Luca 4:15 - Tachi Ak'õre Pedea

¹⁵ Judiorã ará pedeapataɨ techa ichia Tachi Ak'õre pedea jaratea bapachima. Mãɨpuru jõmãɨrãpa ichi k'orea pia jarapachidama.

Luca 4:15 Referans Kwoze

Mateo 4:23

Jesú Galilea tuade ãarea p'ɨrrɨasima. Judiorã ará pedeapataɨ techa jarateapachima Tachi Ak'õrepa ichidirã ichi juade ua bai k'orea. Mãɨ pedea pia jarateade wãrucha ãarea ẽpẽrarã k'ak'ua piawẽa be jɨpa beepik'oapachima.

Mateo 9:8

Mãɨ unusidaɨde chi mãma p'anana ne wap'easidama. Maamina Tachi Ak'õrea pia pedeasidama ichi jua chaareadepema ẽpẽrá teada, k'ak'ua piawẽa bee jɨpa beepimẽrá.

Luca 13:10

Mimianak'apɨ́ ewaride Jesupa judiorã ará pedeapataɨ tede jaratea basima.

Marco 1:45

Maamina ãareaɨrã́ ichi jɨpa beeda mẽrawẽa nepɨrɨ beesima. Mãɨ k'orea Jesú mi ãpia pida p'uurude waapẽarã p'uuru bemaapida wãiwẽa basima. Mãɨpari p'uuru awara nipapachima ẽpẽerã beadak'amá. Maamina ẽpẽerã p'uuruchadepemarã ichimá wãpachidama.

Marco 1:39

Mãɨya Galilea tuade ãarea p'ɨrrɨasima. Judiorã ará pedeapataɨ techa jarateapachima. Ichi wãrumá jaore mietá ãyá jerek'oapachima.

Marco 1:27

Mãɨpuru ãareaɨrãpa k'awa k'ɨ̃risiadaé pasima. Ara ãchi paara idi para beesima: «¿Nãɨ k'ãrema? Jesupa jaratea bɨ mãɨ chiwidipɨ, ichi juade ãarea uru bɨdepa pia jarateapari pẽra. Chi jaore mietaarã pida ichia jararut'a ũripatama».

Mateo 13:54

Maapae ichi p'uurudea chesima. Ewariaba judiorã ará pedeapataɨ tede jaratea basima. Chi ũri p'anɨpa k'awa k'ɨ̃risiadaé pasi pẽra nãɨya jarasidama: —Nãɨpa ¿sãmãɨpa jãɨ k'ɨ̃risia k'awa atasima? ¿Sãmaasã́ ẽpẽerãpa ne p'ue oodak'apɨɨrã ichia mãɨ p'ue ooima?

Mateo 9:35

Mãɨya bak'ari Jesú p'uuru waibɨa becha mãɨnepa p'uuru chak'e bemá p'ɨrrɨa wãsima. Judiorã ará pedeapataɨ techa jarapachima Tachi Ak'õrepa ichidirã ichi juade ua bɨ k'orea. Ichiaba mãɨ pedea pia jaratea nipasima jõma k'ak'ua piawẽa berã mãɨnepa k'ak'ua p'ua be jɨpa beepik'oasima.

Luca 4:16

Maapae Jesú ichi warida pada p'uuru Nazaredea wãsima. Mimianak'apɨ́ ewaride ichia oopari jĩra judiorã ará pedeapataɨ tede eda wãsima. Maapae ichi bai nɨbeesima Tachi Ak'õre pedea eda jarai k'orea.