Luca 9:19 - Tachi Ak'õre Pedea

¹⁹ Ãchia p'anoosidama: —Waapẽarãpa jara p'anɨma pɨ Juan chi Porochoaparipɨ. Waapẽarãpa jara p'anɨma pɨ Eliapɨ. Waapẽarãpa jara p'anɨma pɨ chõarãenapema Tachi Ak'õre pari pedeaparí chok'ae p'irabaridapɨ.

Luca 9:19 Referans Kwoze

Juan 1:21

Ãchia mãicha idisidama: —¿Mãɨya bɨpɨra pɨ k'aima? ¿Pɨ Eliak'ãra? Ichia p'anoosima: —Mɨ mãɨwẽma. Ãchia mãicha idisidama: —Pɨ ¿Tachi Ak'õre pari pedeaparí chi waibɨa bɨ chei badak'ãra? Ichia p'anoosima: —Mɨ mãɨwẽma.

Marco 6:15

Waapẽarãpa jarasidama Jesú Tachi Ak'õre pari pedeaparí Eliapɨ. Chi waapẽarãpa jarasidama: «Ichi Tachi Ak'õre pari pedeaparí tachi chõarãenapema p'anana jĩra bɨpɨ».

Mateo 14:2

Mãɨpuru ichi pae pari mimiapataɨrã́ jarasima: «¡Mɨmá Juan chi Porochoaparí p'irabarii badapɨ! Mãɨpuru jõma ẽpẽrarãpa ne p'ue oodak'apɨɨrã p'ue oo bɨma».

Juan 9:17

Mãɨya p'anɨne mãicha chi tau p'ãrio badá idisidama: —Mãɨ ẽpẽra, chi pɨ tau jɨpa beepida, pɨmá ¿k'ai mãɨya bɨma? Chi tau p'ãrio badapa p'anoosima: —Mɨmá ichi Tachi Ak'õre pari pedeaparipɨ.

Juan 7:40

Mãɨ pedea ũrisidaɨde arí p'anɨrãpa jarasidama: «Piarã nãɨ ẽpẽra Tachi Ak'õre pari pedeaparí chi minachia k'awa bɨ chei badapɨ».

Juan 1:25

Mãɨrãpa ichiá idisidama: —Pɨ Tachi Ak'õrepa Tachi K'aripaparí teai jaradaepɨra, mãɨnepa Eliawẽpɨra mãɨnepa Tachi Ak'õre pari pedeaparí chi waibɨa bɨwẽpɨra, ¿k'ai t'ɨ̃nepa pɨa ẽpẽerã jãɨya porochoaparima?

Mateo 3:1

Mãɨya bak'ari Juan chi Porochoaparipa Judeade ĩjũa pania newẽa bɨde jaratea beesima.

Marco 6:14

Herode Galilea tuadepema chi poro jũra jɨ̃parí jɨ̃ bɨ pasima. Mãɨ Herodepa Jesupa ooda k'orea ũrisima. Chi eda waapẽarãpa Jesú k'orea nãɨya jarapachidama: «Juan chi Porochoaparí chok'ae p'irabarisima. Mãɨpuru jõma ẽpẽerãpa ne p'ue oodak'apɨɨrã p'ue oo bɨma».

Luca 9:18

Ewariaba Jesú itu ɨt'aa chiidimaa bɨde, chi ichi ome p'ɨrrɨapataɨrã ará p'anɨne, Jesupa idisima: —Ẽpẽrarãpa mɨ ¿k'aiyade a p'anɨma?

Luca 9:20

Mãɨne ichia mãicha idisima: —Mãrapa mɨ ¿k'ai k'ɨ̃risia p'anɨma? Pedropa p'anoosima: —Pɨ Tachi Ak'õrepa Tachi K'aripaparí teai jaradapɨ.