Luca 8:14 - Tachi Ak'õre Pedea

¹⁴ Net'a tau ĩjũa ɨɨrɨ idá bɨde baedapa nãɨ jara bɨma: chi eda waapẽarã ẽpẽrarãpa Tachi Ak'õre pedea ũrinak'ari nãɨ ĩjũane sãmaasã́ pia beadai k'orea minachia k'ɨ̃risiapatama, ne ãarea uru p'anapatama, mãɨnepa arapá p'ananai k'ɨ̃risiapatama. Mãɨpuru ãchia ũrinana itu bɨdak'ari waridak'ama.

Luca 8:14 Referans Kwoze

1 Timoteo 6:17

Nãɨ ĩjũane erreara pará berã́ jarase waapẽarã k'aepẽra chi atepe berã k'ɨ̃risiapidaemaapa. Ãchia ne uru p'anɨ tãaraa choak'a pẽra jarase mãɨ k'orea pia p'ananai k'ɨ̃risiapidaemaapa. Tachi Ak'õret'u k'ɨ̃risiadai pia bɨma. Ichiapuru tachiá nejõma minachia teaparima ne k'ɨ̃risiadawẽa p'ananamẽrá.

Marco 4:19

Maamina nãɨ ĩjũane sãmaasã́ pia beadai k'orea minachia k'ɨ̃risiapatama. Ne ãarea uru p'ananaipɨra, arapá p'ananai k'ɨ̃risiapatama. Ichiaba ne wawaria minachia k'ɨ̃riapatama. Mãɨpa ãarea Tachi Ak'õre pedea waa ũripik'ama, ne uu warida chauk'á bapari jĩra.

Mateo 13:22

Chi net'a tau ĩjũa ɨɨrɨ idá bɨde p'oda nãɨ jara bɨma: chi eda waapẽarã ẽpẽrarãpa Tachi Ak'õre pedea ũripatama, maamina ãchi sãmaasã́ pia beadai k'orea minachia k'ɨ̃risiapatama. Ne ãarea uru p'ananaipɨra, arapá p'ananai k'ɨ̃risiapatama. Ãarea mãɨ k'ɨ̃risia mietapa ãchia sõne pia ũrinana itu bɨpiparima ne uu warida chauk'á bapari jĩra.

Luca 21:34

»Jĩrak'aua p'anat'ɨ Tachi Ak'õre itu bɨdaemaapa. It'ua to p'anarãt'ɨ, ne k'ɨ̃risiawẽa p'anat'ɨ mãɨnepa tachi k'ak'uapa oo k'ɨ̃ria bɨ oorãt'ɨ. Jĩrak'aua p'ananaepɨra, ãnimara k'idap'ede baepari jĩra, mãɨ jĩra mãra atua p'anɨne mɨ mãicha cheipɨ. Mãɨ ewari cherude nãɨ ĩjũanepemarã ãarea sõ pará p'ananaipɨ.

Luca 8:7

Chi eda waapẽarã net'a tau ĩjũa ɨɨrɨ idá bɨde baek'oasima. Waridak'ari jɨ̃k'ara ɨɨrɨ pará bɨpa pɨra k'enasima.

2 Timoteo 4:10

Ũpẽa Cresente Galacia tuadea wã basima. Tito Dalmacia tuadea wã basima. Mãɨ awara ũpẽa Demapa chi ne nãɨ ĩjũanepema minachia k'ɨ̃riana pẽra mɨ itu bɨk'ari Tesalónica p'uurudea wãsima.

Juan 15:6

Chi mɨ ome ará bɨwẽt'a, mãɨ mɨ Ak'õrepa awara bɨipɨ pak'uru jua chauk'apɨ́ jĩra. Mãɨ pak'uru jua p'urpak'ari tachia ará jɨrɨp'edak'ari t'ɨpɨde paapatama.

Luca 16:13

»Te chipari pae pari mimiaparí abaɨ pida p'ue mimia baiwẽma chipari ume p'anɨ pae. Ume uru bɨpɨra aba atepe pia k'ɨ̃ria baipɨ. Mãɨ ome nipaipɨ mãɨne chi abaɨ itu bɨipɨ. Ara mãɨ jĩra chi ne minachia uru ba k'ɨ̃ria bɨpa Tachi Ak'õre ome p'ue nipaiwẽma».

Luca 8:13

Net'a tau mawara ɨ̃rɨ ĩjũa namia bɨde baedapa nãɨ jara bɨma: waapẽarã ẽpẽrarãpa Tachi Ak'õre pedea arapá ũripatama maamina k'arra minachia jitadak'a pẽra sõnepa ĩjãanak'ama. Mãɨpuru tãaraawẽa bɨde minachia mĩautade itu bɨpatama.

Luca 8:15

Maamina net'a tau ĩjũa piade baedapa nãɨ jara bɨma: sõ jĩp'a berãpa mãɨnepa k'ɨ̃risia pia berãpa Tachi Ak'õre pedea ũrinak'ari piarã ĩjãapatama. Ãchia ĩjãa p'anɨ itu bɨdak'a pẽra nepia oopatama.

Hebreo 6:1

Mãɨpuru naa wãtɨma Cristo k'orea pia k'awadayá. Tachia chi ichi k'orea naa k'awadaadat'a mãicha waa minachia jarateadaiwẽma, mãɨpari nãɨ k'orea jarateadai p'anɨma: nemietá oo p'anɨ k'orea piudai p'anɨt'a, nemietá itu bɨdak'ari Tachi Ak'õremá chedai p'anɨt'a, Tachi Ak'õrene ĩjãanai k'orea,