Luca 7:34 - Tachi Ak'õre Pedea

³⁴ Maapae mɨ, chi Ẽpẽra Warra che bɨma. Mɨa nejõma k'oparima mãɨnepa nejõma toparima. Mãɨne mãrapa jarapatama: “Mãɨ ne miak'ãe k'oparipɨ mãɨnepa it'ua minachia toparipɨ”. Mãɨ awara jarapatama: “Mãɨ nemietá oopataɨrã ome mãɨnepa Romanepema pae erreara jɨrɨp'epataɨrã ome nipapariade apatama”.

Luca 7:34 Referans Kwoze

Luca 15:2

Mãɨpuru p'ariseorãpa mãɨnepa Moisepa bɨda jarateapataɨrãpa ichi k'orea nãɨya piawẽa pedea p'aneesidama: «Ichia nemietá oopataɨrã́ pia pedeak'ari ãchi ome nek'oparima».

Juan 12:2

Mãma chik'o pia oodak'ari, Jesua nek'opisidama. Martapa jeda basima mãɨnepa Lázaro waapẽarã paara Jesú ome nek'omaa basima.

Luca 19:7

Mãɨ ununak'ari jõmãɨrãpa Jesú k'orea mãɨya piawẽa pedea para beesima: «¡Jãɨ Jesú ẽpẽra nemietá ooparí tede k'ãine wãsima!».

Luca 14:1

Mimianak'apɨ́ ewaride Jesú p'ariseo chi chaarea bɨ tede nek'ode wãsima. Mãɨne waapẽarã p'ariseorãpa minachia ak'ɨ p'anasidama ichia piawẽa ooi k'awa.

Luca 7:36

P'ariseo basima. Mãɨ p'ariseopa Jesú t'ɨ̃sima ichimá nek'ode wãmẽrá. Ara mãɨne Jesú wãk'ari nek'opataɨde suak'abari beesima.

Luca 5:29

Maapae Jesú k'orea Levipa ichi tede chik'o waibɨa oopisima. Chok'ará Romanepema pae erreara jɨrɨp'epataɨrã mãɨnepa waapẽarã ẽpẽrarã ãchi ome nek'o p'anasidama.

Mateo 9:11

Waapẽarã p'ariseorãpa mãɨ unusidama. Mãɨ k'orea Jesú ome p'ɨrrɨapataɨrã́ idisidama: —Mãra jarateaparí ¿k'ãre k'orea Romanepema pae erreara jɨrɨp'epataɨrã ome mãɨnepa waapẽarã nemietá oopataɨrã ome ará nek'oparima?

Juan 2:2

Jesú mãɨnepa chi ichi ome p'ɨrrɨapataɨrã mãɨ arapá miak'ãipataɨ ewari oo p'anɨmá t'ɨ̃ p'anasidama.

Luca 11:37

Jesupa mãɨya jarak'ari p'ariseo abaɨpa ichi t'ɨ̃sima ichi ome nek'ode wãmẽrá. Ara mãɨne Jesú mãɨ ẽpẽra tedea wãk'ari nek'oi k'orea suak'abari beesima.

Mateo 5:46

Maamina mãrapa abapuru mãra k'õp'ãerorãt'a k'ɨ̃ria p'ananaipɨra, ¿k'ãret'a nepia Tachi Ak'õrepa teaima? Romanepema pae erreara jɨrɨp'epataɨrã pida mãɨ jĩra oopatama.

Mateo 11:19

Mãɨpari mɨ, chi Ẽpẽra Warrapa ne ãarea k'oparima mãɨnepa ne ãarea toparima. Maamina ãchia jarapatama mɨ miak'ãe nek'oparipɨ mãɨnepa it'ua minachia toparipɨ. Mãɨ awara jarapatama mɨ nemietá oopataɨrã ome mãɨnepa Romanepema pae erreara jɨrɨp'epataɨrã ome nipapariade apatama. Maamina Tachi Ak'õre k'ɨ̃risia jĩp'a bɨt'a k'awa p'anɨma, chi ichide ĩjãapataɨrãpa jĩp'a oopata pẽra».

Luca 7:33

Mãra piarã mãɨ jĩra p'anɨma. Juan cheside nek'ok'apɨ́ ewari oopachima mãɨnepa it'ua tok'a pasima. Mãɨne mãrapa jarapachidama ichi jaore mietá pará bɨt'a.

Luca 7:35

Maamina Tachi Ak'õre k'ɨ̃risia jĩp'a bɨt'a k'awa p'anɨma, chi ichide ĩjãapataɨrãpa jĩp'a oopata pẽra».