minachia bɨ ak'ɨparima. Ichi t'ɨ̃ hebreo pedeade Abadón apatama. Griego pedeade Apolión apatama.

1 Pedro 5:8

Jĩrak'aua p'anat'ɨ mãɨnepa ẽrea p'anat'ɨ. Tiore mãra ome chi nek'ĩramá imama jĩra ɨrrɨa p'ɨrrɨa bɨma, k'aiyá Tachi Ak'õre p'ue itu bɨpii k'awayá.

Juan 8:44

Mãra ak'õre tiorepɨ. Mãɨpuru ichia k'ɨ̃ria bɨt'a mãrapa oo k'ɨ̃ria p'anɨma. Ichi jua chiwidiedadepema mĩa peaparima. Piarãnepa bak'ama chi piarãt'a ichide newẽ pẽra. Sea jararude ichidiidepema jaraparima, seajarapari pẽra mãɨnepa sea ak'õre pẽra.

Marco 9:18

Chi jaore mietapa jitarucha jeeda bat'a peeparima, ik'ok'op'ea beepiparima, chi k'ida k'osterrea mãɨnepa k'ak'ua ɨɨbɨa beepiparima. Mɨa pɨ ome p'ɨrrɨapataɨrã́ jarasima jãɨ jaore mietá ãyá jeret'aadamẽrá. Maamina p'uedaé pasima.

Luca 9:38

Mãɨne abaɨpa nãɨya jĩk'ua jarasima: —Jarateaparí, mɨ k'ĩra chupuriak'ari, mɨ warra ak'ɨse. Mãɨ mɨa warra abapuru uru bɨpɨ.

Luca 9:40

Mɨa pɨ ome p'ɨrrɨapataɨrã́ jarasima jaore mietá ãyá jeret'aadamẽrá. Maamina p'uedaé pasima.