Luca 8:7 - Tachi Ak'õre Pedea

⁷ Chi eda waapẽarã net'a tau ĩjũa ɨɨrɨ idá bɨde baek'oasima. Waridak'ari jɨ̃k'ara ɨɨrɨ pará bɨpa pɨra k'enasima.

Luca 8:7 Referans Kwoze

Luca 8:14

Net'a tau ĩjũa ɨɨrɨ idá bɨde baedapa nãɨ jara bɨma: chi eda waapẽarã ẽpẽrarãpa Tachi Ak'õre pedea ũrinak'ari nãɨ ĩjũane sãmaasã́ pia beadai k'orea minachia k'ɨ̃risiapatama, ne ãarea uru p'anapatama, mãɨnepa arapá p'ananai k'ɨ̃risiapatama. Mãɨpuru ãchia ũrinana itu bɨdak'ari waridak'ama.

Luca 21:34

»Jĩrak'aua p'anat'ɨ Tachi Ak'õre itu bɨdaemaapa. It'ua to p'anarãt'ɨ, ne k'ɨ̃risiawẽa p'anat'ɨ mãɨnepa tachi k'ak'uapa oo k'ɨ̃ria bɨ oorãt'ɨ. Jĩrak'aua p'ananaepɨra, ãnimara k'idap'ede baepari jĩra, mãɨ jĩra mãra atua p'anɨne mɨ mãicha cheipɨ. Mãɨ ewari cherude nãɨ ĩjũanepemarã ãarea sõ pará p'ananaipɨ.

Marco 4:7

Mãɨnepa chi eda waapẽarã net'a tau ĩjũa ɨɨrɨ idá bɨde baek'oasima. Chi mãma baek'oada waridak'ari jɨ̃k'ara ɨɨrɨ pará bɨpa pɨra k'enasima. Mãɨpa p'ue chaudaé pasima.

Mateo 13:22

Chi net'a tau ĩjũa ɨɨrɨ idá bɨde p'oda nãɨ jara bɨma: chi eda waapẽarã ẽpẽrarãpa Tachi Ak'õre pedea ũripatama, maamina ãchi sãmaasã́ pia beadai k'orea minachia k'ɨ̃risiapatama. Ne ãarea uru p'ananaipɨra, arapá p'ananai k'ɨ̃risiapatama. Ãarea mãɨ k'ɨ̃risia mietapa ãchia sõne pia ũrinana itu bɨpiparima ne uu warida chauk'á bapari jĩra.

Mateo 13:7

Ichiaba chi eda waapẽarã net'a tau ĩjũa ɨɨrɨ idá bɨde baek'oasima. Chi mãma baek'oada waridak'ari jɨ̃k'ara ɨɨrɨ pará bɨpa pɨra k'enasima.

Luca 8:6

Chi eda waapẽarã net'a tau mawara ɨ̃rɨ ĩjũa namia bɨde baek'oasima. T'õnok'ari pania ãpia newẽa bɨẽra jõma p'urpasima.

Luca 8:8

Maamina chi eda waapẽarã net'a tau ĩjũa piade baek'oasidama. Mãɨ net'a tau pia t'õnonak'ari minachia chausidama». Mãɨya jarak'ari Jesupa jĩk'ua jarasima: «Chi k'ɨɨrɨ pará bɨpa jĩrak'aua ũrise».