Luca 9:1 - Tachi Ak'õre Pedea

¹ Jesupa ichi ome p'ɨrrɨapataɨrã doce p'anɨ ará t'ɨ̃k'ari jua chaarea teasima jaore mietá ãyá jeret'aadamẽrá mãɨnepa k'ak'ua piawẽa be jɨpa beepidamẽrá.

Luca 9:1 Referans Kwoze

Juan 14:12

Mɨa piarã jararuma: parituapa mɨne ĩjãa bɨpɨra, mɨa oo bɨt'a ichia pida ooipɨ. Piarã mɨa oo bɨ k'aepẽra ichia atepe ooipɨ, mɨ, mɨ Ak'õremá bade wãi pẽra.

Luca 10:19

Mɨa mãrá jua chaarea teasima tiore p'uedamẽrá mãɨnepa taama ɨ̃rɨ mãɨnepa tusõre ɨ̃rɨ p'ue t'ɨadamẽrá. Mi ãpia pida mãra piawẽa p'ue ooiwẽma.

Hecho 4:30

Pɨ jua chaarea bɨdepa chi k'ɨdade berã jɨpa beepise mãɨnepa chi pɨ pae pari mimiaparí jĩp'a bɨ Jesú t'ɨ̃nepa ẽpẽerãpa ne p'ue oodak'apɨ́ ãarea oose».

Mateo 16:19

P'uurudepema te ewaparí tearu jĩra mɨa pɨ Tachi Ak'õrepa ichidirã ichi juade ua bɨ t'ãena minachia k'awa bɨ jĩra bɨipɨ. Chi pɨa nãɨ ĩjũane ne itu bɨpiepɨra Tachi Ak'õre pajãne bɨ pida mãɨya ne itu bɨpiiwẽma. Ichiaba chi pɨa nãɨ ĩjũane ne itu bɨpiipɨra Tachi Ak'õre pajãne bɨ pida mãɨya ne itu bɨpiipɨ.

Hecho 1:8

Maamina Tachi Ak'õre Jaore mãra ome beede cherude, mãrapa ichi jua chaarea jitadaipɨ. Mãɨpa mãrapa Jerusalene, ãarea Judea mãɨnepa Samaria tuade mãɨnepa tua t'ɨmɨa bede mɨ k'orea pedeadaipɨ.

Hecho 9:34

Mãɨne Pedropa jarasima: —Enea, Jesucristopa pɨ jɨpa beepisima. ¡P'it'ɨk'ari, pɨchi k'ɨda jitase! Ara mãɨne Enea p'it'ɨsima.

Hecho 3:16

Ara mãɨ Jesú jua chaareadepa nãɨ ẽpẽra, chi mãrapa unu p'anɨt'a, nãɨ jɨpa beesima. Taipa ĩjãa p'anɨma Jesupa chi k'ɨdade be jɨpa beepiparit'a. Mãɨya ĩjãa p'anɨnepa nãɨ ẽpẽra piarã jɨpa beesima, mãɨ ara machia k'awa p'anɨ jĩra.

Mateo 4:24

Mãɨpuru Siria tuade ichi ãarea t'ɨ̃ p'oa beesima. Mãɨ k'orea ẽpẽrarãpa jõma wawariadepa k'ak'ua piawẽa be, k'ak'ua p'ua paara be, jaore mietá pará be, wawa be mãɨnepa sorek'ea be ichimá enemeepachidama. Jesupa ãchi ãarea jɨpa beepipachima.

Mateo 8:9

Ara mãɨ jĩra chi mɨ k'aepẽra atepe chaarea bɨpa jararut'a, mɨa ĩjãa baparima. Ichiaba mɨa jararut'a, chi mɨ juade papaká berãpa ĩjãa p'anaparima. Mɨa abaɨa wãpade arude, wãparima; mãɨnepa abaɨa chepade arude, cheparima. Ichiaba mɨ pae pari mimiaparia ne oopade arude, ooparima.

Luca 10:1

Mãɨya bak'ari Tachi Chipari Jesupa ichi ome p'ɨrrɨapataɨrã awara setenta jɨrɨ atasima Tachi Ak'õre pedea jarade wãnamẽrá. Ichi wãi bɨ p'uuru becha umeemea naa peesima.