16 Maamina Jesú mãɨya bɨt'a ãchiá k'awapié pasima.
Tap'ededa Jesú ipude bai nɨbasima maamina ãchia ichi atua p'anasidama.
Ara mãɨya jararude María ãpɨtea ak'ɨside, Jesú unusima, maamina k'awaé pasima chi mãɨ Jesut'a.
Mãɨneepuru Tachi Ak'õrepa ãchiá k'awapisima Jesú mãɨya bɨt'a. Maamina Jesú ara mãɨne wẽpasima.
Mãɨya nak'ari Jesú ome p'ɨrrɨapataɨrã ume p'uurudepa wãuta pasima. Mãɨrã́ Jesupa ara ichi k'ĩra awara unupisima.
Mãɨya pedea wãutade Jesú ãchimá orrobarik'ari, ãchi ome wãpodosima.
Mãɨne Jesupa ãchiá idisima: —¿Mãrapa k'ãre nepɨrɨ wãutama? Mãɨ ũrisidaɨde k'ĩra piawẽa bai nɨp'aneesidama.
