Luca 9:16 - Tachi Ak'õre Pedea

¹⁶ Jesupa p'ana joesoma p'anɨ mãɨnepa beta ume p'anɨ ichi juade jitak'ari pajãnea ak'ɨk'ari Tachi Ak'õrea sõpia bɨade asima. Maapae t'oet'aak'ari ichi ome p'ɨrrɨapataɨrã́ jarasima jedadamẽrá.

Luca 9:16 Referans Kwoze

Mateo 14:19

Maapae ẽpẽrarã́ jarasima p'ũajãrane suak'abari p'aneenamẽrá. Mãɨ p'ana joesoma p'anɨ mãɨnepa beta ume p'anɨ ichi juade atak'ari pajãnea ak'ɨk'ari Tachi Ak'õrea sõpia bɨade asima. Maapae p'ana t'oet'aak'ari ichi ome p'ɨrrɨapataɨrã́ teasima jeda k'odamẽrá.

Luca 24:30

Nek'outade Jesupa p'ana atak'ari Tachi Ak'õrea pia jarasima. T'oet'aak'ari ãchiá teasima.

Mateo 15:36

Mãɨ p'ana siete bada mãɨnepa beta ichi juade atak'ari Tachi Ak'õrea sõpia bɨade asima. Mãɨyak'ari beta mãɨnepa p'ana t'oet'aak'ari ichi ome p'ɨrrɨapataɨrã́ teasima jedadamẽrá. Maapae jedasidama.

Romano 14:6

Chi mimianak'apɨ́ ewari ak'ɨ bɨpa Tachi Chipari pae mãɨya oo bɨma. Chi nejõma k'oparipa mãɨya k'oparima Tachi Chipari wap'ea bɨ pẽra. Mãɨ k'orea nek'orude ichia Tachi Ak'õrea sõpia bɨade aparima. Mãɨnepa chi nejõma k'ok'apɨɨpa mãɨya k'ok'ama Tachi Chipari wap'ea bɨ pẽra. Mãɨ k'orea nek'orude ichia pida Tachi Ak'õrea sõpia bɨade aparima.

Hecho 27:35

Mãɨya jarak'ari Pablopa p'ana juade atak'ari ãareaɨrã k'ĩrari Tachi Ak'õrea sõpia bɨade asima. Maapae p'ana t'oet'aak'oak'ari k'osima.

Juan 6:23

Mãɨne waapẽarã p'ãp'orro Tiberia p'uurudepa chesidama chi Jesupa Tachi Chiparia sõpia bɨade ak'ari ẽpẽerã́ p'ana k'opidamá.

Juan 6:11

Jesupa p'ana juade jitak'ari Tachi Ak'õrea sõpia bɨade asima. Maapae ichi ome p'ɨrrɨapataɨrã́ jarasima ẽpẽerã́ jedadamẽrá. Betadeepida ara mãɨya oosima ãareaɨrãpa ãchia k'ɨ̃riautat'a k'odamẽrá.

Luca 22:19

Maapae p'ana jitak'ari Tachi Ak'õrea sõpia bɨade a jarasima. T'oet'aak'ari ãchiá tearude nãɨya jarasima: —Nãɨ mɨ k'ak'uapɨ, mãra k'orea teadapɨ. K'ot'ɨ. Mɨ k'ɨ̃risiadai k'orea ara nãɨ jĩra oo p'anat'ɨ.

1 Corintio 11:24

Tachi Ak'õrea sõpia bɨade ak'ari t'oet'aarude jarasima: «Jitadak'ari k'ot'ɨ. Nãɨ mɨ k'ak'uapɨ, mãra k'orea tearuma. Mɨ k'ɨ̃risiadai k'orea ara nãɨ jĩra oo p'anapariet'ɨ».

1 Corintio 10:30

Mãɨ mɨ nek'o bɨ k'orea Tachi Ak'õrea sõpia bɨade aipɨra, waapẽarã́ k'achia pedeapiiwẽa bɨma, chi mãɨ mɨa Tachi Ak'õrea sõpia bɨade ada k'orea.

Marco 7:34

Maapae pajãnea ak'ɨk'ari ɨbɨa ɨ̃apaak'ari arameo pedeade jarasima: «¡Ep'atá!» Mãɨ pedea jara k'ɨ̃ria bɨma «Ewase».

Luca 9:15

Ichi ome p'ɨrrɨapataɨrãpa ichia jarada jĩra oosidama. Ẽpẽrarã ãarea suak'abari p'aneesidama.

Luca 9:17

Ãareaɨrã nek'odak'ari jãwaasidama. Chi pichoada jɨrɨp'esidaɨde jabara doce ipirupisidama.