Luca 24:26 - Tachi Ak'õre Pedea

²⁶ ¿Tachi Ak'õrepa Tachi K'aripaparí teai jarada chi Choma beei naena minachia mĩa baiwẽ pasik'ãra?

Luca 24:26 Referans Kwoze

1 Pedro 1:11

Cristo Jaore ãchi sõne bɨpa pedeapipachima Cristo minachia mĩak'ari Tachi Ak'õrepa pia bɨi k'orea. Mãɨpa pedeak'ari k'awa k'ɨ̃ria p'anasidama k'ai k'orea Cristo Jaorepa ãchiá pedeapisit'a mãɨnepa sãapae jõma mãɨ mãɨyai.

Hecho 17:3

Ichia pia jarateapachima Tachi Ak'õrepa Tachi K'aripaparí teai jarada mĩa bai basit'a mãɨnepa piuk'ari chok'ae p'irabarii basit'a. Mãɨ awara nãɨya jarapachima: «Mɨa mãrá jara bɨma Jesú piarã Tachi Ak'õrepa Tachi K'aripaparí teai jaradapɨ».

Hebreo 12:2

Jesude pia k'ɨ̃risiadai p'anɨma. Ichia k'aripasima tachia naa ĩjãanamẽrá mãɨnepa k'aripaparima ewaricha ĩjãa p'ananamẽrá. K'ɨ̃risiat'ɨ sãmaasã́ ichi k'urusude minachia mĩasit'a. Mãɨ k'orea p'erai badamina p'eraé pasima. Ichia k'awasima mãɨya nak'ari minachia arapá bait'a. Idiapae Tachi Ak'õre suak'a beeparí pia bɨ juaraari suak'abari bɨma.

Luca 24:46

Nãɨya jarasima: —Tachi Ak'õre k'art'ade nãɨya bɨ bɨma: Tachi Ak'õrepa Tachi K'aripaparí teai jarada minachia mĩa bɨma. Piuk'ari ewari ũpeaɨde chok'ae p'irabariipɨ.

1 Pedro 1:3

Tachi Chipari Jesucristo, Pajãnepema Ak'õrea pia pedeadai p'anɨma. Ichia tachi minachia k'ĩra chupuriada pẽra Jesucristo piu bada chok'ae p'irabaridadepa tachi chok'ae chiwidi jĩra p'aneepisima. Mãɨpuru piarã k'awa p'anɨma

Luca 24:44

Mãɨya bak'ari ãchiá jarasima: —Mɨ wapida mãra ome baside jara bapachima mɨ k'orea naa bɨdada jõma mãɨyai bɨ. Mãɨ Moisepa bɨsima, Tachi Ak'õre pari pedeapataɨrãpa bɨsidama, mãɨnepa Salmo k'art'ade pida bɨ bɨma.

Luca 24:7

Ichia nãɨya jarasima: “Mɨ, chi Ẽpẽra Warra ẽpẽerã k'achiarã́ jita teadai p'anɨma. Mɨ k'urusude peadaipɨ, maamina ewari ũpeaɨde chok'ae p'irabariipɨ”.

Juan 2:22

Ichi chok'ae p'irabarik'ari ichi ome p'ɨrrɨapataɨrãpa ichia mãɨya jara badat'a k'ɨ̃risiasidama. Mãɨne ãchia Tachi Ak'õre pedeade bɨ bɨt'a mãɨnepa Jesupa jarada piarã ĩjãasidama.

Juan 20:9

Ara mãɨ ĩjãanamina, ãchia Tachi Ak'õre pedeade Jesú chok'ae p'irabarii bɨt'a mãɨ k'orea bɨ bɨt'a, mãɨ waidi pia ũrinawẽa p'anasima.