Luca 5:8 - Tachi Ak'õre Pedea

^8-10 Simón Pedropa ichi ome p'anɨ pida beta chok'ará peadada unusidaɨde k'awa k'ɨ̃risiadaé pasima. Santiago mãɨnepa Juan ichi ome basima. Ãchi Zebedeo warrarã pasima. Mãɨne Simón Jesú taade wãk'ari sĩraporode k'obeek'ari jarasima: —Mɨ Chipari, pia bɨma pɨ mɨk'aapema ãyá wãit'a, mɨ nemietá oopari pẽra. Jesupa Simonoa jarasima: —P'erarãse, idiipa waa pɨ mɨ pae ẽpẽerã jɨrɨparí paipɨ.

Luca 5:8 Referans Kwoze

Apocalipsi 1:17

Ichi unuside ne wap'eapa mɨ ichi jĩru k'ait'a piuda jĩra jeeda baesima. Maamina ichi juaraara mɨ ɨ̃rɨ bɨk'ari jarasima: «Ne wap'earãse. Mɨ chi naapemapɨ mãɨnepa chi k'aadeapemapɨ.

Mateo 17:6

Mãɨ ũrisidaɨde ne wap'eapa jeeda barrobari p'aneesidama.

Juan 11:32

María Jesú bɨmá cheside ichi unuside, ichi jĩru k'ait'a bedabari k'obeesima. Nãɨya jarasima: —Mɨ Chipari, pɨ nãma badapara, mɨ ũpẽa piuiwẽ pasima.

Mateo 8:8

Maamina chi papaká berã chi mãɨrã chaarea bɨpa jarasima: —Mɨ Chipari, mɨ ẽpẽra piawẽa bɨma, pɨ mɨ tede eda wãit'a. Maamina pɨ nãmaripa pedeasira, chi mɨ pae pari mimiaparí jɨpa beeipɨ.

Mateo 2:11

Tede eda wãutade warra chak'e chi nae María ome bɨ unusidama. Maapae bedabari k'op'aneenak'ari warra chak'ea pia pedeasidama. Maapae ãchicha ne yaapariidepema ewadak'ari ãchiichia warra chak'ea nee, ãp'o k'era mãɨnepa mirra k'era teasidama.

1 Corintio 13:12

Ara nãɨena tachia Tachi Ak'õre k'orea tau t'aua bɨ jĩra unu p'anɨma chi k'ĩra ak'ɨpataɨde. Maamina ewariaba tachia jõma sãmaasã́ bɨt'a pia ununaipɨ. Ara nãɨena mɨa ãpia k'awa bɨma, maamina ewariaba ne ãarea k'awaipɨ Tachi Ak'õrepa mɨ k'awa bɨ jĩra.

Luca 5:7

Mãɨ k'orea waapẽarã p'ãp'orrode berã juadepa t'ɨ̃sidama k'aripade chedamẽrá. Chedak'ari p'ãp'orro umea betapa ipirusidama. Mãɨpa edá t'aawãnai jĩra nɨp'aneesidama.