Luca 4:41 - Tachi Ak'õre Pedea

⁴¹ Ichiaba chok'ará jaore mietaarã ẽpẽrarã k'ak'uadepema jeret'aasima. Wãutade nãɨya bia jarapachidama: «¡Pɨ piarã Tachi Ak'õre warrapɨ!» Ãchia k'awa p'anasidama ichi Tachi Ak'õrepa teai jarada Tachi K'aripaparí. Mãɨ k'orea Jesupa ãchi ɨtɨak'ari, pedeapik'a pasima.

Luca 4:41 Referans Kwoze

Marco 1:34

Jesupa chi wawaria k'ak'ua piawẽa beada minachia jɨpak'oasima. Mãɨnepa ichiaba chi jaore mietá minachia ãyá jeret'aak'oasima. Chi jaore mietaarãpa ichi k'awa p'anasi pẽra Jesupa ãchiá pedeapik'a pasima.

Santiago 2:19

Pɨa ĩjãa bɨma Tachi Ak'õre abapuru bɨt'a. ¡Minachia pia bɨma! Jaore mietaarã pida mãɨya ĩjãa p'anɨma, maamina Tachi Ak'õre wap'eapa k'ak'ua orepatama.

Juan 20:31

Maamina ãarea nãɨ bɨsima mãrapa Jesú Tachi Ak'õrepa Tachi K'aripaparí teai jarada, Tachi Ak'õre Warrade ĩjãanamẽrá. Mãɨya ĩjãanaipɨra ichidepa chok'ae bai uru p'ananaipɨ.

Marco 3:11

Ẽpẽra jaore mietá pará bepa Jesú unuutade ichi k'ĩrari sĩraporode k'op'aneenak'ari jaore mietaarãpa ne wap'eadepa biapachidama: «¡Pɨ Tachi Ak'õre Warrapɨ!»

Mateo 4:3

Mãɨya bɨde mĩesa jaraparí chesima. Ichia jarasima: —Pɨ piarã Tachi Ak'õre Warrapɨra, jarase nãɨrã mawará p'ana pamẽrá.

Mateo 26:63

Maamina Jesú k'ĩup'ea beesima. Mãɨya bɨde p'aare minachia k'awa bɨpa ichiá jarasima: —Tachi Ak'õre chok'ae bɨ k'ĩrari taiyá piarã jarase. ¿Pɨ Tachi Ak'õrepa Tachi K'aripaparí teai jara badak'ãra? ¿Pɨ Tachi Ak'õre Warrak'ãra?

Mateo 8:29

Mãɨne Jesua jĩk'ua biasidama: —¡Tachi Ak'õre Warra! ¿K'ãre k'orea mɨ ome bariyá bɨma? ¿Tai mĩapiyá ewari chei naena pɨ cheruk'ãra?

Marco 1:25

Jesupa chi jaore mietá nãɨya ɨtɨasima: —¡K'ĩup'ease! Jãɨ k'ak'uadepema ãyá wãse.

Mateo 8:4

Jesupa ichiá jarasima: —Pɨ jɨpa beeda abaɨa jararãse. Mãɨpari p'aaremá wãse pɨ jɨpa beesit'a unumẽrá. Maapae ne tease Moisepa jarada jĩra. Mãɨya ẽpẽrarãpa pɨ piarã jɨpa beeda k'awadaipɨ.

Mateo 8:16

K'iuk'ari ẽpẽrarãpa chok'ará jaore mietá pará be Jesumá enemeesidama. Mãɨne Jesupa ara jararupa chi jaore mietá ãarea ãyá jerek'oasima. Ichiaba k'ak'ua piawẽa berã ãarea jɨpa beepik'oasima.

Marco 1:32

K'iuk'ari ẽpẽerãpa k'ak'ua piawẽa be mãɨnepa jaore mietá pará be Jesumá ateewãsidama.

Luca 4:39

Jesupa edá ak'ɨk'ari chi k'ɨamiá ɨtɨa pedeasima. Ara mãɨne k'ɨamia tuusima. Maapae chi k'ɨdade bada p'irabarik'ari ãchiá nek'opisima.